هههههههههههههههه
والله انا بموت من الضحك جاليا على كلامك ده
انا شوفت حاجة زى كده فعلا
بجد احنا شعب مفيش زيه

لا انا مش السواق انا صاحبه

بس هو ليه اى موضوع بيتكلم على الشعب المصرى بلاقيى بتغلى منه كده

طيب يا بنتى ما حرام عليكى نفسك
هتفضلى تحرقى فى دمك كده كتير ليه؟
انا لو منك ابعد عن البلد دى خالص احسن ما يجيلى حاجة فى صباع ايدى الصغير

انــــــــــــا ملاحظه انه من الاسبــــــــــــوع الثانى على تطبيق القانون الجديد

شارع الهرم بقى فيه انسيابيه اكثر و الزحمه اللى كنت بشوفها مش شهر تقريبا خفت بنسبه 40% عن الاول

ومبقاش فيه عربيا ت فولكس الميكروباص دى كثير ذى الاول

اللى ملاحظ ان الزحمه خفت شويه يقولى لاحسن اكون بحلم

دمـــــوع.........دمــــــــــــــــــوع
اصحى عشان هتتأخرى على المدرسة :)

الميكروباصات بتختفى فعلا فى اوقات معينة لما يكون فى كمين فى فيصل او الهرم او الجيزة
السواقين كلهم بيبلغوا بعض وكله بيختفى لحد الكمين ما يمشى
لأن كلهم سواقين من غير رخص اصلا وكلهم غلط فى غلط
فبيتجنبوا اى مخالفات يقومو يركنو احسن لحد ما البهوات يمشوا

انا مع الإقتراح بتاع الهرم و فيصل إتجاه واحد لكن أعتقد ان بعد فتره جتكون الركنه أربع أو خمس صفوف و ترجع لنفس عرض الشارع الحالى.
أعتقد إن المشكله فى السيارات اللى بتركن صف تانى و عاشر و بالنسبه لفيصل فهى غالبا سيارات مركونه و عليها يافته للبيع أو الإيجار أو سيارات الساده رواد المقاهى و الحل فى هذه الحاله سهل و هو مجهود مطلوب من الساده المسؤولين عن المرور و عدم إعتبار الوضع سبوبه لهم للإسترزاق. كمان أنا شايف ان جزء كبير من الإختناقات بيكون عند مناطق الدوران للخلف و ده لإن الساده السائقين لا يملكون الوقت الكافى ليقفوا صف واحد حتى يمروا واحد وراء الأخر طبعا لأولويه الحضور لذلك فهم يتكدسون أمام فتحه الدوران فى عده صفوف مما يتسبب فى إنسداد الطريق أمام من لا يريد الدوران للخلف و طبع حل المشكله دى سهل و هو وضع عوائق فى الأرض تجبر السيارات على الإلتزام بصف واحد فقط و منع الركنه جانب الرصيف عند هذه المواقع لزياده عرض الطريق .
أما شارع الهرم فأعتقد ان مشكلته تكمن فى الأماكن التى يتم فيها الدوران للخلف و دى سهل حلها بنفس طريقه شارع فيصل خصوصا فى الملف أمام المحافظه مثلا.
كمان أعتقد انه من المنطقى البدء فى إنشاء و سيله مواصلات جماعيه تخدم الهرم و فيصل للحد من الميكروباصات على أن تكون إما معلقه فوق الجزيره الوسطى أو فى أنفاق.

لازم يتعمل مترو انفاق فى شارع الهرم والغاء الميكروباصات الفولكس ..

صعب اوي موضوع الهرم خط وفيصل خط
يعني تخيل هتعمل يو ترن اد ايه
والاصعب على الناس اللي بتركب مواصلات علشان كل واحد يروح الشارع الناحية التانية علشان يركب كتيرة عليهم
انا بقول يا اما نفق او الافضل مترو
بس المهم في حاجة ممكن تنفذ ولا هتفضل احلام وردية

اكيد يا بنتي كان في ماتش يوجا والناس قاعده على القهاوي
قصدي ماتش كورة اصل لما يكون في ماتش بحس ان الناس على القهاوي قاعده تمارس رياضة اليوجا
تصدقي فكرة
احنا نوصي وزارة الالعاب الكروية يكتروا الماتشات علشان زحمة الشوارع تخف

كويس جدااا انا اول مره أشوف الموضوع ده ، دي أزمه مطروحه من مده طويله :)
ازاي يعني لو فرضنا ان الإتجاه اللي رايح للجيزة هو ش الهرم و اللي ساكن في فيصل مثلا اخر العشريني يقطع المسافه دي كلها علشان يطلع الهرم !!
والعكس عاوز اروح 6 أكتوبر و انا في الهرم اشوف لفه و و اروح فيصل
لا لا لا فكره متعبه جدااا ً

معاك حق الهرم مشكله في اللفات .. ! و الميكروباصات الكبيره و الفولكس

الممكن انك تخلي ش فيصل يمشي فيه الميكروباصات الصغيره فقط
و ش الهرم يكون فيه ميكروباصات الجمعية فقط

كده هتخف شويه بس بردوا في سلبية السواقين مش هنخلص منها

خلاص يا جمعه :k41: مالوش حل :k20: