إعـــــــلان

Collapse

.

,
See more
See less

المرض المروري الثاني:ما يسمى بالغرز أو التخييط أو التحويص

Collapse
X
 
  • Filter
  • الوقت
  • Show
Clear All
new posts

  • المرض المروري الثاني:ما يسمى بالغرز أو التخييط أو التحويص

    المرض المروري الثاني:
    ما يسمى بالغرز أو التخييط أو التحويص عند الخليجيين

    أعراضه :
    أثناء السير في طريق مستقيم وفي حال وجود عوائق من السيارات البطيئة أمام قائد السيارة تجده يقوم بتجاوز إحداها من اليمين ثم الأخرى من اليسار ثم الثالثة من الوسط وهكذا ..

    العدوى:
    مرض معدي بشدة بل قد يصيب أكثر الناس تشدداً في الإلتزام بآداب المرور

    الأسباب:
    تنقسم لعدة أقسام: أسباب من القائد نفسه وأسباب من القائدين الآخرين على الطريق وأسباب من طبيعة الطريق

    *الأسباب الخاصة بقائد السيارة نفسه:
    1- الإستعجال
    2- التأخر عن العمل
    3- وجود حالة طواريء معه في السيارة
    4- المرح عند بعض الشباب
    5- إختبار ثبات السيارة لدى بعض الأذكياء (تلاقيه قاعد يجرب طول عمر السيارة معاه)

    *أسباب خاصة بقادة السيارات الأخرى في نفس الطريق:
    1- مرض الإلتصاق بالحارة اليسرى لعدة أسباب في الموضوع التالي:
    http://www.nilemotors.net/Nile/showthread.php?t=21773
    2- وجود سيارات النقل الثقيل التي تعتبر الطريق ملكية خاصة لهم يترنحون مرة يميناً ومرة يساراً وكذلك النقل بمقطورة الذي يسير الجزء الأمامي منها في حارة والمقطورة الخلفية في الحارة المجاورة وإحتمالية أنهم في حالة سكر وخاصة ليلاً
    3- توقف بعض اليساريين عقلياً على يسار الطريق للكشف على عطل أو لتغيير إطار وغالبا يكونون من المصابين بالحول اليسري وكثيراً ما تسببوا في حوادث كثيرة

    *أسباب خاصة بالطريق:
    1- الطريق غير ممهد من أحد جوانبه
    2- وجود فتحات معوقة للدوران للخلف في الجانب الأيسر
    3- وجود عوائق باليمين تمنع الأوتوبيسات وسيارات النقل من السير باليمين وتجبرهم على السير بالجانب الأيسر
    4- حارات الطريق غير محددة أو غير منظمة

    العلاج:
    1- التحلي بالصبر أثناء القيادة
    2- التعرف على أن الغرز تبث الرعب في قلوب قائدي السيارات وقد تؤدي لإختلال عجلة القيادة في أيديهم
    3- التحلي بالليونة في القيادة والإبتعاد عن العناد لإبعاد الآخرين عن الإصابة بحالة من الغرز
    4- القيادة الهادئة في الطرق سيئة الرصف
    5- النزول من البيت مبكراً
    166
    نعم (بشكل عادي لأن هذا هو الحال الواقع)
    0%
    52
    نعم (في أضيق الحدود عند الضرورة فقط)
    0%
    91
    لا أقوم بالغرز أبداً
    0%
    23
    [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
    [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

  • #2
    أنا بالنسبالى كنت بفضل سايق من غير غرز طول ما الطريق ماشى بسرعة معقولة

    بس غالبا بيقابلنى ناس بطيئة و ناس بتزنق عليا عشان تدخل فى الربع متر اللى سايبه بينى و بين اللى قدامى
    بالاضافة للنماذج اللى حضرتك قولتها

    لغاية اما بقيت مش بستنى حد
    بطلع من اللى قدامى على طول

    وبالتالى بقت تقريبا سواقتى كلها غرز على البطئ و السريع

    Comment


    • #3
      نعم (في أضيق الحدود عند الضرورة فقط)
      مش حقولك انى عمرى ما عملتها بس ساعات بعملها بس عمرى ما اخدت غرزة مميتة او غرزة متخلفة لأ بتكون محسوبة و بعقل و ببقى عامل حساب خطأ الغير !
      [CENTER]الحمد لله[/CENTER]
      [CENTER] [/CENTER]
      [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

      Comment


      • #4
        المشاركة الأصلية كتبت بواسطة fahd_628 مشاهدة المشاركة


        مش حقولك انى عمرى ما عملتها بس ساعات بعملها بس عمرى ما اخدت غرزة مميتة او غرزة متخلفة لأ بتكون محسوبة و بعقل و ببقى عامل حساب خطأ الغير !
        هي غرزة واحدة بس لحد دلوقتي و كانت داخل البلد و كانت فحصان بعربية كارو ..
        [SIGPIC]http://imageshack.com/a/img838/5746/61n6.jpg[/SIGPIC]

        Comment


        • #5
          الخطير في الغرز ليس أخذها والمرور بها لعدة مرات .. حيث يمكن لأي سائق ( حتى لو متعلم جديد) أخذ الغرزة .. المصيبة أن الغرزة تفترض ثبات السيارات الأخرى في أماكنها وفي خطوط سيرها المستقيمة .. والكوارث تحدث دائماً إذا قرر اثنان فقط أن يقوموا بالتغريز وقتها تصير الغرزة مميتة وقاتلة . وهذا هو الغالب للأسف حيث يقرر حوالي الربع من قائدي السيارات أخذ الغرز ليصير الطريق مدينة ملاهي مرعبة .. وتسفر عن خسائر فادحة في الممتلكات والأفراد .. ولا أجد فيها نفع اللهم إلا تفادي مصيبة أو حادثة محققة .
          تقبلوا خالص مودتي
          [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

          Comment


          • #6
            والله الواحد بيعملها مطر يعنى عربية ادامك محملة سياخ حديد وكل ميفرمل سيخ يخش فى عنيك واحد تانى محمل رمل وعمال يحدف عليك نقر ومطبات فى الطريق واحد بيفرمل بس معندوش الأستوب شغال .
            [SIGPIC]http://imageshack.us/photo/my-images/545/6c6d1551112s.gif/[/SIGPIC]

            Comment


            • #7
              باخد الغرز الطبيعية الهي مش قطم أوي أو المش بتخلي البعدي منو يفرمل
              [FONT=Georgia][SIZE=5][COLOR=indigo]Happiness is a decision not a destination[/COLOR][/SIZE][/FONT]
              [FONT=Georgia][SIZE=5][COLOR=#4b0082][/COLOR][/SIZE][/FONT]
              [IMG]http://img181.imageshack.us/img181/1233/storisigpz1.gif[/IMG]

              Comment


              • #8
                بصراحة مش باسخن قوي علي موضوع الغرز
                ه غير قليل قوي...
                وبرضه مش هابالغ واقول اني مش باخد غرز لأسباب غير اللي حضرتك ذكرتها...
                بس في حاجة تانية مهمة جدا..
                انك حتي لو هتاخد غرزة.. تبقي مدي اشارة.. بمعني اصح انك تعرف اللي انت هتاكل منه الغرزة.. (اللي وراك يعني) انك هتطلع منه.. متبقاش الحركة مفاجئة..
                وبرضه متبقاش انت بتفاجئ اللي انت بتاكل الغرزة من وراه بانه انت لازق فيه قوي عشان لو قلبه ضعيف او واحدة ست من امثال هايدي او اعتدال (ملكية فكرية للأستاذ سبعاوي) ممكن يتخض او تتخض و تفرمل.. و تبقي النتيجة مأساة..
                وبر
                سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                Comment


                • #9
                  بصراحة مش باسخن قوي علي موضوع الغرز
                  ه غير قليل قوي...
                  وبرضه مش هابالغ واقول اني مش باخد غرز لأسباب غير اللي حضرتك ذكرتها...
                  بس في حاجة تانية مهمة جدا..
                  انك حتي لو هتاخد غرزة.. تبقي مدي اشارة.. بمعني اصح انك تعرف اللي انت هتاكل منه الغرزة.. (اللي وراك يعني) انك هتطلع منه.. متبقاش الحركة مفاجئة..
                  وبرضه متبقاش انت بتفاجئ اللي انت بتاكل الغرزة من وراه بانه انت لازق فيه قوي عشان لو قلبه ضعيف او واحدة ست من امثال هايدي او اعتدال (ملكية فكرية للأستاذ سبعاوي) ممكن يتخض او تتخض و تفرمل.. و تبقي النتيجة مأساة..
                  وبرضه هارجل واقولكم ان ممكن الواحد برضه وهو بياخد غرزة من النوع ده يكون مدي اشارة قبل ما ياكلها بوقت كافي و يقلب نور للي قدامه.. عشان يبص في المراية و يشوف انك هتاخد غرزة من وراه..
                  الخلاصة.. انه حتي لو مرض و معدي كمان.. بس اوقلت بينقذ جياة ناس..
                  واوقات برضه بيضيع حياة ناس تانية...
                  الموضوع محكوم بندي ادراك اللي بياخد الغرزة و توقعه لرد فعل الاخرين.. عشان كده انا باشدد ان الواحد ينبه اللي هيطلع من وراه و من قدامه قبلها او وهو بيطلع.. عشان يبقي شايف انت بتعمل ايه و يتوقع منك و يعمل حسابه..

                  (المصيبة الكبيرة فعلا.. لما تكون العربية اللي انت وراها فوانيسها مش شغالة اصلا.. اللي ورا يعني.. الواحد بيطلع منه و ييجي جنبه يشتمه و يطلع قدامه تاني..)
                  سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                  Comment


                  • #10
                    انا اسف علي التكرار.. بس الجهاز عندي بكيفه كده حب يستكفي باللي انا كتبته و قرر يبعت كده بس..
                    ارجو ان حد من الادارة يمسحها..
                    اسف تاني علي التكرار..
                    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                    Comment


                    • #11
                      المشاركة الأصلية كتبت بواسطة د.أحمد سمير مشاهدة المشاركة
                      الخطير في الغرز ليس أخذها والمرور بها لعدة مرات .. حيث يمكن لأي سائق ( حتى لو متعلم جديد) أخذ الغرزة .. المصيبة أن الغرزة تفترض ثبات السيارات الأخرى في أماكنها وفي خطوط سيرها المستقيمة .. والكوارث تحدث دائماً إذا قرر اثنان فقط أن يقوموا بالتغريز وقتها تصير الغرزة مميتة وقاتلة . وهذا هو الغالب للأسف حيث يقرر حوالي الربع من قائدي السيارات أخذ الغرز ليصير الطريق مدينة ملاهي مرعبة .. وتسفر عن خسائر فادحة في الممتلكات والأفراد .. ولا أجد فيها نفع اللهم إلا تفادي مصيبة أو حادثة محققة .
                      تقبلوا خالص مودتي
                      كلام مضبوط .. و أضيف عليه ان الغرز علي سرعات عالية بتبقي قائمة علي تفكير ناتج عن جزء من الثانية .. و هذا النوع من التفكير نسبة الخطأ فيه عالية جداَ .. يعني نسبة الخطر مرعبة .. إضافة الي انك عشان تطلع من واحد .. هو عشان يطلع نفسه من الرعب بيهدي شوية .. يقوم اللي وراه يحب يطلع منه برده لأنه بطئ .. و يتزنق و يلاقي كل الناس بتطير من حواليه بسبب غرزة واحدة (حصلتلي كتير) .. و ده بيبطأ من حركة الطريق ككل .. يعني عشان واحد يعدي الكل يلبس في بعضه .. فا ما بالكوا علي طريق الكل فيه بياخد غرز !؟ طبعا النتيجة كلنا بنشوفها كل يوم

                      انا عن نفسي مباخدش غرز إلا لو في مواقف حرجة (مقطورة محملة زلط - عربية توقفت امامي فجأة - عريية واخدة الشمال و ماشية 40) .. و مبدخلش عملية التخطي الا بعد ما ادي اشارة للي ورايا .
                      [COLOR="gray"]
                      [CENTER]Leadership is based on inspiration, not domination[/CENTER][/COLOR]

                      Comment


                      • #12
                        عمري في حياتي ما أخذت غرزة
                        و إن شاء الله عمر ما هأخذ غرزة

                        و دائما بتمنى كل الشر يحصل لبتوع الغرز

                        لأنهم دائما بيحطونا في مأزق حقيقية بسبب أنانيتهم المفرطة و تخلفهم الجم
                        و تحيا المهلبية
                        حد عايز طبق ;)
                        [img2]http://i59.tinypic.com/2vxpukz.jpg[/img2]

                        Comment


                        • #13
                          بحاول جاهدا اني ما أخدش غرز و أنا ماشي في المحروسة انما للاسف ساعات باضطر لا إما بتفادي حاجة لا إما بانقذ نفسي أو عربيتي من اللي حواليا :(
                          [CENTER] [/CENTER]

                          Comment


                          • #14
                            طب أستاذ شيكو يا ريت تكلمنا عن القوانين المرورية في كندا و ازاي بيتم الحد في التعامل مع السائقين اللي بيسوقوا بتهور و بياخدوا غرز علي الطريق و ايه اساليب الرقابة عليهم .. و شكرا ليك :)
                            [COLOR="gray"]
                            [CENTER]Leadership is based on inspiration, not domination[/CENTER][/COLOR]

                            Comment


                            • #15
                              ^^^^^^
                              إنت تأمر يا باشا
                              أول حاجة حتلفت انتباهك لو سافرت بره (كندا - أوروبا - الخليج ) إن الناس ملتزمة من غير حاجة ...يعني العادي هو إن الناس تلتزم بالقواعد المرورية كلها

                              - في كندا السرعات المقررة بتتفاوت حسب المكان
                              ٣٠ كم مثلا في المناطق السكنية و حوالين المدارس و المستشفيات و فيه كاميرات و رادار يجيبوا أي مخالف .....في أماكن ٤٥ أو ٦٠ أو حسب العلامه المرورية
                              على الطرق السريعة ممكن يتساهلوا شوية ...مثلا لو الحد الأقصي ١٠٠ و مشيت ١١٠ حيعديها ....أكتر من ١٢٠ مخالفة ...
                              المخالفة بتبقى فلوس و خصم من رصيد النقاط . لو رصيدك نفذ الرخصة بتتسحب لو الرخصة إتسحبت تاني تتوقف و لازم ترجع مدرسة مرور لو تكررت تمنع من السواقة بقية عمرك :)

                              - ما ينفعش حد يديك مخالفة غير لو متلبس... يعني ما فيش حاجة اسمها تروح تجدد الرخصة تلاقي عليك مخالفة ...في وقتها تلاقي الأرض انشقت على عربية بوليس و تطلب منك تركن على جنب ...الشرطي ياخد منك الرخصة و يكشف عليها في كمبيوتر عربيته لو ما لكش سوابق بيتسامح جدا (ده اللي حصل معايا لما مشيت ٨٠ كم في طريق ٦٠ كم من غير ما أخد بالي:o)
                              لو حاسس انك مظلوم يحقلك تشتكي للمحكمة

                              - القيادة بتهور أو الغرز ديه أو السرعات العالية قوي مصيبة ...و المخالفة بتبقى رادعة و ممكن توصل لجناية أو مصادرة العربية

                              - من أكتر الحاجات إلي ممكن تخصم من رصيدك نقط كتير عدم الوقوف في الأماكن المخصصة لعبور المشاه ....أو إعاقة عربية إسعاف أو مطافي .... أو تخطي أتوبيس نقل عام أو مدارس

                              أقولك إيه و لا إيه يا باشا ....أسأل و أنا أجاوب ;)
                              [CENTER] [/CENTER]

                              Comment

                              Working...
                              X