السلام عليكم ورحمة الله وبركاته ...

الفكرة تقريبا معمولة قبل كدة وهى القواطع الموجودة على مداخل بعض القرى فى الطريق الزراعى واللى بتكون بعرض الطريق ولها ارتفاع معين وذلك لمنع النقل من عبور هذة المناطق وبردوا لها استخدامات اخرى زى حمل العلامات والاشارات التحذيرية واتجاهات الطريق ...

المهم الفكرة فى عمل قواطع ممتدة بطول الطرق السريعة (السريعة فقط طبعا) مثل الدائرى والمحور بفاصل كيلو واحد او اقل بين كل قطوع واخر ولكن ليس بارتفاع واحد وانما بارتفاعين. ارتفاع حوالى 5 متر فى الحارة اليمين فقط (وممكن الحارة المجاورة لها لو عدد الحارات يسمح) وارتفاع اقل حوالى 2.5 او 3 متر فى باقى الحارات وبكدة هيتم اجبار النقل الثقيل بالسير فى الحارة اليمنى فقط بينما السيارات الملاكى يمكنها السير فى جميع الحارات. وطبعا سوف ياخذ فى الحسبان اذا تواجد ضرورة الاتجاة اقصى اليمين لوجود turn او تقاطع.

الصورة دة بتوضح شوية انا بقول اية (بس هيا مش واضحة قوى علشان من الموبايل)


دى مجرد فكرة الهدف منها تحسين نظام معيشتنا والحفاظ على ارواحنا واعتقد ان تكلفتها مهما كانت هتساوى صفر كبير مقارنة بارواحنا.

فى فكرة تانى لمنع السير عكس الاتجاة بس بتتظبط وهقولكم عليها. يارب اكون بفكر صح ومكنش ناسى حاجة او بخرف

سلام مؤقت.