إعـــــــلان

Collapse

.

,
See more
See less

معا لألغاء الميكروباصات

Collapse
X
 
  • Filter
  • الوقت
  • Show
Clear All
new posts

  • #16
    انا من راى بشويه تنظيم لعمليه الميكروباص من مواقف وطرق وسرعه محدده

    وهيبقى افضل وسيله موصلات فى مصر

    دى تقريبا المواصله الوحيده اللى فى مصر بتخش تقعد جواه بعد التاكسى
    [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

    Comment


    • #17
      أنا طبعا مع ألغاء الميكروباظات ........ و قبل الغائها .......... اعدام السواقين في ميدان عام ......

      و بعدين نجيب أتوبيسات محترمة مكانها ............. و يتم تقنين السرعات القصوى في مصر علشان الناس فاكرة نفسها على حلبات سباق و كل واحد بيسوق بمزاجه .

      و اللي يخترق حد السرعة ............. 3 مرات ......... يتم أنتزاع الرخصة منه ...........

      هي دي أهم المشاكل
      الميكروباظات ................ و السرعة .
      [img2]http://i59.tinypic.com/2vxpukz.jpg[/img2]

      Comment


      • #18
        الغاء الميكروباصات لو تم فهو بسبب السواقيين اللي فعلا عايزين يتعدموا في مكان عام ويترجموا كمان بلطجة وسفالة وقلة ادب واهمال ولا مبالاة علاوة على البلاوي اللي بيبلباعوها والهمجية وشغل الدراع وفي الاخر ملهمش رقيب الا يمكن حتة امين شرطة عمال ياخد في فلوس وكرووت شحن وسجاير وخلافه واستغلالهم كمان في الزحمة ورفع الاجرة ....الميكروباص وسيلة كويسة بس لازم اعادة الناظر في قائيديها

        Comment


        • #19
          المشاركة الأصلية كتبت بواسطة tutankhamoun مشاهدة المشاركة
          أنا طبعا مع ألغاء الميكروباظات ........ و قبل الغائها ..........[bor=#ff0000] اعدام السواقين في ميدان عام ......
          [/bor]
          و بعدين نجيب أتوبيسات محترمة مكانها ............. و يتم تقنين السرعات القصوى في مصر علشان الناس فاكرة نفسها على حلبات سباق و كل واحد بيسوق بمزاجه .

          و اللي يخترق حد السرعة ............. 3 مرات ......... يتم أنتزاع الرخصة منه ...........

          هي دي أهم المشاكل
          الميكروباظات ................ و السرعة .

          اوفق بشده علي ان يتم الاعدام عن طرق شرب جردل ماء نار مغلي
          [CENTER]Gen2 Is a part of me[/CENTER]

          Comment


          • #20
            الميكروباصجية (تشمل السواقين والتبيعة وبتوع الكارتة)المفروض مش يتعدموا فى ميدان عام وبس . .لا.. ويتولع فيهم بجاز وسخ .. ولو فنان عمل بنوراما للشارع المصرى حتلاقوه عبارة عن ميكروباص كبير(على وزن مسرح كبير بتاعة يوسف وهبى)مصنوع من صاج البراميل وكراسى من مواسير المياة وباب مفتوح ومتعلق فيه الواد التبيع وشكمان بيطلع زفت وهباب اسود والسواق اللى معهوش رخصة واخد على شماله الانتيخ بتاعه وعلى فكرة كل سواق منهم ليه انتيخ بتاعه قاعد على الشمال وموارب الباب والمؤثرات الصوتية اغنية المحكمة او حاليا فى الاسواق لطارق الشيخ وخلفية من الالفاظ الوسخة تتساقط على مسامع الركاب ومنهم البنات والسيدات اللاتى واللاتين تعودن على سماع هذه السمفونية وكله بقى شيئ عادى خالص والميكروباص بيجرى فى الشارع زى الزجزاج ومرة واحد يقف فى نصف الشارع عشان ينزل زبون او يلتقط نصف جنيه واقع على الرض(زبون تانى يعنى) وممكن فى لحظة يخبط سيارة ثمنها فوق ال100 الف والواد السواق والتباع يسيبوا العربية وديلهم فى سنانهم ويافكيك .. حد يكمل الصورة انا تعبت

            Comment


            • #21
              المشاركة الأصلية كتبت بواسطة aboelsoud مشاهدة المشاركة
              لو عايز تظبط بجد يبقى الظباط هما الحل
              يعني بدل ما الامين هو اللي بيتعامل مع السواقين و طبعا بيظبط معاهم عشان ياخد فلوس
              انا من رأيي ان الظباط هما اللي يتعاملو معاهم و طبعا السواقين مش هينفع يدوهم فلوس
              ده غير ان لو سواق عمل حاجه غلط يتسحل قدام كل زمايله عشان محدش يفكر يعمل كده تاني
              و يا سلام لو الظابط ركب جنب السواق و كل ما يعمل حاجه غلط (طراااااخ)على قفاه
              انا عارف اني بكلم على السواقين بطريقه وحشه بس بصراحه بكرهم كلهم
              تصدق انك طيب قوي!!
              يا حبيبي أمين الشرطة بيتعامل مباشرة مع السواقين عشان البريستيج بتاع الظابط ما يسمحلوش انه ياخد فلوس علنا كدة قدام الناس لكن الحقيقة ان كلهم بيقسموا الغلة أخر النهار
              يا عزيزي مشكلتنا لا تكمن في المكروباص بقدر ما تكمن في أزمة الأخلاق التي طالت كل فئات الشعب من سائقين لشرطة لموظفين و طلبة و سيدات
              لأو حضرتك دققت الملاحظة ستجد ان 90% من شعب مصر يقود بلا أخلاق و ليس السائقين فقط لأنها أصبحت غابة ليس للأخلاق مكان فيها و جرب كدة أن تقرط في اظهار أخلاقك سترى أن الناس ينظرون اليك على شخص غريب الأطوار قادم من كوكب اخر
              كما ان الشرطة لا تقوم بواجبها كما يجب ففي الخليج مثلا تراقب الشرطة قائدي السيارات على اختلاف أنواعهم أثناء السير و هذا شئ لا يوجد في قاموس شرطتنا نهائيا و لم نراه أصلا
              لذا فمع انهيار الأخلاق أصبح الشارع غابة يفعل فيها كل واحد ما بدا له و سلملي عالشرطة المصرية
              و اذا كان البعض يطالبون بمنع المكروباصات فأني من هذا المنطلق اطالب بمنع كافة أنواع النقل و كافة أنواع الأتوبيس و كافة أنواع الملاكي و المتوسيكلات و الجرارات لأن مشكلتنا هي .....الأخلاق التي لا توجد بشكل كاقي الآن

              Comment


              • #22
                لا طبعا لا لالغاء الميكروباصات

                يا جماعة حرام عليكم

                مش عشان كلنا راكبين عربيات و ربنا كارمنا ننسى

                يا جماعة انا لحد وقت قريب جدا ما كانش معايا عربية

                و فيه اوقات ماكانش بيبقى حيلتي غير الجنيه اليتيم في جيبي اللي هاركب بيه الميكروباص اللي هيوصلني لمشواري

                فيه ناس مش لاقية اجرة التاكسي و لا تمن العربية

                و النقل العام بهدلة جامدة و زحمة و قلة ادب ساعات من الركاب

                الميكروياص برغم أذيته فهو الحل بالنسبة لناس كتير


                ماشي ممكن نعمل احلال للميكروباصات القديمة جدا زي الترامكو بجديد زي احلال التاكسي

                بس نلغي؟ يا ريت نفكر في الفقراء


                و الا هنبقى بنعمل زي الحكومة و نقول الحكومة بتفكر في رجال الاعمال الاغنياء بس و بتنسانا

                احنا كده بنعمل زيهم
                [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                [URL="https://goo.gl/30fu9U"]Registered Migration Agent - MARN 1575106[/URL]
                [/COLOR][/CENTER][/SIZE]

                Comment


                • #23
                  المشاركة الأصلية كتبت بواسطة meemo the beast مشاهدة المشاركة
                  تصدق انك طيب قوي!!
                  يا حبيبي أمين الشرطة بيتعامل مباشرة مع السواقين عشان البريستيج بتاع الظابط ما يسمحلوش انه ياخد فلوس علنا كدة قدام الناس لكن الحقيقة ان كلهم بيقسموا الغلة أخر النهار
                  يا عزيزي مشكلتنا لا تكمن في المكروباص بقدر ما تكمن في أزمة الأخلاق التي طالت كل فئات الشعب من سائقين لشرطة لموظفين و طلبة و سيدات
                  لأو حضرتك دققت الملاحظة ستجد ان 90% من شعب مصر يقود بلا أخلاق و ليس السائقين فقط لأنها أصبحت غابة ليس للأخلاق مكان فيها و جرب كدة أن تقرط في اظهار أخلاقك سترى أن الناس ينظرون اليك على شخص غريب الأطوار قادم من كوكب اخر
                  كما ان الشرطة لا تقوم بواجبها كما يجب ففي الخليج مثلا تراقب الشرطة قائدي السيارات على اختلاف أنواعهم أثناء السير و هذا شئ لا يوجد في قاموس شرطتنا نهائيا و لم نراه أصلا
                  لذا فمع انهيار الأخلاق أصبح الشارع غابة يفعل فيها كل واحد ما بدا له و سلملي عالشرطة المصرية
                  و اذا كان البعض يطالبون بمنع المكروباصات فأني من هذا المنطلق اطالب بمنع كافة أنواع النقل و كافة أنواع الأتوبيس و كافة أنواع الملاكي و المتوسيكلات و الجرارات لأن مشكلتنا هي .....الأخلاق التي لا توجد بشكل كاقي الآن

                  فعلا المشكلة مشكلة أخلاق...سواق بلطجي و تباع أيدك منه و الأرض و شرطة مشتركة في المهزلة
                  هأقولك موقف بسيط بس من كام سنة كنت راكب مكروباص مكرم عبيد ايام ما كان بيوصل مكرم عبيد المهم ممنوع طبعا يطلع كوبري أكتوبر و كلهم بيطلعوا كوبري اكتوبر و الناس عارفه انه ممنوع و مطنشة (يعني لو سواق احترم القانون و ما طلعش الناس هتضربه و هتشتمه و هتنزل تاخد مكروباص تاني الكل غلطان يعني)
                  المهم أمين الشرطة التخين اللي بقف في أخر المطلع ده كل يوم أراقب السواقين بيعموا معاه ايه!!
                  اصلي كنت بأركب كل يوم الصبح و انا رايح الشغل قبل ما أجيب عربية
                  المهم مرة علبتين كشري و مرة كرتين شحن و مرة علبة مارلبورو أحمر و هكذذذذذذذذذذذا كل سواق و كل يوم
                  اصطباحة
                  مرة سواق من اياهم ما دفعش و الأمين ما يعرفوش المهم وقفه على جنب قال ايه ممنوع!!!و الناس في نفس واحد يا أسطة اديله اي حاجة عايزين نمشي واداله و طول الطريق الناس بتلوم السواق انه ما مشاش حاله من الأول ليه و خلص !!!!!! الكل يأس يعني.......

                  أحلى حاجة لما مرة سواق وهوه طالع من التحرير عالكوبري دفع للأمين عشرة جنيه (ضعف الأتاوة يعني) فالأمين ضحك و أتبسط أفتكره بيعمل معاه واجب فالسواق على طول قاله دي ليا و للعربية اللي ورايا !!!!!!!!طبعا الناس ما بطلتش تريقة و ضحك مع السواق طول الطريق!!!!!!!! كأن قلة الأدب و الفساد بئى طبيعي جدا

                  ومرة سواق جابله علبتين كشري من أبو طارق بتاع شمبليون و أداهمله و طول الطريق يسب و يلعن فيه!!!
                  راجل بشنبات و بياكل من عرقي و عرق عيالي يعني بدل ما أأكل عيالي هوه عمال يأكل أكلهم مش مكسوف على نفسه و على شنبه!!!طاب يأخد فلوس و يجيب اللي عايزه مش بيأكل من عرق راجل تاني!!!!!!!!

                  المهم.............اذا كان رب البيت بالدف ضاربا.....فأهل البيت سواقين و ركاب يعملوا اللي هما عايزينه........

                  سلملي على اسمه ايه ده.......اسمه ايه؟؟؟؟؟؟؟؟؟ ايوة قانون المرور الجديد و القديم برضه............


                  و يجعله عامر...............
                  [SIGPIC][/SIGPIC]

                  Comment


                  • #24
                    المفروض تحطوا خيار تالت للاستطلاع!!!!!!!!!!!

                    خيارات استطلاعات الرأي
                    الميكروباصات
                    الغاء الميكروباصات
                    البقاء على الميكروباصات

                    3- مش هتفرق..... خربانه خربانة

                    ( لأن أكيد لو لغيناه البديل هيكون أدهى و أدل ولو خليناه كل الظروف بتجبره انه يكون مؤذي سواء بلطجة السواقين أو الشرطة أو لا مبالاة الركاب الجميع بلا ضمير ولا أخلاق)
                    [SIGPIC][/SIGPIC]

                    Comment


                    • #25
                      انا صوت لالغائه بس ايجاد بديل كويس و عاديل و سريع ليه

                      نشوف البيوت المفتوحة من وراه من سواقين و تباعين و ميكانيكية و سمكرية و بلطجية و الأهم بيوت أمناء الشرطة المحترمين اللي عايشين من ورا السواقين دول هتتعوض ازاي

                      ممكن يتلغي من مناطق معينة خلاص هتنفجر بسببه و تستغيث بس المهم البديل

                      يعني شوف الزمالك مثلا وهيه مفيهاش مكروبظظظ تحس انها مش في مصر !!!

                      و يارب البديل ما يكونش ((((ميني باص الهيئة ده)))))))) ده بجد اللي نار و دمار

                      لما بيكسر عليك ولا هيهددك بس لازم تتراجع ده هيجيبلك جنب العربية كله من غير هزار

                      مفيهوش فرامل و كبير و زحمة و زاحم الدنيا و لازم يقف بالورب علشان الميني باص اللي وراه ما يطلعش منه و يأخد الزباين من قدامه (يأخد رزقه يعني ده يرضيكم أستغفر الله العظيم يارب)))

                      و الأهم السواق هيخلي باله من اللي طالع ولا نازل و لا اللي عالباب ولا خناقة كل ساعة (((الناس اللي في الطرقة العربية فاضية جوة و لازم تقلب بخناقة مع المنادي اللي بيكون قليل الأدب دايما ))))

                      و زي البحر بيحب الزيادة مهما حمل يظل فيه مكان للمزيد من الزباين المتكربسين جواه.........................


                      مالأخر الحل مش في ألغاء المكروباص ولا بقائه الحل في بناء انسان جديد مثقف نضيف فاهم مش حافظ

                      الحل في الاصلاح.......في كل اب و أم يربوا ولادهم و يبتدوا بيهم.........

                      و اللي مش متربي.......في نظام و قانون يحمينا منه و يأخدلنا حقنا من حبابي عينيه.........

                      احلموا معايا و ابتدوا بنفسكم........
                      [SIGPIC][/SIGPIC]

                      Comment


                      • #26
                        من الاخر , لن تُحل ازمة المرور فى مصر ولا الميكروباصات الا اذا تم عمل خطوط مترو انفاق جديدة ( محترمة ) تغطى اغلب مناطق القاهره و ضواحيها .

                        الخط الثالث اللى بيتم تنفيذه الان , ده هيحل نسبة مش صغيرة من مشاكل الازدحام فى مصر و هيقلل نسبة الزحام فى المواصلات بشكل عمومى .

                        بس يا رب ميكونش الناس هما كمان فى تزايد زى الارانب .

                        Comment


                        • #27
                          سواقين الميكروباص جعلونى مجرما
                          يا جماعه بسبب سواقين الميكروباص انا حاسس ان كل يوم دمى بيتحرق
                          انا وانا بتعامل معاهم بحس ان انا مش انا وقربت ابقى بلطجى

                          بس اعمل ايه مافيش قانون يحمينا

                          انا بقيت استمتع جدا لما اهدى قدام ميكروباص او انرفزه
                          هى دى بقت متعتى فى الحياه
                          انا باسيب اى حد يعدينى او يطلع من شارع جانبى او يلف قدامى وده من اداب المرور بس الا الميكروباص
                          لو انا ماشى قدامه باستمتع انى اغلس عليه

                          Comment


                          • #28
                            طبعا انا مع إلغاء الميكروباصات .... ايوة مع الغاء الميكروباصات

                            [overline]لكن قبل إلغائها يجب توفير البديل زي مثلا[/overline]

                            1- توسيع شبكة مترو الأنفاق في القاهرة الكبرى ودة بتعمله الحكومة فعلا شغالين في الخط التالت (مطار القاهرة - امبابة) وقريت كمان عن الخط الرابع ( الملك الصالح - 6 أكتوبر)

                            2- استغلال نهر النيل بتجديد وتفعيل الأوتوبيس النهري كوسيله سريعه وحضارية للمواصلات

                            3- عمل اوتوبيسات عامه بطابقين ( زي أوتوبيس اسكندرية الجديد) ودة يعتبر توسع رأسي في أوتوبيسات النقل العام لا يؤدي الى زيادة الزحام في الشوارع ، يعني تخيلو كدة لو كل أوتوبيسات القاهرة الكبرى تبقى بدورين يبقى ضاعفنا عدد الأوتوبيسات بدون زيادة في عدد الخطوط اللي ماشية في الشوارع

                            4- تأسيس شركة خاصة أو حكومية تملك سيارات السيرفيس أو الميكروباصات ويعمل فيها السائقون كموظفون ويتم إلحاقهم بالعمل بعد تقديم الأوراق المطلوبة لأي عمل مثل الفيش والتشبية والشهادات الصحية وخلافه .. وعمل تأمين اجتماعي لهم وتأمين صحي

                            الأفكار كتير يا جماعه بس محتاجين الحكومة الواعية اللي تنفذ الكلام دة

                            وساعتها اكيد معظمنا هيفكر انه يركن عربيته ويوفر البنزين ويركب المواصلات العامة المحترمه

                            [overline]كلمة أخيرة [/overline]

                            عيب قوي يا جماعة لما نقول
                            شعبنا مش بيمشي عدل غير لما ياخد فوق دماغه
                            العملية عملية نظام مش أكتر ويكون عن طريق الحكومة لأن هي المنوطة بذلك .. وآسف على الإطاله
                            [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                            Comment


                            • #29
                              من الآخر : شعبنا مش بيمشي عدل غير لما ياخد فوق دماغه
                              محدش بيحترم نفسه أو الآخرين غير غصب عنه ( إلا فئه قليلة , ناس محترمه لكن قليلين و تايهين فى وسط الغابة اللى اسمها شوارع المحروسة )..
                              [SIGPIC][/SIGPIC]
                              https://www.facebook.com/groups/SWIFTCLUBINEGYPT/

                              Comment


                              • #30
                                المشاركة الأصلية كتبت بواسطة el prince مشاهدة المشاركة
                                من الآخر : شعبنا مش بيمشي عدل غير لما ياخد فوق دماغه
                                محدش بيحترم نفسه أو الآخرين غير غصب عنه ( إلا فئه قليلة , ناس محترمه لكن قليلين و تايهين فى وسط الغابة اللى اسمها شوارع المحروسة )..
                                +10000000000000000000000000000

                                عيب قوي يا جماعة لما نقول
                                شعبنا مش بيمشي عدل غير لما ياخد فوق دماغه
                                العملية عملية نظام مش أكتر ويكون عن طريق الحكومة لأن هي المنوطة بذلك .. وآسف على الإطاله
                                هو عيب لما نعترف بالحق ؟؟؟؟؟؟؟؟؟؟؟

                                العربيات لما بتدخل المحور .......... بتمشي حوالي 8 كم في قمة الأحترام ........ و أول ما الرادارات تنتهي ...... الأصالة المصرية بتظهر و تبان . تسمى ده أيه ؟؟؟ مش خوف برضه ؟؟

                                الدائري ..... لما بتكون ماشي و العربيات في الاتجاه المقابل بتقلب نور ......... الأغلبية بتمشي زي الألف و أول ما يعدوا اللجنة ......... نرجع لما كنا عليه ....... تسمي ده أيه ؟؟؟ مش خوف برضه ؟؟؟

                                لما السواق اللي بيكون مش رابط الحزام ...... و يكون داخل على لجنة ....... مش بيربط الحزام و يطلب من اللي قاعد جنبه أن يربط الحزام ......... تسمى ده أيه ؟؟؟؟ مش خوف برضه ؟؟؟


                                و الأمثلة كتيرة ةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةة
                                [img2]http://i59.tinypic.com/2vxpukz.jpg[/img2]

                                Comment

                                Working...
                                X