إعـــــــلان

Collapse

.

,
See more
See less

معا لألغاء الميكروباصات

Collapse
X
 
  • Filter
  • الوقت
  • Show
Clear All
new posts

  • #46
    المشاركة الأصلية كتبت بواسطة mucho مشاهدة المشاركة
    ازاي بقى يا استاذ توت عنخ امون حد يقدر يقول ع كلام معاليك انه كلام عالفاضي ده حضرتك راس الحكمه
    استاذ طلعت موش يقصد وكلنا داخليين الموضوع ده لهدف في نفسنا ومحتاجيين فعلا نسمع بعض ولا ايه

    :b4_611:

    أولا ...... من كل قلبي بشكر حضرتك على ذوقك بجد بجد ...... و ألف شكر مرة تانيةعلى المجاملة الرقيقة .
    و مفيش أي مشكلة ....... و أنا مش زعلان من حد .....

    و كفاية رد حضرتك المحترم جدا .......
    بارك الله فيك ...... و حفظك من كل شر . و من كل سواقين الميكروباظ ........
    :b4_611:
    [img2]http://i59.tinypic.com/2vxpukz.jpg[/img2]

    Comment


    • #47
      المشاركة الأصلية كتبت بواسطة rembrandt مشاهدة المشاركة
      يا باشا انا كنت أقصد نظاام أخر نظام يستبد ويطغى
      مع احترامي ليك.........انا اقصد فعلا النظام يعني تنظيم الناس لحياتهم و رغباتهم و تفكيرهم.......

      الناس واقفة فينص الشارع علشان توقف المكروباص...والأتوبيس و المكروباص لازم يقف قدام بعيد و يجري الناس وراه....

      صندوق الزبالة حواليه زبالة أكتر من اللي جواه...البياعين بالمكروفونات ليل مع نهار...الكارو ماشي حتى في صلاح سالم براحته........

      لا احنا منظمين ولا حد بينظمنا ولا اتربينا عالنظام........

      أذكر في مرة حد قالي زمان ان موشيه ديان (وزير الدفاع الأسرائيلي أيام حرب 73 اللي كان حاطط غطا على عينه جلد زي بتاع القراصنة ده) انه قال ايام النكسة ساخرا مننا:

      حينما يتعلم المصريين ركوب الأتوبيس بنظام.........وقتها سيشكلون خطرا حقيقيا على اسرائيل..........

      طبعا ده معنى مجازي القصد منه اننا نكون منظمين و محترمين و مؤدبين.....

      ده احنا اصلا أصل الثقافة و الحضارة و الأدب و الأخلاق.........لازم نرجع للصدارة تاني.......
      [SIGPIC][/SIGPIC]

      Comment


      • #48
        لا احنا منظمين ولا حد بينظمنا ولا اتربينا عالنظام........محدش يفهم الجملة دي غلط

        طبعا البلد مليانة ناس أجلاء و محترمين و ده حال مصر على كل العصور......

        لكن انا أقصد الفئة الغالبة في البلد اللي ما يهمهاش حد و لا عايشه بلطجة و عايزينها فوضى.........

        فوضى هما صنعوها و ما يقدروش ييشوا من غيرها...........

        مع احترامي لكل المحترمين و الشرفاء في بلدنا الغالي..........
        [SIGPIC][/SIGPIC]

        Comment


        • #49
          فعلا يا أستاذ أشرف أصل المشكلة فينا أحنا .........

          الناس اللي بتمشي عكسي و اللفة عن بعد 10 متر ............
          و الناس اللي بترمي زبالة من العربية ؟؟؟؟؟؟؟؟؟؟؟؟؟؟؟؟؟؟؟؟؟
          عناصر النظام غير متوفر في بلدنا .....
          اللي هي شعب مش عايز نظام ....... و خكومة مبسوطة بحال الشعب على كدا
          -----------------------------------------------------------------------
          يوم الجمعة اللي فات كنت في مترو الأنفاق ...
          رحت على الشباك بتاع التذاكر ..... لقيت واحد واقف يبقطع تذكرة
          وقفت وراه زي الناس المحترمة ........
          ببص لقيت أتنين برشوتات ...... واحد جاه من أدام الراجل من اليمين و التاني من الشمال .........
          يعني حتى محدش عبرني و وقف ورايا ........ مع أن الحكومة حاطة حواجز حديدية زي اللي بيحوحها للحيوانات في المزارع .. أعزكم الله

          المه بقلولهم ما يا جماعة نقف طابور .........
          و الله العظيم .......... بصولي حتة بصة و كأني بأشتمهم مثلا .......

          رحت مزعق و قلت محدش فيكم هايدخل ادامي ...... و أول ما زعقت و عليت صوتي .....
          لقيتهم كشوا و خافوا ( لأنهم طبعا على غلط )
          و سابوني دخلت و قطعت و مشيت

          و الأمثلة كتييييييييييييييييييييييييييرة لهذا الشعب الكاره للنظام .

          هنا بقى الحكومة هاتعمل فيهم أيه
          عملت حواجز حديد زي بتاعة الحيوانات و مع ذلك مش مأثرة فيهم
          هاتوقف على كل طابور عسكري بكرباج ؟؟؟؟؟؟؟؟؟؟؟؟؟؟؟


          أساس المشكلة فينا أحنا كشعب و بعدين الحكومة ...........

          [img2]http://i59.tinypic.com/2vxpukz.jpg[/img2]

          Comment


          • #50
            المشاركة الأصلية كتبت بواسطة tutankhamoun مشاهدة المشاركة
            فعلا يا أستاذ أشرف أصل المشكلة فينا أحنا .........


            اللي هي شعب مش عايز نظام ....... و خكومة مبسوطة بحال الشعب على كدا
            -----------------------------------------------------------------------

            و الأمثلة كتييييييييييييييييييييييييييرة لهذا الشعب الكاره للنظام .

            هنا بقى الحكومة هاتعمل فيهم أيه
            عملت حواجز حديد زي بتاعة الحيوانات و مع ذلك مش مأثرة فيهم
            هاتوقف على كل طابور عسكري بكرباج ؟؟؟؟؟؟؟؟؟؟؟؟؟؟؟


            أساس المشكلة فينا أحنا كشعب و بعدين الحكومة ...........
            أولا شكرا جزيلا على اهتمامك بكلامي و التعقيب عليه..........

            ثانيا ايه اللي خلاك تعمل طابور؟؟انك كارهت الفوضى و زهقت منها وحسيت ان الطابور كل واحد ماسك فلوسه في ايده و ياخد تذكرته و يمشي و ييجي اللي بعده في انجاز شديد مش خمسين ايد ممدوده للموظف!!!!

            انا مرة كان معايا اصدقاء المان جم يزوروا مصر كنا ماشيين بالعربية في رمسيس و وقفت في أشارة رمسيس عند المسجد كده و قلت في سري يارب ما يأخدوش بالهم من العساكر اللي واقفة بحبال علشان تمنع الناس انها تعدي لما الأشارة تفتح!!!!!!!!!

            فعلا قمة المهانة ان اتنين عساكر غلابة وقفين بالحبال و الحواجز الحديد يهشوا الناس و يمنعوهم انهم يعدوا و الله لولا ان فيه سور و عالي صعب يتنط لكان كل الناس نطت و محدش وقف !!!!!!!!!!

            ليه يعني ما تستنى الأشارة دقيقة خلاص وراك البورصة ولا فيه وزير مستنين في مكتبك بقاله ساعة ولا مراتك بتولد في البيت!!!!!!!!!!!!!!!!!

            و لما تتنيل تنزل لو العساكر ما ممنعوكش بالحبال (عفوا زي القطيع لا مؤاخذة) و تنزل و تيجي عربية تشيلك و تجري أو تكون عربية شرطة أو نقل عام و حتى لو ما جريتش هتستفيد ايه لما تتشل ولا تتعمي و لا تحصلك مصيبة و تضيع مستقبل اللي سايق و تبقى انته عندك عاهة ده لو ما ماتش و هوه اتسجن و عيالك و عياله اتشردوا مين هيصرف عليهم!!!!!!!!!!!!!!

            ما تقف زي الناس المحترمه ادي الطريق حقه و خد حققك براحتك و نعيش في سلام في دنيا........الحقوق و الواجبات.......ده الدنيا أخد و عطا..........مش بطجة و فوضى و حلق حوش و اللي يلحق.........

            ده حتى دينا اللي بيقول كده و أخلاقنا و عاداتنا.......و مشاكلنا كمان حلها كده.........

            ""الدين النصيحة""
            [SIGPIC][/SIGPIC]

            Comment


            • #51
              بجد اول مرة اعرف انها وصلت لــ"حواجز" عند الإشارات !!!!!!

              دي مسخرة بجد !!

              Comment


              • #52
                صباخ الخير على احسن ناس واوعوا تفتكروا اني بشتغل في موبينيل انتم احسن ناس من غيرها

                قريت اول امبارح ف الجرنال ان فيه خطه لضم الميكروباصات لهيئة النقل العام اه والله

                وطبعا ده هايحد كتير من الحوادث وهاتوضع ضوابط على الميكروباصات

                Comment


                • #53
                  المشاركة الأصلية كتبت بواسطة tutankhamoun مشاهدة المشاركة
                  فعلا يا أستاذ أشرف أصل المشكلة فينا أحنا .........

                  الناس اللي بتمشي عكسي و اللفة عن بعد 10 متر ............
                  و الناس اللي بترمي زبالة من العربية ؟؟؟؟؟؟؟؟؟؟؟؟؟؟؟؟؟؟؟؟؟
                  عناصر النظام غير متوفر في بلدنا .....
                  اللي هي شعب مش عايز نظام ....... و خكومة مبسوطة بحال الشعب على كدا
                  -----------------------------------------------------------------------
                  يوم الجمعة اللي فات كنت في مترو الأنفاق ...
                  رحت على الشباك بتاع التذاكر ..... لقيت واحد واقف يبقطع تذكرة
                  وقفت وراه زي الناس المحترمة ........
                  ببص لقيت أتنين برشوتات ...... واحد جاه من أدام الراجل من اليمين و التاني من الشمال .........
                  يعني حتى محدش عبرني و وقف ورايا ........ مع أن الحكومة حاطة حواجز حديدية زي اللي بيحوحها للحيوانات في المزارع .. أعزكم الله

                  المه بقلولهم ما يا جماعة نقف طابور .........
                  و الله العظيم .......... بصولي حتة بصة و كأني بأشتمهم مثلا .......

                  رحت مزعق و قلت محدش فيكم هايدخل ادامي ...... و أول ما زعقت و عليت صوتي .....
                  لقيتهم كشوا و خافوا ( لأنهم طبعا على غلط )
                  و سابوني دخلت و قطعت و مشيت

                  و الأمثلة كتييييييييييييييييييييييييييرة لهذا الشعب الكاره للنظام .

                  هنا بقى الحكومة هاتعمل فيهم أيه
                  عملت حواجز حديد زي بتاعة الحيوانات و مع ذلك مش مأثرة فيهم
                  هاتوقف على كل طابور عسكري بكرباج ؟؟؟؟؟؟؟؟؟؟؟؟؟؟؟


                  أساس المشكلة فينا أحنا كشعب و بعدين الحكومة ...........

                  أستاذ توت

                  تكلمت فأوجزت فأبدعت

                  والله انت كده لخصت المشكلة

                  برغم كرهى للميكروباصات الا انى صوت ضد الغاء الميكروباص

                  المشكلة فينا مش فى الفكرة

                  السعودية من السبعينات فيها الميكروباصات (و كانوا بيسموها الحافلة) و عمرها ما عملت زى اللى بيحصل هنا

                  التوك توك موجود فى الهند و بنجلاديش و غيرها و عمرنا ما سمعنا عن اللى بيحصل هنا عندهم

                  يادى المصيبة ، ماحصلناش السعودية و لا حتى الهند و لا حتى بنجلاديش ، كده يبقى غطينى و صوتى يا امى

                  المشكلة فى السلوكيات و الأخلاق و قبل كده كله فى "الفتاكة و الفذلكة" المصرية الأصيلة

                  تبقى واقف فى الأشارة و تلاقى اللى بيزنق نفسه بينك و بين الرصيف قال ايه علشان الأشارة لما تفتح يطلع بسرعة ... ماهو علشان يطلع لازم يكسر عليك و عادة العربيتين بيتزنقوا فى بعض و الدنيا تقف ... مع انه لو استنى وراك كان الكل مشى...

                  تبقى واقف مستنى تلف الملف و بدل العبقرى اللى وراك ما يستنى هو كمان يلف بعدك تلاقيه راح جاى جنبك و كذا واحد عملوا زيه ... مع ان الملف بياخد عربية واحدة بس ... و تكون النتيجة ان الملف وقف و الطوالى كمان وقف من الناس الفتكة اللى عايزة تلف و مش مستنية دورها

                  تبقى ماشى فى شارع ضيق اتجاه واحد و تلاقى اللى جاى عكس الأتجاه علشان مايلفش من شارع تانى زى الناس و يتنح فى وشك و مايرضاش يرجع و لما العربيات تكتر وراك و الناس تبتدى تشتمه يرجع لورا ... مع انه لو كان لف كان زمانه وصل من زمان بدل ما الكل اتعطل

                  تاكسى يقف فى نص الشارع ينزل ركاب (و يا سلام لو عرب ... يبقى للصبح) و يقعد يحاسبهم و يفاصلوا بعض و بعدين يقعدوا ينزلوا على اقل مهلهم (اتمخطرى يا حلوة يا زينة) و لو عنده ريحة الذوق يشاور لك استنى .. و لكن الأغلبية بيسيبك تولع ... مع انه ممكن ياخد جنب و يعمل اللى هو عايزة ... لكن تقول ايه ... لازم الغلاسة

                  اتوبيسين الهيئة او ميكروباصين ماشيين تاتا تاتا جنب بعض و تكتشف ان السواقين بيرغوا سوا او بيفكوا فلوس لبعض

                  واحد واقف صف تانى قافل على مكان فاضى و قاعد فى العربية و لما تسأله هايركن يقول لك انه طالع على طول ، و لو طلبت انه يوسع لك علشان تركن يا اما يطنشك او يقول لك لف لفة اكون طلعت !!!

                  موضة جديدة فى وسط البلد و ش جامعة الدول ... الفرجة على فتارين المحلات من العربية و هى ماشية بسرعة بطيئة جدا ... و طز فى اللى سايقين وراه

                  عربيتين مليانين شباب عمالين يشدوا مع بعض و يكسروا على الكل و مافيش مانع من خبطة او اثنين و يجروا...

                  استبدال الأكصدامات فى الميكروباصات بأعمدة حديد زى قضبان القطر علشان أى واحد يفكر قبل ما تسول له نفسه انه يقرب من الميكروباص

                  اتفرجوا على العربيات النقل المقطورة و سرعاتها على طرق السفر ... تلاقيه طاير و المقطورة بترقص 10 بلدى وراه (والله وصلت 120 كم/ساعة علشان اجيب واحد منهم علشان اعرف هو ماشى على كام) و سلم لى على السرعات المقررة على الطرق ... ده لو فرمل المقطورة بتلف بعرض الطريق...

                  انا تعبت من الكلام ... كفاية كده دلوقت
                  [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                  [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                  [CENTER][COLOR=DarkGreen][B][SIZE=5]الصحة تاج على رؤوس الأصحاء
                  لا يراه إلا المرضى
                  [/SIZE][/B][/COLOR] [/CENTER]

                  Comment


                  • #54
                    بقية الحديث

                    المعتقدات الأصيلة عند سائقى الميكروباص و التاكسى و الأتوبيسات ان سواق الملاكى ده عيل فافى و مامى جابت له العربية و انه فى بقه ملعقة دهب و انه ما بيعرفش يسوق (و الوضع العن لو واحدة ست اللى بتسوق) ... و بالتالى لابد من الانتقام من هذا المخلوق المستفز (سواق الملاكى) بانهم يقرفوه بأى وسيلة بداية من الكسر و التزنيق مرورا بالشتائم و الألفاظ التى نستحى من ذكرها و حتى الوصول الى خبط الملاكى و تركه ينعى حظه او النزول اذا سنحت الفرصه لضرب سواق الملاكى فى الشارع

                    و طبعا كل الموضوع ما كبر يبقى السواق اجدع و يتفاخر بين زملاء المهنة

                    الكل فاكر انها جدعنة لما نشيل قواعد المرور من دماغنا .. قال ايه كده نوصل اسرع ...

                    تلاقى عربية ماشية قدامك بتعوم يمين و شمال او ماشى فى النص و مالوش دعوة بحد و تكتشف ان الأستاذ او الهانم كان بيطلب نمرة فى الموبايل علشان يعمل مكالمة و استنى بقى لما يخلص ... هما هايقطعوا نفسهم ... يسوقوا ولا يتكلموا ؟؟؟ لازم الناس اللى ماعندهاش دم اللى ماشيين وراهم يستنوا لما يخلصوا المكالمة .. ايه ده ...

                    معظم سواقين الميكروباص او التباعين بلطجية و ليهم سوابق و برغم كده بيطلعوا رخص ... ازاى نفسى افهم
                    ؟؟؟...

                    يا ما رفضت اكتب شهادات رخصة لناس عندهم مشاكل فى عينيهم (جزء من طبيعة عملى) و بعد يومين تلاقيه جاى لك بالرخصة يوريهالك و يقول لك ادينى عملتها ...يعنى بيوريلك انك حنبلى و محبكها زيادة عن اللزوم (بقى لى 16 سنة باشوف الموقف ده) ... و بيوصل لك رسالة ان رفضك للتزوير و حبك للنظام و الصح مالوش لازمة ... طبعا حاجة تحرق الدم و لكن لما يكون ايه ... لايمكن اشارك فى الجريمة دى

                    و ياما عملت نظارات لسواقين سقطوا فى امتحان القومسيون و بعد ما ينجح و يطلع او يجدد الرخصة تلاقيه ماشى من غير النظارة ... مع انه من غيرها شيش بيش على الآخر ...

                    و النتيجة النهائية ان كتير من السواقين دول لا يصلح للقيادة بسبب مشاكل فى النظر ... و برغم كده بيسوقوا و برخص سليمة (الله اعلم قدروا يعملوها ازاى)

                    و غيره كتير ...

                    تفتكروا بعد كل ده ان المشكلة فى الميكروباص ؟؟؟

                    و لا فى عنجهيتنا و كرهنا للنظام و فى الفتاكة و الفذلكة ؟؟؟ و ان كل واحد عامل ناصح و فاكر نفسه اذكى اخواته و ان باقى النفس بقر و مش بيفهموا (عذرا للكلمة و لكن لم اجد تعبير آخر على قدر الموقف) ؟؟؟
                    [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                    [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                    [CENTER][COLOR=DarkGreen][B][SIZE=5]الصحة تاج على رؤوس الأصحاء
                    لا يراه إلا المرضى
                    [/SIZE][/B][/COLOR] [/CENTER]

                    Comment


                    • #55
                      يعنى الكلام كله علىالسواقين والجرى بتاع السواقين ونسيتو لما احنا بنعمل هنا مواضيع بنقول فبها كل واحد جاب كام بعربيته عشان يتباهى بيها
                      ونسينا برضه لما كل واحد بيدى العربيه لابنه عشانب يعمل بيها بلاوى ويرجعله خابط العربيه او خابط بيها حد سايبين كل ده وماسكين فى السواقين

                      انا مش بدافع عنهم هم بيعملو بلاوى برضه بس طالما بنتكلم يبقى نتكلم على الكل عشان كله بيغلط مش السواقين بس

                      Comment


                      • #56
                        يا شباب مصر فعلا بلد عمرها ما هتتنظم ابداً
                        وده لان شعب مصر من زمان شعب فرعونى لا يحكمة الا الكرباج والنظام العسكرى بس لو يكون النظام الشديد ده نظام عادل وغير ظالم اعتقد هى دى الحالة الوحيده اللي ممكن مصر حالها ينصلح فيها

                        ومش بنكر انه فى ناس فى مصر مش عاجبها حال البلد ونفسهم يكون احسن من كده وهم فعلاً ملتزمين بالقوانين بس الغالبية العظمى او السواد الاعظم من الشعب المصرى يسير عكس الاتجاه
                        وفى رأيى انه راجع الى البعد عن الدين وعن الاسلام

                        عن رسول الله صلى الله علية وسلم
                        تركت فيكم ما ان تمسكتم بة لن تضلوا بعدى ابدا كتاب الله وسنتى
                        محمد عبد الرحمن
                        ....المحامى.....

                        Comment


                        • #57
                          حد ممكن يصدق ان في ملف او u turn خمس عربيات بتعدي جنب بعض مرة واحدة !!!
                          والله العظيم بتحصل قدامي... حاجة تحرق الدم ... تلاقي واحد جاي من اقصي الشمال و هوووب ... في قلب الملف ... فهلوية !!

                          Comment


                          • #58
                            المشاركة الأصلية كتبت بواسطة dr.sherif mansy مشاهدة المشاركة




                            تفتكروا بعد كل ده ان المشكلة فى الميكروباص ؟؟؟

                            و لا فى عنجهيتنا و كرهنا للنظام و فى الفتاكة و الفذلكة ؟؟؟ و ان كل واحد عامل ناصح و فاكر نفسه اذكى اخواته و ان باقى النفس بقر و مش بيفهموا (عذرا للكلمة و لكن لم اجد تعبير آخر على قدر الموقف) ؟؟؟

                            جبت من الأخر.....................أوافقك جدا جدا جدا..................

                            احنا بنكره النظام و ما بنحترموش الا لما يتطبق بالقوة و بمنتهى الحزم.....و الدليل المصريين
                            في الخارج...حلوين و طيبين و رابطين الحزام و صوتهم واطي و وووو تقولش نسمة كده!!!!!!

                            ولما يرجعوا.........................عيش و انطلق يا معلم هيه خربانة خربانة............
                            [SIGPIC][/SIGPIC]

                            Comment


                            • #59
                              المشاركة الأصلية كتبت بواسطة mohamed777 مشاهدة المشاركة

                              عن رسول الله صلى الله علية وسلم
                              تركت فيكم ما ان تمسكتم بة لن تضلوا بعدى ابدا كتاب الله وسنتى
                              معلش لي تعليق :
                              أيه اللي دخل الحديث ........ في حال الدنيا و النظام و حب النظام أو كرهه .؟؟؟
                              الحديث بيتكلم عن الضلال و البعد عن الجنة ( أي البعد عن الله عز و جل )

                              أنا آسف على التعليق ...... بس مش كل حديث أو آية نربطها بكل حدث هي لا تمت له بصلة .
                              و شاكر لتفهم حضرتك .
                              [img2]http://i59.tinypic.com/2vxpukz.jpg[/img2]

                              Comment


                              • #60
                                المشاركة الأصلية كتبت بواسطة ashraf229 مشاهدة المشاركة
                                جبت من الأخر.....................أوافقك جدا جدا جدا..................

                                احنا بنكره النظام و ما بنحترموش الا لما يتطبق بالقوة و بمنتهى الحزم.....و الدليل المصريين
                                في الخارج...حلوين و طيبين و رابطين الحزام و صوتهم واطي و وووو تقولش نسمة كده!!!!!!

                                ولما يرجعوا.........................عيش و انطلق يا معلم هيه خربانة خربانة............
                                و مش كلهم كمان يا باشا :
                                أنا أعرف مصري عايش في أمريكا ...... كل شوية يأخد مخالفات بسبب أنه بيسوق زي مصر بالظبط لغاية ما صحبوا منه الرخصة و أتمنع من السواقة ....

                                و الناس تقوله أنت ليه بتعمل كدا ....... يرد و يقول هو كدا ....... مش هاغير طبعي .....
                                و طبعا هناك مفيش أمين شرطة هايخد رشوة و يرجعله الرخصة .......
                                و أخد حكم من محكمة المرور هناك بعدم جواز القيادة في الولاية اللي هو فيها .............

                                حتى كمان العند هناك لغاية ما الرخصة أتبخرت من أيده ........
                                و أنا لي واحد صاحبي على نفس هذه الشاكلة ....... لو مشي صح و الله حاسس أنه هايجيليه مرض .........
                                [img2]http://i59.tinypic.com/2vxpukz.jpg[/img2]

                                Comment

                                Working...
                                X