ياباشا مش دة شغلهم . يعنى عادى

+111111

اقولك حاجه معروف ان قانون المرور بيمنع الإنتظار فى مطالع ومنازل الكبارى والانفاق وده شئ متفق عليه ولا يختلف عليه اثنين
انا شفت ضابط فى الزقازيق عامل حمله فى منزل كوبرى علوى انا كنت ماشى على رجلى والله انا وقفت اتفرج على المهزله دى واحد نازل من منهزل الكوبرى فجاه يلاقى واحد بيقطع عليه الطريق (اقصد امين الشرطه ) اسمع بقى اصوات فرامل العربيات من الخلف وكل ده ليه علشان يساله عن الطفايه فى الشنطه ولا معاك فى الصالون انتوا تسموا ده ايه
موقف تانى شفته على طريق سريع عربيتين خابطين بعض وخناقه وزعيق والكلام اللى انتوا عرفينه طسب سبب الحادثه ايه كمين معمول فى ملف ....اى والله .. وعلى طريق صحراوى كمان ... العربيه اللى قدام اللى كان سايقها دخل الملف لقى الطريق واقف فجاه طبعا فرمل بسرعه واللى وراه مش لحق يفرمل وهو بيفاديه خبط رفرف العربيه من الخلف واللى يغيظ ان اللى فى الحمله مش يخللى عنده شويه من الذوق ويروح يشوف فيه ايه ولا ده مش شغله لأ ولا كانه هنا وقاعد يشوف الرخص عادى ولا كان فيه حاجه ومش بعيد يعملهم قضيه اشغال طريق عام ....
انتوا عارفين المشكله فى ايه ...انا شايف المشكله ان نظام تقييم عمل ضباط الشرطه غلط فى كل الدول بيقوسوا كفاءه رجال المرور بمدى سيوله الحركه فى الشوارع ...الا فى مصر بيقيسوها بعدد الرخص المسحوبه يوميا ومش مهم بقه الرخص دى هتيجى من مين وازاى والطريق هيتقفل ولا لأ مش مهم

لا تعليق لأنى زهقت من الحديث فى المواضيع دى واللى ما بتجيبش فايده

بص انا معاك إن شرطة المرور ناقصها كتير زي مثلاَ الموتوسيكل اللي بيجري ورا الناس اللي بتشد و تعمل سباقات شوارع و يردعهم .. و حاجات تانية كتير ملهاش أخر .

بس انا عن نفسي مبحسش إن موضوع السؤال عن الرخصة فيه أي إهانة .. أصل لو محدش إتأكد إن معاك رخصة يبقي لازمتها إيه ؟ ممكن ناس كتير معهاش رخصة تنزل تسوق و تعمل حوادث و محدش هيعرف .. و اللي عربيته تتسرق محدش هيوقفها .

يعني لجنة زي بتاعة هيبر انا شايفها ضرورية .. أولاَ لأنها مدخل لمديني أكتوبر و زايد اللي بقوا يعتبروا محافظة مستقلة .. و علي طريق مليان شباب جامعات روش بيحب الشد و الجري و المنظرة الفارغة .. اما يبقي فيه رادار عالطريق و لجنة بتمسكه في الأخر هيحترم نفسه .. و اللي كان سارق عربية أبوه و رايح بيها الجامعة و إتمسك مش هيعملها تاني .. غير إنه حفظ لأمن المدينة نفسها و سكانها .

و انا بمر فيها بشكل يومي و في المرات اللي وقفوني فيها بيقولي الرخص من فضلك .. بقوله إتفضل .. بيبص فيها و يقولي شكراَ مع السلامة .

قد تكون اللجنة للبحث عن سيارة مسروقة أو مجرم هارب .. فيه أسباب كتير .. و لو مفيش أسباب يبقي زي ما قلت سابقاَ ده إجراء أمني مفيهوش أي إهانة .

أحياناَ بيختار الضباط أماكن تفقع للكمين .. و ساعات بيكون أسلوبهم مش كويس .. و ده نتاج المجتمع الفاسد اللي بيطلعلنا شخصيات تحفة زي كدة سواء في الشرطة أو غير الشرطة .. الأغبياء بنتقابلهم كل شوية في كل مكان و كل وظيفة .

أخي العزيزمحمود...

طيب و أيه رأيك و رأي السادة البهوات الأفاضل الباشوات الاشاوس المغاوير ظباط و أمناء و لواءات المرور في :

عربية نص نقل محملة أنابيب بوتاجاز و مفتوحة من ورا و ماشية علي طريق سريع (العين السخنة/السويس) النهاردة 01/06/2009 الساعة 4 و نص بعد الظهر و معدية علي كمين الادبية و نقط المرور داخل السويس و لا حد وقفها و لا حد قال لسائقها أيه ده و لا حد فهمه أن ممكن جدا و بمنتهي البساطة أنبوبة من دول تقع في مطب (أو حتي الانابيب كلها) و في وش عربية أو كل العربيات اللي وراها (الطريق كان فيه حوالي 5 عربيات ملاكي + 2 ميني باص + نقل بمقطورة)
تخيلوا المنظر و قولوا لي فين أشاوس المرور اللي سابوا العربية دي ووقفوني أنا و 3 عربيات ملاكي علشان يشوف الرخص (القيادة - السيارة - و كان فاضل يشوف رخصة اني عايش لسه في البلد دي) و كمان بيسأل عن الطفاية معايا و لا لأ

بالذمة ده كلام ....

للاسف متقدرش تمنع الباشا الظابط من اداء مهامه الرسمية بالزي الرسمي والمدني

على فكره دا طبيعى لانك حضرتك وباقى الملاكى هما اللى هيفيدوا من مخالفات او رشاوى ليهم انما بتاع الغاز هيديهم ايه ياحسره وبعدين انت فى بلد محدش عارف ليه اول من اخر بلد القاضى بنضرب من ظابط مبالك انت اصلا
ماتعرفش تتكلم مع عسكرى حمار مش بيفهم ( انا بعتذر عن النرفزه بس اتخنقت خلاص )

دول مش عايزين رسالة دول عايزين بلوة تيجى تشيلهم وتريحنا منهم
الا من رحم ربى .

ياجماعة بكل بساطة انا شايف ان الناس دي بتعمل شغلها بنفس القدر اللي اي بني ادم في الدنيا بيعمل شغله يعني منقدرش نجيب اللوم على الناس دي بس لان اللوم على كل الشعب من اكبر واحد لاصغر واحد .. وكون ان ظابط مرور او ظابط شرطة يطلع بشكل غير لائق للمكانة اللي هو موجود فيها اذن المشكلة اصلا من اللي وصله للمكانة اللي هو فيها وهكذا الحال ماشي ف مصر كلها بعيدا عن مجال الامن او المرور .. فبج ياريت منجيبش اللوم على بتوع الشرطة وبتوع المرور لان لو كل واحد بص لنفسه كويس هيلاقي نفسه مش ملتزم بدرجة 100 100 لان دي مشكلة شعب بحاله وبما انهم جزء من الشعب يبقى لازم يكونوا كده واحنا بنبصلهم بنظرة عدم الرضا على اساس انهم متحملين مسئووليةاكبر من اي حد عادي بس برضه منقدرش نلومهم وياريت قبل اي حاجة كل واحد يبدأ بنفسه ويصلح من نفسه ومش محتاجين ساعتها ظابط يغلس علينا عشان نبقى كويسين ولا اننا نشوفه لجنة نقوم رابطين الحزام ......

يوقف الطريق ؟
حضرتك كان فيه من دول راكب موتسيكل ماشي قدامي و الإشارة فاتحة شاف واحد بلدياته تقريباً لراح واقف زي الــــــ................* و روحت كاسر يمين بسرعة غير كدا كنت هلبس فيه مع اني كنت ماشي على 40 ولا حاجة ... و بسببه كنت هخبط عربية بيجو 307 ... بس ربنا ستر

بكره الغباء