إعـــــــلان

Collapse

.

,
See more
See less

ما هى مقترحاتك لتحسين الأداء المروري في مصر؟؟

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة gemino مشاهدة المشاركة
    يظهر ان حضرتك مش بتمشى على طرق سريعة او بتشوف حوادث او مثلا مش بتمشى بلعربية الملاكى بتاعتك على 140 كم/س و تلاقى مقطورة مش محملة حاتركب على عربيتك لو ماوسعتش او معدية جنبك و صنفرت الازاز و الكابوت و الفوانيس من بواقى الرمل اللى كانت محملاه وان كان ولابد من نقل تقيل يبقى حتة واحدة طويلة مش اتنين و فى حاوية او صندوق مغلق و اعتقد ان ده مش حايخرب بيت اباظة مصنع المقطورات اللى فى دمنهور او المدمنيين اسف اقصد السواقيين و ياريت تبص على اللينك ده:
    http://www.elakhbar.org.eg/issues/17432/0300.html
    يا حبيبى انا بامشى على 140 و150 كمان وبيحصل اللى بتقول عليه ... انا مش باقول ان النقل التقيل زى الفل ومالوش حوادث ... اطلاقاً ... انما مش معنى ان وجود تصرفات خاطئه من سائقى النقل انى الغى "نص" الصناعه ... علاج المشاكل مايكونش ابداً باسلوب البتر فى صناعه استراتيجيه زى دى (بصراحه ولا فى اى حاجه) انما الاصلاح يكون بالقوانين

    انا مدير تنفيذى فى احد شركات النقل التقيل خارج مصر وخلال عمل آخر سابق شاركت فى أكثر من 5 مؤتمرات دوليه بتناقش عوامل الأمان والسلامه على الطرق المصريه ... يعنى داخل شويه جوه الموضوع .. خلال المؤتمرات دى حضر ما لا يقل عن 65 خبير مصرى واجنبى وممثلين من الهيئه الدوليه السلامه والامان على الطرق وممثلين من وزاره الداخليه ودكاتره من الجامعه وكان فى دراسات كتير جدا عن حلول للموضوع ... لكن لم يجرؤ حد فيهم انه حتى يفكر فى حل زى ده لأنه ببساطه ماينفعش

    فى حلول كتير قوى لمعالجه المشكله ...لجان تفتيش للتأكد من تغطيه البضاعه بطريقه سليمه والتاكد من الاوراق ... تحديد الطرق الخاصه بالنقل التقيل ومنعه فى مناطق معينه او المدن ... تحديد التوقيت الذى تعمل به بحيث يكون بدايه من 1 صباحاً ....الزام السائق بوجود تباع معه للرحلات اكثر من 400 كيلو لتبادل القياده او للطوارئ ... الالتزام بإشارات فوسفوريه للوضوح اثناء الليل ...تحديد حاره للنقل التقيل فقط ... وهكذا

    القصه مش قصه اباظه او غبور او السواقين ... فكر حضرتك فى الصناعه نفسها كصناعه استراتيجيه ما ينفعش معاها قرارت باتره ...عامة انا شرحت وجهة نظرى واقترح لو فى حاجه تانيه تحب حضرتك مناقشتها سويا اننا ننقلها للخاص علشان وقت الزملا وحتى لا نبتعد عن الموضوع الاصلى
    رأس الحكمه مخافه الله
    وبخ الحكيم يزداد حكمه وبخ الجاهل يزداد جهاله
    لا تكن حكيماً فى عينى نفسك

    [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

    Comment


    • #32
      انا برضه مقتنع تماما برفع السن القانوني لاخراج الرخصه لسن 21 سنه بس ممكن يبقا في حاجه اسمها تحت التدريب للي يكون 18 سنه: يعني ليه شوارع معينه واوقات معينه يمشي فيها وطبعا يمنع من السفر او الطرق السريعه لغايه لما يكون في السن القانوني لاخراج رخصه خاصه هيكون اكيد خد خبره كبيره وبقا بيسوق كويس

      تاني حاجه يبقا في ظبط في موضوع اخراج الرخصه يعني ببقا فيه رقابه شديده علي موضوع الوسايط والفلوس واللي بيحصل ده لان ده بيخلي ناس مش عارف اقول ايه عليهم بيسوقو بكل حريه


      طبعا عشان انا من اسكندريه هقول الشوارع تتظبط شويه لان بجد العربيات عفشتها راحت في داهيه حتي العربيات الجديده موديل 2007!!!!!!


      وياااااااااااااااااااااااااااريت منع موضوع انه كل واحد في الشوارع الداخليه يعمل مطب قدام بيته
      وحتي لو خايف علي الناس يعمل مطب معقول مش مطب شكل المثلت اللي لو عملت ايه هيحك في العربيه كده كده..... وطبعا بجد نفسي فعلا المطبات القانونيه اللي في الطريق تتعلم بالعلامات الصفرا دي او العواكس اللي بتتحط زي مرسي مطروح كده. عشان معظمها مبيبنش خالص ولازم تكون حافظ الطريق عشان تعرف انه في مطب صناعي


      وطبعا الاهتمام شويه بعساكر المرور من ناحيه مرتباتهم ومظهرهم العام لان كده حرام وفي عساكر كتير بيسيبو الاشاره بتاعتهم بدري عشان يشوفو شغل يزودو بيه الدخل عشان يقدرو يعيشو
      وطبعا طبعا الغااااااااء موضوع حافز التحصيل علي المخافات ده الاحسن رفع المرتب شويه والرقابه عليه بصوره دوريه مفاجاه كده هيكون احسن كتير

      انا حاسس اني كتبت كتير اوي مع ان لسه في حاجات تانيه بس لو الحاجات دي اتحققت بتهيالي انا عن نفسي هكون راضي عن المرور في اسكندريه تحديدا
      [URL="http://www.nilemotors.com/Nile/showthread.php?t=16619"]أكتر من 40 سؤال بتوع الكمبيوتر أو الاشارات ( للرخصه الخاصه) [/URL]

      Comment


      • #33
        to emadkamel حبيبى ده مش كلامى انا بس ده كلام الحكومة و لو كنت قرات اللينك كنت حاتعرف كده و طبعا كل واحد بيتحيز لشغله و عموما كل الحلول اللى انت قلتها دى موجودة فعلا فى مصر بس الفساد و الرشاوى عندنا اهم من حياة الناس و طبعا كل واحد ليه وجهة نظر و ياخسارة بدل المؤتمر و التمثيل للناس اللى بتحضر المؤتمر من مصر
        [CENTER][SIZE=6][COLOR=darkslateblue] [/COLOR][/SIZE][/CENTER]

        Comment


        • #34
          المشاركة الأصلية كتبت بواسطة gemino مشاهدة المشاركة
          to emadkamel حبيبى ده مش كلامى انا بس ده كلام الحكومة و لو كنت قرات اللينك كنت حاتعرف كده و طبعا كل واحد بيتحيز لشغله و عموما كل الحلول اللى انت قلتها دى موجودة فعلا فى مصر بس الفساد و الرشاوى عندنا اهم من حياة الناس و طبعا كل واحد ليه وجهة نظر و ياخسارة بدل المؤتمر و التمثيل للناس اللى بتحضر المؤتمر من مصر
          لو راجعت كلامى مش هاتلاقى اى تحيز لشغلى لانه ببساطه مالوش علاقه بيا انا .. دى صناعه "استراتيجيه" عامة انا هارد على حضرتك بالتفصيل على الخاص احتراما لوقت الزملاء ولصاحب الموضوع
          رأس الحكمه مخافه الله
          وبخ الحكيم يزداد حكمه وبخ الجاهل يزداد جهاله
          لا تكن حكيماً فى عينى نفسك

          [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

          Comment


          • #35
            المشاركة الأصلية كتبت بواسطة emadkamel مشاهدة المشاركة
            يا باشا ازاى؟؟ انت حضرتك عارف معنى كده ايه؟ الاثر المباشر زياده اسعار اى حاجه فى الحياه 70% على الأقل لان اى حجم بضاعه كان بيتنقل علىمره بقى على مرتين .... نمره 2 انهيار صناعه النقل فى مصر لأن اى شركه نقل هاتستغنى فجأه عن نص قوتها وكتير منهم واخد قروض وعليهم فوايد ... ده طبعاً بالإضافه إلى توقف مصانع انتاج الترلات او على الاقل تخفيض انتاجها للنص وعلى فكره هاتلاقى برضه زياده فى العربيات لأن فى الآخر البضايع لازم تتنقل بس بدل ما هايكون راس وتريللا هاتبقى راسين بتريللتين !!!!

            بعدين ليه نلغى المقطوره اصلاً .. دى حاجه ماحصلتش فى اى حته فى الدنيا !!
            هى دى اساس المشكلة فى مصر... الفلوس اهم من البنى ادم
            تكلفة النقل اهم من سلامة المواطنين

            MMamdouh
            [CENTER]What is the difference between ignorance and apathy?...I don't know & I don't care[/CENTER]

            [CENTER][SIGPIC][/SIGPIC][/CENTER]


            [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

            [marq="Error"]what goes around... comes around[/marq]


            [CENTER][URL="http://www.cardomain.com/ride/567267"]MMamdouh's Lanos on CarDomain
            [/URL][/CENTER]

            [URL="http://www.nilemotors.net/Nile/showthread.php?t=85421"]
            [/URL]

            Comment


            • #36
              المشاركة الأصلية كتبت بواسطة emadkamel مشاهدة المشاركة
              !

              بعدين ليه نلغى المقطوره اصلاً .. دى حاجه ماحصلتش فى اى حته فى الدنيا !!

              أستاذ عماد
              المقطورة غير مسموح بها في أوروبا و لا أمريكيا و تم الغائها منذ سنوات عدة عندما أكتشفوا مخاطرها
              و معلش هي حياة الناس أهم و لا صناعة المقطورة ؟؟؟؟؟؟؟؟؟؟؟؟

              [img2]http://i59.tinypic.com/2vxpukz.jpg[/img2]

              Comment


              • #37
                رأيي لتحسين حالة المرور في مصر
                أولا : سحب الرخص المصدرة إلى اﻵن تدريجيا و التقدم لإمتحانات جديدة يتم تعليم السائقين فيها كيفية القيادة مش كيفية تحريك العربية و تعليمه قواعد المرور
                ثانيا : تغليظ العقوبات مثل سحب رخصة نهائي للمشي العكسي مع غرامة لا تقل عن 5000 جنيه مصري
                ثالثا : وقف تراخيص السيارات التي تم إنتاجها قبل عام 1980 مع إعطاء أصحابها تراخيص لسيارات حديثة
                رابعا : وقف البناء في القاهرة تماما
                خامسا : ميكنة الحكومة
                يعني مش لازم أروح الإدارة الحكومية علشان أخلص مصلحة و لكن كما تفعل دول أوروبا مثلا ..... يمكنك إرسال الأوراق و المستندات المطلوبة و بهذه الطريقة يتم تشغيل هيئة البريد و إغداق الارباح عليها ........ تخفيف الضغط على المرور و الشوارع ..... توفير كمية الوقود الرهيبة التي يتم إستهلاكها
                سادسا : إلغاء الميكروباصات تماما في القاهرة الكبرى مع تشغيل شركات كبيرة في النقل العام بإستخدام حافلات ( أوتوبيسات ) صديقة للبيئة و جميلة الشكل و تكون غير مدعمة علشان تبقى الخدمة فيها كويسة مع الإحتفاظ بالأتوبيسات المدعمة للفقراء و متوسطي الدخل
                سابعا : إعادة تخطيط الطرق بلا إستثناء
                ثامنا : إجبار المواطنين على عبور الطرق من أماكن عبور المشاة مع وضع إشارات مرور لتوقيف السيارات و تغريم المشاه الذين يعبرون من أماكن غير أماكن العبور
                تاسعا : حبس من يسير بكاوتش ممسوح و ليس له معالم مع تغريمه 5000 جنيه مصري
                عاشرا : إلغاء المقطورات تماما كما يفعلون في أوروبا و امريكا الشمالية
                الحادي عشر : منع التوك توك من السير في أي شارع عام مع احتجاز هذا التوك توك إلى الأبد و بيعه في مزاد عام و حبس قائده
                أثنى عشر : يجب وقف إستيراد التوك توك تماما

                هذه كانت عينة من الأفكار بتاعتي


                [img2]http://i59.tinypic.com/2vxpukz.jpg[/img2]

                Comment


                • #38
                  بصوا يا شباب .. انا كنت حابب اقفل الموضوع ده لان زى ما قلت صاحب لموضوع الاصلى والزملاء مالهمش ذنب انهم يفتحوا موضوع عن مقترحات تحسين الطرق يلاقوا مناقشه عن جدوى صناعه النقل التقيل .... انما لما لقيت ان كلامى اتفهم ان "تكلفه النقل اهم من سلامه المواطن" ووجود تساؤل يشكك فى رأيى اذا كان " حياة الناس اهم ولا صناعه المقطوره" قلت الحق بسرعه اوضح وجهة نظرى قبل ما اتهم بالكفر :) :) هاحاول اكون محدد ومختصر واتمنى انى لا اضطر انى اكتب تانى فى الموضوع ده

                  1- كلنا متفقين ان حياه الانسان اهم من اى حاجه فى الدنيا، لم آخذ تساؤلاتكم عن رأيى بهذا الصدد على محمل الجد وافهم انها تساؤلات استنكاريه، واعتقد برضه انكوا اكيد عارفين ان رأيى هايكون ان الانسان وسلامته اهم.

                  2- لما نيجى ندرس حلول لمشاكل اى صناعه، بنحاول نتجه للحل من خلال منطلق واحد هو حتميه وجود تلك الصناعه، يعنى ايه ... كلنا بنسمع عن مخاطر الموبايل وتأثير اشعاعاته والكلام ده ... هل حد ممكن يقول اننا نلغى وجود الموبايل خالص؟؟؟ ولا الافضل نوعى بخطورته وبالاسلوب او الوقت الامثل لاستخدامه ونعمل لوائح لتنظيم الترددات ونزود فى البحث العلمى لغايه ما نوصل لموبايل آمن؟؟

                  3- عدد العربيات الملاكى اللى بتعمل حوادث "مسجله" فى الاقسام اضخم بكتير جداً من التريللات غير الحوادث الغير مسجله ... حتى لو عملنا نسبه وتناسب بين عدد الملاكى وحوادثها وعدد التريللات وحوادثها هانلاقى الملاكى أكتر .. فالأفضل فى رأيكوا نلغى الملاكى ... ولا نشدد القوانين بتاعة الترخيص والسير وخلافه مما ذكره باقى الاعضاء الافاضل فى هذا الموضوع؟ نفس الموضوع ينطبق على الميكروباصات والأتوبيس الاخضر وخلافه

                  4- هاتقولوا ماحنا بنقول نلغى التريللا فقط مش الصناعه كلها وهنا اوضح الجزء الاقتصادى لأن زى برضوا ماحضراتكوا عارفين البلد كلها بتصرخ من الغلاء فلو احنا مثلا قلنا ان الـ 10 طن طماطم بتتنقل على تريللتين فى مره واحده بـ 1000 جنيه هانلاقى انهم هايتنقلوا على تريللتين فى مرتين بـ 1700 جنيه (على الاقل) لان حضراتكوا عارفين ان فيه تكاليف ثابته وخلافه وطبعا حضراتكوا عارفين ان كل حاجه بتتباع وتشترى داخل فى تمنها سعر النقل وده اللى مخوفنا مثلا من زياده سعر السولار... فمن رأيكوا واحنا بصدد حل مشكله ما، هل الأفضل نبص على التبعيات الاقتصاديه للحل واللى هاتأثر على المجتمع ونحاول نوصل لحل يغطى طرفى المعادله وللا الأفضل نجرى ورا حل يعمللى مصيبه على الشعب بعد كده؟ ابقى قفلت باب وفتحت باب ..

                  5- ده طبعا غير الاثر الاقتصادى على المصانع والعاملين بها وعلى قطاع النقل والعاملين به.

                  6- بالنسبه لمنع التريللات فى كل دول العالم ماعدا مصر وسوريا واللى مكتوب فى مقاله الأخبار فأنا بصراحه اول مره اسمع حاجه زى كده ... انما اقدر اقول بضمير مرتاح ان التريللات موجوده فى مصر وسوريا والسعوديه والامارات والجزائر واوغندا والسودان وانجلترا وكوبا وجنوب افريقيا ... دى الدول اللى يإما اعرف شركات فيها او لينا فيها مصانع او اشتغلت فيها بنفسى وبالنسبه لباقى العالم ممكن بسهوله نتفرج على اى فيلم امريكى (وكتير اوى من افلام الاكشن بتبقى فى الموانى) واحنا نلاقى التريللات بتزغرط فى الشاشه وممكن كمان احط اللينك دى http://www.hankstruckpictures.com/morton1.htm ودى http://www.swstruckbodiesandtrailers.com/ فيهم بعض الموديلات وواضح من الصور انها فى امريكا واوروبا وكندا وده بعد بحث بسيط على الجوجل

                  7- وعلى ذكر الاعلام ومن خلال خبره شخصيه .. كتير قوى من الصحفيين غير متخصصين فى مجالات كتاباتهم ولا يدققوا فى صحه المعلومه ... يعنى فى نفس المقال مكتوب ان العربيه ذات الحموله 20 طن تقوم شركات النقل بتحميلها 60 طن !!!! وهنا اعمال العقل واجب ... حد يشرحلى اى شركه لتصنيع التريللات صممت عربيه حموله 20 طن وهى مش عارفه انها بتشيل 60 ... انهى شاسيه ده اللى هايكون مصمم لـ 20 وهايستحمل 60 طن ... ده انا عندى العربيات حمولتها 70 طن باحمل 65 وساعات 60 علشان وعوره الطرق وعلشان شاسيه مايتكسرش وهو صناعه المانى ومن سبيكه مرنه !!!!

                  8- فى الآخر مافيش مانع من Disclaimer صغير حيث ارجو أن أكون قد وفقت فى توضيح وجهة نظرى وأؤكد انى اسعى لتوضيحها فقط وليس لإقناعكم بها حتى تكون ردودكم مبنيه على اساس فهم واضح لكلامى واحترم وجهة نظركم وماشربش الشاى اشرب قازوزه :) :)
                  رأس الحكمه مخافه الله
                  وبخ الحكيم يزداد حكمه وبخ الجاهل يزداد جهاله
                  لا تكن حكيماً فى عينى نفسك

                  [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

                  Comment


                  • #39
                    على فكرة كلام (توت عنخ امون) بالنسبة لإلغاء المقطورات صح فى جزء منه

                    بس اللى عايز أوضحه إن المقطورات فعلا إتمنعت برة ، بس المقطورات اللى مربوطة فى قلابات وتم إستبدالها بمقطورات عبارة عن راس وديل المشهورة لأنها أأمن كتير ، أما المقطورات اللى مربوطة فى قلاب 16 متر مكعب زى اللى بتشوفوها جايبة خام حديد من البحرية أو شايلة شكاير أسمنت وأى مواد محاجر ، دى الأمان فيها أقل و مش شغالة فعلا برة ، وبيستعيضوا عنها بالراس وديل صندوق 30 أو 45 متر مكعب يعنى حوالى 60 طن (حسب نوع الحمولة) ، يعنى ليس أقل كثيراً من المقطورة الخطر التى تم إلغائها

                    موضوع الحمولة الزايدة ده بيحصل بالتأكيد عشان إنت أكيد فى مصر ، و(مقطورات) الطفلة والأسمنت بتبقى مرخصة 55 طن وبتشيل أحياناً من 75 - 80 طن ، والكارثة إنها بتدفع فرق الميزان وخلصت الشغلانة على كدة ، لأن غرامة الميزان أرخص من ربح فرق الحمولة ، فبيدفع الميزان ويعمل نقلات أقل

                    وعربيات الرخام الحصيرة بيشيلة الصندوق ويركبوا (طبلية) ، المفروض تشيل 25 ، بيشيلوها لحد 40 - 45 طن

                    أما 20 طن وتحملها 60 مش عارف مين قالها ، فمش أوى كدة يعنى :)

                    Comment


                    • #40
                      المشاركة الأصلية كتبت بواسطة Sameh مشاهدة المشاركة
                      موضوع الحمولة الزايدة ده بيحصل بالتأكيد عشان إنت أكيد فى مصر ، و(مقطورات) الطفلة والأسمنت بتبقى مرخصة 55 طن وبتشيل أحياناً من 75 - 80 طن ، والكارثة إنها بتدفع فرق الميزان وخلصت الشغلانة على كدة ، لأن غرامة الميزان أرخص من ربح فرق الحمولة ، فبيدفع الميزان ويعمل نقلات أقل
                      أما 20 طن وتحملها 60 مش عارف مين قالها ، فمش أوى كدة يعنى :)
                      شكرا على التوضيح ... موضوع الحموله ده مذكور فى رابط جريدة الأخبار اللى وضعه الأستاذ جيمينو فى اول الموضوع
                      وفى نقطه تانيه انى باتكلم على حموله الشاسيه وقدرته مش حدود الترخيص ... لأن الترخيص بيعتمد على عوامل حموله الطريق والقوانين المنظمه انما فى المقاله بيقول ان العربيه "تتحمل" 20 طن وهما بيوصلوا بيها لـ 60 وانا ذكرته بس كمثال لعدم تصديق كل ما يكتب فى الجرائد لعدم تخصص كاتبيها
                      شكرا مره اخرى وعذراً لأستاذ محمد النجار لأنى نزلت بالبراشوت على موضوعك ومش لاقى هنا ايكون لوش واحد محرج :)
                      رأس الحكمه مخافه الله
                      وبخ الحكيم يزداد حكمه وبخ الجاهل يزداد جهاله
                      لا تكن حكيماً فى عينى نفسك

                      [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

                      Comment


                      • #41
                        المشاركة الأصلية كتبت بواسطة emadkamel مشاهدة المشاركة
                        1- كلنا متفقين ان حياه الانسان اهم من اى حاجه فى الدنيا، لم آخذ تساؤلاتكم عن رأيى بهذا الصدد على محمل الجد وافهم انها تساؤلات استنكاريه، واعتقد برضه انكوا اكيد عارفين ان رأيى هايكون ان الانسان وسلامته اهم.
                        لا خلاف على ذلك

                        2- لما نيجى ندرس حلول لمشاكل اى صناعه، بنحاول نتجه للحل من خلال منطلق واحد هو حتميه وجود تلك الصناعه، يعنى ايه ... كلنا بنسمع عن مخاطر الموبايل وتأثير اشعاعاته والكلام ده ... هل حد ممكن يقول اننا نلغى وجود الموبايل خالص؟؟؟ ولا الافضل نوعى بخطورته وبالاسلوب او الوقت الامثل لاستخدامه ونعمل لوائح لتنظيم الترددات ونزود فى البحث العلمى لغايه ما نوصل لموبايل آمن؟؟
                        الموبايل بيضر من يستعملة فقط... مسمعناش عن واحد موت 7 او 8 عشان جاتلة missed call... المقارنة متنفعش خالص... بل بالعكس... الغير متضرر الوحيد من حوادث المقطورة هو سائق المقطورة و المتضرر الحقيقى هم الناس اصحاب الحظ العثر اللى شاء القدر انهم يكونوا امام المقطورة
                        3- عدد العربيات الملاكى اللى بتعمل حوادث "مسجله" فى الاقسام اضخم بكتير جداً من التريللات غير الحوادث الغير مسجله ... حتى لو عملنا نسبه وتناسب بين عدد الملاكى وحوادثها وعدد التريللات وحوادثها هانلاقى الملاكى أكتر .. فالأفضل فى رأيكوا نلغى الملاكى ... ولا نشدد القوانين بتاعة الترخيص والسير وخلافه مما ذكره باقى الاعضاء الافاضل فى هذا الموضوع؟ نفس الموضوع ينطبق على الميكروباصات والأتوبيس الاخضر وخلافه
                        نسبة الوفيات فى حوادث المقطورة لا تقارن بحوادث السيارات الملاكى... معتقدش فيه حادثة مقطورة بتنتهى باصابات طفيفة... اما حالات حرجة او وفاه نتيجة الحمولة الكبيرة للمقطورة و غياب السيطرة تماما عليها فى حال انفصالها عن العربية النقل
                        4- هاتقولوا ماحنا بنقول نلغى التريللا فقط مش الصناعه كلها وهنا اوضح الجزء الاقتصادى لأن زى برضوا ماحضراتكوا عارفين البلد كلها بتصرخ من الغلاء فلو احنا مثلا قلنا ان الـ 10 طن طماطم بتتنقل على تريللتين فى مره واحده بـ 1000 جنيه هانلاقى انهم هايتنقلوا على تريللتين فى مرتين بـ 1700 جنيه (على الاقل) لان حضراتكوا عارفين ان فيه تكاليف ثابته وخلافه وطبعا حضراتكوا عارفين ان كل حاجه بتتباع وتشترى داخل فى تمنها سعر النقل وده اللى مخوفنا مثلا من زياده سعر السولار... فمن رأيكوا واحنا بصدد حل مشكله ما، هل الأفضل نبص على التبعيات الاقتصاديه للحل واللى هاتأثر على المجتمع ونحاول نوصل لحل يغطى طرفى المعادله وللا الأفضل نجرى ورا حل يعمللى مصيبه على الشعب بعد كده؟ ابقى قفلت باب وفتحت باب ..
                        احنا بنقول الغاء المقطورة مش التريللا... و فعلا فى كل دول الخليج عندهم تريللات بالعبيط لكن محدش عندة مقطورة غير بلدنا الحبيب

                        اذا لم كان فيه سبب يجعل التريللا بديل غير مناسب للمقطورة يبقى نقطة التكلفة غير منطقية
                        5- ده طبعا غير الاثر الاقتصادى على المصانع والعاملين بها وعلى قطاع النقل والعاملين به.
                        اللى بيصنع مقطورة ممكن يصنع تريللا... هل الفرق بينهم كبير للدرجة ان اللى شغال فى المقطورة ميقدرش يشتغل فى التريللا؟؟
                        6- بالنسبه لمنع التريللات فى كل دول العالم ماعدا مصر وسوريا واللى مكتوب فى مقاله الأخبار فأنا بصراحه اول مره اسمع حاجه زى كده ... انما اقدر اقول بضمير مرتاح ان التريللات موجوده فى مصر وسوريا والسعوديه والامارات والجزائر واوغندا والسودان وانجلترا وكوبا وجنوب افريقيا ... دى الدول اللى يإما اعرف شركات فيها او لينا فيها مصانع او اشتغلت فيها بنفسى وبالنسبه لباقى العالم ممكن بسهوله نتفرج على اى فيلم امريكى (وكتير اوى من افلام الاكشن بتبقى فى الموانى) واحنا نلاقى التريللات بتزغرط فى الشاشه وممكن كمان احط اللينك دى http://www.hankstruckpictures.com/morton1.htm ودى http://www.swstruckbodiesandtrailers.com/ فيهم بعض الموديلات وواضح من الصور انها فى امريكا واوروبا وكندا وده بعد بحث بسيط على الجوجل
                        احنا بنتكلم على المقطورة مش التريللا
                        7- وعلى ذكر الاعلام ومن خلال خبره شخصيه .. كتير قوى من الصحفيين غير متخصصين فى مجالات كتاباتهم ولا يدققوا فى صحه المعلومه ... يعنى فى نفس المقال مكتوب ان العربيه ذات الحموله 20 طن تقوم شركات النقل بتحميلها 60 طن !!!! وهنا اعمال العقل واجب ... حد يشرحلى اى شركه لتصنيع التريللات صممت عربيه حموله 20 طن وهى مش عارفه انها بتشيل 60 ... انهى شاسيه ده اللى هايكون مصمم لـ 20 وهايستحمل 60 طن ... ده انا عندى العربيات حمولتها 70 طن باحمل 65 وساعات 60 علشان وعوره الطرق وعلشان شاسيه مايتكسرش وهو صناعه المانى ومن سبيكه مرنه !!!!
                        انا معاك بس فداحة الحوادث واقع لا يقبل التغيير... كتلة وزنها 8 الى 10 طن ماشية بسرعة 60 كيلو فى طريق سريع بدون اى سيطرة... تفتكر ايه اللى ممكن يحصل؟... اكيد كارثة

                        جربت تبقى راكب عربية صغيرة و تبقى جنبك مقطورة و لما يبقى فيه مطبات تلاقى المقطورة بتروح يمين و شمال؟ دى لوحدها تنشف دم اى سواق و ممكن يرتبك و يعمل حادثة
                        8- فى الآخر مافيش مانع من Disclaimer صغير حيث ارجو أن أكون قد وفقت فى توضيح وجهة نظرى وأؤكد انى اسعى لتوضيحها فقط وليس لإقناعكم بها حتى تكون ردودكم مبنيه على اساس فهم واضح لكلامى واحترم وجهة نظركم وماشربش الشاى اشرب قازوزه :) :)
                        الاختلاف فى الرائى لا يفسد للود قضية... و بالتالى انا عايز فانتا تفاح :D

                        MMamdouh
                        [CENTER]What is the difference between ignorance and apathy?...I don't know & I don't care[/CENTER]

                        [CENTER][SIGPIC][/SIGPIC][/CENTER]


                        [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                        [marq="Error"]what goes around... comes around[/marq]


                        [CENTER][URL="http://www.cardomain.com/ride/567267"]MMamdouh's Lanos on CarDomain
                        [/URL][/CENTER]

                        [URL="http://www.nilemotors.net/Nile/showthread.php?t=85421"]
                        [/URL]

                        Comment


                        • #42
                          المشاركة الأصلية كتبت بواسطة emadkamel مشاهدة المشاركة
                          من وجهة نظرى الحلول كما يلى:

                          1- البدايه من الترخيص: كتير جداً جداً من السائقين غير مؤهلين لقيادة كارو حتى وبالتالى اقترح
                          - زيادة الرقابه على وحدات استخراج التراخيص لمنع الكوسه وكافه الخضروات المضره
                          - رفع مرتبات العاملين بتلك الوحدات لنفس السبب
                          - زياده عدد العاملين ... مش ممكن مهندس واحد فى مرور لسلام يتعامل مع 300 واحد كل يوم !!
                          - الاهتمام باختبار القياده الذى يتم فى اى دوله (حتى كوتديفوار) على الطريق نفسه ومن خلال ممتحن محترف ولا بد من الالمام ببعض اساسيات الصيانه بجانب القياده

                          2- الطرق: سوء الطرق سبب حوادث كثيره ولذلك لا بد من:
                          - الإهتمام "بالخامه" التى يتم الرصف بها
                          - زياده الرقابه على شركت المقاولات التى تقوم برصف غير مطابق للمواصفات "كبارى الاوتوستراد اللى بتتصلح كل اسبوعين اكبر مثال"
                          - الاهتمام بالخدمات على الطرق
                          - تحديد سرعات واقعيه على الطرق ... مش معقوله طريق مفتوح وعرضه 30 متر تكون السرعه عليه للملاكى 80 !!

                          3- عسكرى المرور: وهو المنوط به منع المخالفات ولذلك لا بد:
                          - رفع متبات عساكر المرور لحدود آدميه تكفل لعسكرى عدم الحاجه للجوء للبقشيش او العمل كسائس "من الباطن" كذلك الاهتمام بالمظهر الرث للعسكرى اللى بيبقى عامل زى عيل متختخ مدفى صدره بالحزام واساوره مقطعه وحالته كرب
                          - منع حافز التحصيل على المخالفات لان 90% من العساكر بيكتبوا ارقام وخلاص علشان "يحققوا التارجت"
                          - الاهتمام بتثقيف العسكرى بقواعد المرور اصلا ... لو سألت كتير منهم اى سؤال عن معانى اللوحات مش هايكون عارفها

                          دول أكتر 3 عوامل مؤثره فى حالة المرور فى رأيى ... وجنب ده ممكن بعض القرارات مثل:

                          1- الغاء ترخيص اى سياره موديل قبل 35 او 40 سنه (أيوه فى عربيات بقالها 40 و50 سنه كمان ماشيه فى شوارع المحروسه ربنا يحرسها) مع تسهيلات للحصول على سيارات مستعمله احدث او زيرو

                          2-انشاء جراجات متعدده الطوابق فى كل الاماكن الحيويه (سواء تحت الارض او فوق الارض)

                          3- تشديد الرقابه على الميكروباصات الغير صالحه للاستهلاك الآدمى (الترامكو ... رمسيس ... وما شابه)

                          4- تشديد عقوبات قانون المرور "وتفعيلها" وحط تحتها 400 خط

                          5- الغاء تحرك النقل التقيل الا بعد 12 مساءاً ... واعتقد ده مطبق فى بعض الاماكن

                          6- فى فكره العراق طبقها ايام ازمة البترول وهى السماح بالتحرك للسيارات ذات الارقام الفرديه فقط يوم والزوجية فقط اليوم التالى مع زياده توافر الباصات العامه ...بس ماعرفش ان كانت الفكره دى مجديه وللا لأ

                          ده كل اللى فى بالى .... بس ايه لزمة الكلام واحنا كلنا عارفينه؟؟!!! تفتكروا فى فايده؟
                          الله ينور عليك يا استاذ عماد ...بالفعل حضرتك اوجزت معظم اجزاء المشكلة في النقاط اللي حضرتك سردتها و لي اضافة بسيطة الا و هي الاهم من الشغل هو تظبيط الشغل فمصر لديها من القوانين ما يشرف اي دولة في العالم
                          و لكنها قوانين ديكورية تصلح للشكل العام فقط و لكنها غير مطبقة بالمرة فالمطلوب تفعيل هذه القوانين بجدية
                          مطلوب متابعة تنفيذ هذه القوانين بأي وسيلة عن طريق العسكر او عن طريق كاميرات مراقبة لاننا اذا اردنا ان نكون دولة محترمة لابد ان نحترم القوانين و ان تطبق القوانين علي كل من يعيش علي ارض مصر و لا فرق بين احد
                          القضاء علي العنصرية في الشارع المصري و قد يندهش البعض هل يوجد في مصر عنصرية ...بالتأكيد توجد عنصرية و في ابشع صورها اولا عنصرية ارقام السيارات فالاربع ارقام تعني شخصية مهمة و بادج الهيئة القضائية يعني انهم فوق القانون فالظلم الموجود في الشارع المصري هو الذي اوجد لدي المصري البسيط المتمثل في سائق التاكسي و الميكروباص متعة في كيفية خداع اجهزة المرور و التهرب منهم و كسر قواعدهم
                          يوجد مجهود مبذول في الشارع لا احد ينكر ذلك متمثل في انشاء و خلق محاور جديدة و اضرب مثالا في الاسكندرية في منطقة شرق فقد تمت عدة تعديلات مرورية فعالة اسهمت في خلق حالة سيولة مشكورة عليها اجهزة المرور و لكن بكل اسف بدون متابعة امنية تذكر فتجد مثلا شارع البكباشي العيسوي و قد جعلوه اتجاها واحدا من يقطع عليك الطريق في الاتجاه المقابل و انت تجري بسرعة
                          فالاهم من الشغل هو تظبيط الشغل

                          محمد فهمي
                          (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

                          [SIZE=4][COLOR=navy]محمد فهمي[/COLOR][/SIZE]

                          Comment


                          • #43
                            المشاركة الأصلية كتبت بواسطة MMamdouh مشاهدة المشاركة
                            لا خلاف على ذلك

                            الموبايل بيضر من يستعملة فقط... مسمعناش عن واحد موت 7 او 8 عشان جاتلة missed call... المقارنة متنفعش خالص... بل بالعكس... الغير متضرر الوحيد من حوادث المقطورة هو سائق المقطورة و المتضرر الحقيقى هم الناس اصحاب الحظ العثر اللى شاء القدر انهم يكونوا امام المقطورة

                            نسبة الوفيات فى حوادث المقطورة لا تقارن بحوادث السيارات الملاكى... معتقدش فيه حادثة مقطورة بتنتهى باصابات طفيفة... اما حالات حرجة او وفاه نتيجة الحمولة الكبيرة للمقطورة و غياب السيطرة تماما عليها فى حال انفصالها عن العربية النقل

                            احنا بنقول الغاء المقطورة مش التريللا... و فعلا فى كل دول الخليج عندهم تريللات بالعبيط لكن محدش عندة مقطورة غير بلدنا الحبيب

                            اذا لم كان فيه سبب يجعل التريللا بديل غير مناسب للمقطورة يبقى نقطة التكلفة غير منطقية

                            اللى بيصنع مقطورة ممكن يصنع تريللا... هل الفرق بينهم كبير للدرجة ان اللى شغال فى المقطورة ميقدرش يشتغل فى التريللا؟؟

                            احنا بنتكلم على المقطورة مش التريللا

                            انا معاك بس فداحة الحوادث واقع لا يقبل التغيير... كتلة وزنها 8 الى 10 طن ماشية بسرعة 60 كيلو فى طريق سريع بدون اى سيطرة... تفتكر ايه اللى ممكن يحصل؟... اكيد كارثة

                            جربت تبقى راكب عربية صغيرة و تبقى جنبك مقطورة و لما يبقى فيه مطبات تلاقى المقطورة بتروح يمين و شمال؟ دى لوحدها تنشف دم اى سواق و ممكن يرتبك و يعمل حادثة

                            الاختلاف فى الرائى لا يفسد للود قضية... و بالتالى انا عايز فانتا تفاح :D

                            MMamdouh
                            طيب كده واضح حاجه مهمة اننا بنتكلم على حاجتين غير بعض تماماً .. انا كل كلامى وشغلى والصور اللى انا حاططها وتساؤلاتى كانت على التريللات ... وواضح انك بتتكلم على المقاطير ومش مهم اللبس جه منين بصراحه...فكده يبقى انتهى النقاش فى النقطه دى والتعليقات الخاصه بيها .... بس على فكره فى مقارنه الحوادث (وانا عارف انى ماذكرتش ده) انا باتكلم من واقع عدد القتلى نتيجه حوادث السيارات قدام عدد القتلى نتيجه حوادث النقل - الملاكى اكتر... ممكن كلامك يبقى صح لو قصدك ان مثلا من كل 10 حوادث ملاكى 3 بيموتوا فى حين من كل 10 حوادث نقل 8 بيموتوا ودى حقيقه وهى نفس فكره حوادث الطيارات حوادث قليله فى عددها وارقام ضحاياها قليل انما احتماليه النجاه فيها ضعيفه جدا

                            الحاجه التانيه ..يعنى ... واضح من مثال الموبايل انه فقط مثال على حتمية وجوده رغم مشاكله او اضراره "مثال" فقط لتوضيح نقطه ان الحل الباتر لا ينفع فى هذه الصناعات الخدميه وليس مثال للمقارنه بين الاضرار وتأثيرها

                            مافيش تفاح تاخد برتقان؟
                            رأس الحكمه مخافه الله
                            وبخ الحكيم يزداد حكمه وبخ الجاهل يزداد جهاله
                            لا تكن حكيماً فى عينى نفسك

                            [url=http://www.0zz0.com][img]http://www3.0zz0.com/2008/03/31/11/728664843.jpg[/img][/url]

                            Comment


                            • #44
                              ايه ده دا المشاريب نزلت مش تستنونى ؟؟؟ :) المهم الخلاصة الغاء المقطورات و تبقى راس + قطعة واحدة طويلة زى عربيات الجيش اللى بتنقل مدافع و دبابات اللى ساعات بنشوفها.
                              [CENTER][SIZE=6][COLOR=darkslateblue] [/COLOR][/SIZE][/CENTER]

                              Comment


                              • #45
                                - بالنسبه لمنع التريللات فى كل دول العالم ماعدا مصر وسوريا واللى مكتوب فى مقاله الأخبار فأنا بصراحه اول مره اسمع حاجه زى كده ... انما اقدر اقول بضمير مرتاح ان التريللات موجوده فى مصر وسوريا والسعوديه والامارات والجزائر واوغندا والسودان وانجلترا وكوبا وجنوب افريقي

                                بص يا باشا
                                يا أستاذ عماد كامل
                                بالنسبة للمداخلة دي ............ لا و ألف لا ................ أنا متأكد مليون و مليون و مليون في المائة إن المقطورة ممنوعة في إنجلترا .
                                أما أفريقيا و الخليج فالله اعلم
                                و عن امريكا ...................... أنا لي صديق كان يعمل في الولايات المتحدة في شركة نقل و سأتأكد منه اليوم ( لتأكيد الكلام ليس أكثر )

                                و بعدين أنا عايز أقول حاجة

                                حضرتك تكلمت في موضوع زيادة تكلفة النقل ...
                                طيب هو فعلا النقل الثقيل و أقصد الرأس التي تجر مقطورتين ووزنها الرهيب بتعوق المرور ............ و تؤثر على حالة الطريق العامة ( أقصد الأسفلت )

                                و شكرا
                                [img2]http://i59.tinypic.com/2vxpukz.jpg[/img2]

                                Comment

                                Working...
                                X