إعـــــــلان

Collapse

.

,
See more
See less

الفحص الفني السليم هو الحل

Collapse
X
 
  • Filter
  • الوقت
  • Show
Clear All
new posts

  • الفحص الفني السليم هو الحل

    المشكلة الأكبر في البلد دي ان الحكومة ماتقدرش :
    1. توسع الشوارع فجاءة.
    2. تحط خطة لكمان 100 سنة لأن مشاكلنا أصلا لسه ماتحلتش
    3. تمنع بيع السيارات.
    4. تمنع سير السيارات القديمة لأن هيجي بدلها جديدة.

    طب هي المشكلة كبيرة و متشعبة وليها أسباب كتير أنا ركزت على ثلاثة محاور مهمين أولهم حالة السيارات في الشارع:
    • حالة السيارات القديمة:

    1. اللي عنده بوش في الدريكسيون (ما أكثرهم).
    2. اللي كاوتشه ممسوح وبيتقطع أو بتزحلق وفي شوية ميه ويلبس.
    3. اللي عربيته بتعطل و وتقطع كهرباء و تبهدل الدنيا.
    4. اللي عربته مطلعة عادم و مروق اللي وراه ونفسه يطلع منه بس مش شايف منه حاجة...
    5. وغيره وغيره.....

    • حالة السيارات التوسطة:

    1. جايب فرامل مش أصلي بيدوس فرامل ما جابتش معاه.
    2. الواد بلية بيرجلش على بلية عجلة و بيربط على انه المفروض بيفك و مايعرفش انها سن شمال فمااتفكيتش فاسابها و صاحب العربية مشي وهو ماشي العجلة سابت العربية خبطط في دماغ واحد لا قدر الله و الناس بأه فجأة كلهم فاضيين يعدوا و يتفرجوا...

    ولو أعدنا نحصي مشاكل السيارات التي تتسبب في تأزم حالة المرور مش هانخلص ....طب الحل ايه ؟؟؟
    الحل هو ..............فحص فني حقيقي للسيارات
    يطبق ازاي؟؟؟؟؟
    أنا هاقولكم:
    1. تقسم المدينة الى قطاعات يكون عددها على حسب عدد ادارات المرور في المدينة على سبيل المثال هناخد اسكندرية علشان صغيرة و المثال يكون أوضح (اسكندرية أربعة مناطق بأربعة ادارات مرور هم:"طوسون, أبيس ,محرم بك ,العجمي".
    2. كل منطقة يحدد فيها عدد معين من الورش كل ورشة لها تخصص سيارات بالدولة يعني ورشة يباني وورشة كوري وورشة ألماني وورشة فرنساوي وهكذا ويكون هناك فحص دوري ربع سنوي أو نصف سنوي في هذه الورش ويكون الفحص للكاوتش و الفرامل و مراجعة و كشف عام على كهرباء السيارة و العفشة وغيره.
    3. وتكون هذه الورش معتمدة. ليتم التسجيل في الرخصة مع ادارة المرور التابع ليها الورشة السؤولة عن الكشف على السيارة.
    4. بحيث ان لو عربية عملت كارثة بسبب قلت الصيانة تحاسب الورشة بأنها أصدرت جواب اجازة تسيير في الطرق و كدة يبقى فيه نظام.
    5. ويكون فيه نفس النظام للأجرة والملاكي والنقل و جميع فئات المركبات.

    النتيجة:
    1. تقليل الازدحام الناتج عن الحوادث الناتجة عن سوء الصيانة أو عدمها.
    2. تقليل الازدحام الناتج عن الأعطال الناتجة عن سوء الصيانة أو عدمها.
    3. ادخال نسبة أكبر من الورش للضرائب.
    4. الارتقاء بمستوى خدمة السيارات المتردي.
    5. توفير فرص عمل.
    6. توفير روح منافسة للاستفادة من الشفافية بمعنى مش كل سنة نفس الورشة و نراعي ربنا.
    7. تنشيط الحركة التجارية لبيع قطع الغيار السليمة لأن تركيبها هايكون على مسؤلية الورشة.
    8. قطعة الغيار الجيدة حاتطرد القطعة السيئة و نترحم من الغش التجاري.
    9. ستعم المعرفة بصيانة السيارة التي اقتصرت لمدة طويلة على توكيلات تذبح عملائها.
    10. وستكون تلك المعرفة عن طريق عملية تدريب اجباري تقوم بها الورش التي تم اختيارها من قبل ادارة المرور وزارة الداخلية على التوكيل المعني على عمليات الفحص و الصيانة الوقائية للسيارة.
    11. تدريب و تعليم و اعداد كوادر فنية متدربة في السوق.
    12. رفع سعر اعادة البيع لسيارات كانت مشهورة بصعوبة الصيانة و توافر قطع غيارها الأساسية.
    13. تنمية المشروعات الصغيرة و المتوسطة علشان تطبيق المبدأ الاقتصادي(ساعة الأزمة الأرنب هايهرب بسرعة و الفيل هو اللي هاتضره الأزمة)
    14. قيس على ذلك ما لم أذكره وهي حاجات كتير.

    المطلوب:
    ورش بمواصفات ومعدات محددة
    يتم تمويلها عن طريق بنوك التنمية

    وكل اللي أنا قولته دي فكرة وتنفيذها في تفاصيل كتير لن يسعني الوقت لذكرها ولكني موجود لتنفيذها

    ثانيا: الخطوة الثانية دمج هنسة الطرق (علشان يتم تحديد الشوارع المسببة للتكدس من حيث سوء رصفها أو اتساعها مقارنة مع انسياب حركة المرور بها) مع ادارات المرور علشان يبقى فيه حاجة زي بره كدة اسمها Traffic Engineer وأهو بالمرة نطور تعليمنا و نخليها فرع جديد في كلية الهندسة.

    ثالثا وأخيرا:
    وضع كاميرات مراقبة في الشوارع و دي هاتاخد وقت طويل شوية

    كدة يبقى احنا:
    • وضعنا النظام الجديد بتاع الصيانة و دربنا الناس عليه.
    • طورناه بدمج هندسة الطرق مع المرور.
    • رقبناه بالكاميرات ونظم المتابعة لمتابعته و تطويره ومحاسبة الخارجين عليه.

    وده المشاكل الأساسية لظاهرة التكدس المروري في مصر

    مهندس/ مروان البنداري
    مساعد مدير تخطيط الصيانات و العمرات و الصيانة الوقائية لمصنع أسمدة
    و مسؤول مخازن الزيوت
    مسؤول نظم وقاعدة بيانات المعدات باستخدام Oracle
    [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
    [LEFT]
    [/LEFT]
    [/LEFT]

  • #2
    فكرة رائعة و منفذه بالفعل في العديد من الدول ...أذكر منهم إنجلترا
    و عندهم الورش المعتمدة اللي حضرتك بتقول عليها بالظبط...

    و يوم الفحص الناس بتبقى مرعوبة و كأنهم داخلين علي إمتحان السلك الدبلوماسي...لأن لو لمبة محروقة...العربية هاتسقط و هيقولك تعالى بعد إسبوع تعيد الإختبار من تاني
    [CENTER][SIGPIC][/SIGPIC][/CENTER]

    Comment


    • #3
      فكره ممتازه وزي ما قال استاذ نادر منفذه بالفعل
      الفكره دي هتعمل حاجه مش معموله في مصر الا وهي النظام
      النظام اللي مش موجود اصلا في اي مصلحه من مصالح الحكومه

      ( شوية يأس :- تفتكر ان الشعب المصري هيتقبل فكرة النظام وهيمشي عليها ؟!!!!)
      تفتكر حضرتك ان الحكومه هتقبل انها تدفع اموال طائله في سبيل تسيير حركة المرور !!!!

      انا بصراحه مظنش اي حاجه من الحاجات دي

      شكرا على الفكره اتمنى مكونش سودتها في وجه حضرتك
      بس صدقني هيا كدا فعلا
      جزاك الله خيرا
      [CENTER]إلى القمه
      :vctry:
      [/CENTER]
      musiccairo سابقا

      Comment


      • #4
        ما فيش أي حاجة هاتكلف الدولة ما عدا شراء العدسات التيليفيزوينية و وحدة المراقبة
        ودي ممكن توفرها من الورش اللي هاتتقدم للمناقصات
        نفسي اخد فرصتي
        [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
        [LEFT]
        [/LEFT]
        [/LEFT]

        Comment


        • #5
          يا ريت الفحص الفنى يبقى سليم ويا ريت النفوس برضه على الرغم من العربيه بتكون سليمة الا وانا رايح الفحص لازم اخد واسطه معايا لانى متأكد ان المهندس اللى بيفحص هيكون مستنى الزبون علشان يدي له اللى فيه النصيب
          و ساعات العربية تكون 10/10 واروح الاقية مسقطها كشف البيئة ال ايه بيقول فى كتير نجحوا النهارده لازم شوية يسقطوا
          البلد دى عاوزة تصليح فى البنى ادمين الاول ولازم كل واحد يقتنع ان رزقه المكتوب هيوصل له بس الواحد هوا اللى بيحدد الرزق ده يوصل بطريق حلال ولا طريق تانى
          انا شايف مشكلتنا الرئيسية ان الشعب لازم يقتنع ان الرزق بينزل من السما " يعنى مقدر للواحد الرزق اللى بياخده " مش علشان عملت كذا اليوم هاخد الرزق وده كله علشان لما نشتغل شغلنا يبقى بنعبد ربنا مش العمل عباده
          ده مش قصدى بيه التواكل

          Comment


          • #6
            أفكار ممتازة .. أحييك بشدة .
            هل فيه أي طريقة الكلام ده يوصل لمسئول ؟
            [COLOR="gray"]
            [CENTER]Leadership is based on inspiration, not domination[/CENTER][/COLOR]

            Comment


            • #7
              اكيد انت فى مصر!!

              Comment


              • #8
                يا جماعة البلد أو المؤسسات اللي بيحكمها الضمير و المبادئ والولاء زي ما كان في مصر زمان كده ده نظام محكوم عليه بالفشل الذريع و قصر العمر زي ما حصل دلوقتي لازم المؤسسات يحكمها نظام لايعطي لأحد في النظام فرصة انه يسرق أو يرتشي علشان يشوف شغله..

                أنا طبقت الفكر بتاعي على وردية فيها 100 فرد ما بين عمال تشغيل و مشرفين و فنيين صيانة وخراطين

                البلد دي ممكن تتصلح يا جماعة و الناس عايزة تغير بس المشكلة انهم مش عارفين ازاي وعايزين اللي يدلهم.....

                بس المشكلة في اصحاب الكراسي (مديرين الشركات، رؤساء القطاعات، وغيره) على كل المستويات.....

                كل واحد خايف على كرسيه اللي بيعد يشات من عليه ويلعب فيديو جيمز ويقبض فلوس كتير.....

                وانت يا صعلوق عايز تيجي تغير والناس تهتف بحياتك وتيجي مكانه ...انتوا اتجنيتوا ولا ايه؟؟؟؟

                دي كلها أفكار بس يا جماعة بننفس فيها عن نفسنا علشان ما نسمحش للجلخ بالخول الى عقولنا وشكرا...
                [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
                [LEFT]
                [/LEFT]
                [/LEFT]

                Comment


                • #9




                  و بعد كل الكلام الجميل اللي حضرتك قولته ده هتلاقي الصور اللي فوق دي برضه في الشارع المصري علي مرأي و مسمع من لجان و كمائن المرور
                  الملفات المرفقة
                  [SIGPIC][/SIGPIC]

                  Comment


                  • #10
                    فكرة ممتازة يا ريت تتنفذ
                    [SIZE="5"]صبحى سيد[/SIZE]

                    [SIZE="6"]سبحان الله وبحمده .... سبحان الله العظيم[/SIZE]

                    Comment


                    • #11
                      فكرة ممتازة !!!

                      Comment


                      • #12
                        بس سؤال اللي عربيته مش هتعدي الفحص يعمل ايه بقى ؟؟

                        Comment


                        • #13
                          المشاركة الأصلية كتبت بواسطة ayliz_2009 مشاهدة المشاركة
                          بس سؤال اللي عربيته مش هتعدي الفحص يعمل ايه بقى ؟؟
                          يصلح العيوب اللي أدت إلى عدم إجتياز الفحص
                          أو يركنها تحت بيتهم
                          [CENTER][SIGPIC][/SIGPIC][/CENTER]

                          Comment


                          • #14
                            المشاركة الأصلية كتبت بواسطة nadernabil مشاهدة المشاركة
                            يصلح العيوب اللي أدت إلى عدم إجتياز الفحص
                            أو يركنها تحت بيتهم
                            +1
                            زي اي دولة متحضرة بتحترم البني آدمين و بتقدر سلامتهم

                            Comment


                            • #15
                              افكارك جيدة وكلام منطقى
                              [img3]http://s11.postimg.org/5u651o4eb/bsmlhe41104899dnj0zx5.gif[/img3]

                              Comment

                              Working...
                              X