إعـــــــلان

Collapse

.

,
See more
See less

دليل مطبات مصر

Collapse
X
 
  • Filter
  • الوقت
  • Show
Clear All
new posts

  • دليل مطبات مصر

    بسم الله الرحمن الرحيم

    كام واحد فينا كان ماشي على الطريق بالليل في امان الله ومره واحده لقى نفسه طلع لفوق واتهبد لتحت علشان مطب ما شافهوش والمشكله اني ما بعرفش أحفظ اماكن المطبات كويس ويا سلام بقى لو ماشي بالليل في طريق أول مره أمشي فيه تلاقيني كل شويه عمال أضرب فرامل بسبب نور العواميد والمناطق اللي مابينهم بتبقى ضلمه والواحد يتهيأله انه مطب
    علشان كده فكرت في فكره حلوه قوي
    هي ان كل مطب أعدي من عليه أسجل الاحداثيات بتاعته على الموبايل (في طريقه سهله على فكره للتسجيل)
    ويبقى ظاهر عندي على خريطة الموبايل و كمان الموبايل يصفر قبل المطب ب150 متر علشان ألحق أهدي براحتي مهما كنت ماشي بسرعه

    وبصراحه الموضوع ده لقيته حلو قوي ومفيد وممكن يفيد ناس كتير قلت أحطه على المنتدى هنا علشان كلنا نستفاد بيه وكل واحد يعدي على مطب يسجله وياسلام بقى لو نحط المطبات هنا على الموضوع ده لغاية ما نكمل خريطة مصر كلها
    نيجي بقى للكلام المهم
    1. البرامج اللي محتاجينها علشان تسجيل المطبات
    برنامج Nokia Ovi Maps أو Nokia Maps وده موقع تحميله مجانا للموبايلات دي
    • Nokia N97
    • Nokia N97 mini
    • Nokia 6710 Navigator
    • Nokia X6

    • Nokia 5800 XpressMusic
    • Nokia 5230
    • Nokia E52
    • Nokia E72

    من الرابط ده
    [img2]http://darlamack.blogs.com/.a/6a00d8341c2ef853ef01287758c5bf970c-800wi[/img2]
    Free Navigation on your Nokia. Forever - Ovi Maps - Free Downloads
    اما باقي موبايلات نوكيا فلها نسخ تانيه معدله بحيث انها تشتغل عليها بس موجوده في منتديات تانيه ما أقدرش أحط اللنك بتاعها احتراما لقوانين المنتدى

    البرنامج التاني هو برنامج جارمن وده اللي بننقل عليه الاحداثيات علشان يصفر لما نقرب من المطب

    وده موضوع أخونا aly_hosny تقدروا تحملوا البرنامج من عليه

    ميزة برنامج الجارمن انه بينبهك صوتيا لما تقرب من المطب
    وكمان اللي عنده جهاز جارمن ممكن ينقل عليه ملف POI بتاع المطبات ويشتغل معاه زي الفل ان شاء الله


    2. طريقة تسجيل المطبات على الموبايل

    1. نشغل برنامج nokia maps او nokia ovi maps و نختار اي destination ونعمل عليها drive to
    يعني نبقى في وضع navigation
    2. لما نبقى على المطب نضغط على رقم 2 في الموبايل حتطلع لنا مكان نكتب فيه اسم المطب (اضغط على أي حرف) وبعدين نختار save
    يعني بكل سهوله نضغط 2 وبعدين 6 وبعدين ok (الزرار اللي في النص)
    3. كده يبقى المطب اتسجل خلاص في الlandmarks اللي على الموبايل

    لو عديت تاني على المطب حتشوفه على الخريطه مكان ما انت سجلته

    3. طريقة تبادل المطبات
    1. روح لأيقونة landmarks اللي في الموبايل وعلم على كل المطبات واختار options وبعدين send و ابعتهم للكمبييوتر عن طريق البلوتوث حتلاقي الملف بصيغة lmx
    ودي صيغة خاصة بنوكيا مابس علشان تحولها لصيغه تانيه استعمل موقع
    POI EDITOR - POI Convert
    ممكن تحولها لصيغة kml علشان تشوف المطبات على جوجل ايرث
    او صيغة csv علشان تحملها على الجارمن باستعمال برنامج
    Garmin POI Loader

    وماتنساش تختار في الاعدادات المسافه اللي انت عايز التبيه قبلها مثلا 150 متر
    -------------------------------------------------------------------------------------------------------------------

    ودول بقى المطبات اللي انا سجلتها لحد الان
    وتوزيعهم على الطرق الآتيه معلش انا من المنوفيه بس ممكن الاماكن دي تفيد اللي ينزل عندنا من أي حته
    1. الطريق الزراعي مصر - الاسكندريه ( من طنطا الى الاسكندريه فقط)
    2. 3 مطبات على ترعة المحموديه بالاسكندريه
    3. طريق شبين الكوم - طنبدي - الكوم الاخضر - زنارة - بابل - صناديد - طنطا
    4. طريق شبين الكوم - شنوان - الباجور
    5. طريق الباجور - سرس الليان
    6. طريق شبين الكوم - كفر طنبدي - البتانون
    7. طريق تلا - بابل - جنزور - الطريق الزراعي
    8. طريق تلا - كفر الشيخ سليم - طنطا
    9. طريق تلا - البنداريه
    ودول 185 مطب شوفتوا بقى طرق المنوفيه حلوه ازاي يا ريت بقى نغطي كل طرق مصر
    نيجي بقى لتحميل الملفات بتاعت الpoi دول
    ده ملف الجوجل ايرث بيشتغل على الكمبيوتر على طول وده علشان تشوف الاماكن بتاعتهم بس
    matabat.kml

    وده ملف نوكيا مابس ابعته للموبايل عن طريق البلوتوث وبعدين اعمل له save
    matabat.lmx

    وده ملف الجارمن مظبوط على 150 متر
    Poi.gpi
    حمله وحطه في
    E:\Garmin\poi\
    ووافق على الاستبدال

    تم والحمد لله وانا مستعد لأي استفسار
    [CENTER]سبحان الله وبحمده سبحان الله العظيم
    [/CENTER]
    [CENTER] [SIGPIC][/SIGPIC][/CENTER]

  • #2
    فكره حلوه اوي بس صعب تحصر مطبات مدينه واحده مش مصر ربنا يقويك يا فندم
    [FONT=Comic Sans MS][SIZE=5][COLOR=#665353]The worst is Not come Yet[/COLOR][/SIZE][/FONT]

    Comment


    • #3
      والله الشغل الجماعي ممكن يعمل حاجات كتيره قوي وانا مابقولش نعملها وتبقى جاهزه بكره يعني كل واحد يبعت مطبات على قد ما يقدر وانا لوحدي سجلت مطبات الطرق اللي مشيت عليها كلها لو كل واحد فينا عمل كده اكيد حنستفاد كلنا من الموضوع ده
      [CENTER]سبحان الله وبحمده سبحان الله العظيم
      [/CENTER]
      [CENTER] [SIGPIC][/SIGPIC][/CENTER]

      Comment


      • #4
        المشاركة الأصلية كتبت بواسطة yahiahelaly مشاهدة المشاركة
        فكره حلوه اوي بس صعب تحصر مطبات مدينه واحده مش مصر ربنا يقويك يا فندم
        آه والله خصوصا مطبات شوارع مصر اللي لا حصر لها
        [CENTER]سبحان الله وبحمده سبحان الله العظيم
        [/CENTER]
        [CENTER] [SIGPIC][/SIGPIC][/CENTER]

        Comment


        • #5
          الف شكر على الفكرة دي وياريت التعاون من المهتمين

          بس ممكن كل يوم تلاقي مطب جديد اتعمل وبالتالي لا يمكن الإعتماد تماما على الموضوع ده

          Comment


          • #6
            دي فكرة ممتازة و تستاهل التعب فيها
            مش المطبات بس
            الرادارات
            الكماين
            الحوادث
            [mshosh2]http://www.4shared.com/photo/lCkSz74F/morsee.html[/mshosh2]

            Comment


            • #7
              المشاركة الأصلية كتبت بواسطة د.محمود صلاح مشاهدة المشاركة
              الف شكر على الفكرة دي وياريت التعاون من المهتمين

              بس ممكن كل يوم تلاقي مطب جديد اتعمل وبالتالي لا يمكن الإعتماد تماما على الموضوع ده
              الف شكر على المشاركه

              فعلا المطبات الجديده مشكله بس ماتنساش برضه ان عددنا في المنتدى هنا مش شويه يعني ممكن نبلغ بعض اول بأول والموضوع ده حيبقى يبقى مجرد مساعد ليك وانت سايق يعني أكيد حضرتك لما بتسوق على طريق حافظه وحافظ المطبات اللي عليه غير لما بيبقى اول مره تسوق عليه


              المشاركة الأصلية كتبت بواسطة MaZaGAngeE مشاهدة المشاركة
              دي فكرة ممتازة و تستاهل التعب فيها
              مش المطبات بس
              الرادارات
              الكماين
              الحوادث
              الله ينور عليك والله بجد الفكره دي جامده جدا
              الخرايط بتاعت جارمن فيها رادارات وكاميرات السرعه بس مش موجوده على الخريطه بتاعت مصر بشوية جهود ذاتيه ممكن نخليها خريطه مفيده جدا زي الخرايط بتاعت أوروبا

              [CENTER]سبحان الله وبحمده سبحان الله العظيم
              [/CENTER]
              [CENTER] [SIGPIC][/SIGPIC][/CENTER]

              Comment


              • #8
                ده برنامج نوكيا مابس كامل للموبايلات اللي ما بيشتغلش عليها nokia ovi maps من موضوع أخونا KoDaK_Gti
                [CENTER]سبحان الله وبحمده سبحان الله العظيم
                [/CENTER]
                [CENTER] [SIGPIC][/SIGPIC][/CENTER]

                Comment


                • #9
                  والله فكرة رائعه ومفيده بس لازم تعاون
                  د \ محمد البربري

                  Comment


                  • #10
                    المشاركة الأصلية كتبت بواسطة dode2002 مشاهدة المشاركة
                    والله فكرة رائعه ومفيده بس لازم تعاون
                    شكرا على مرورك والله مشاركتك ادتني أمل ان شاء الله نتعاون وانا عن نفسي كل طريق حعدي منه حسجل المطبات اللي فيه وأحطها هنا
                    [CENTER]سبحان الله وبحمده سبحان الله العظيم
                    [/CENTER]
                    [CENTER] [SIGPIC][/SIGPIC][/CENTER]

                    Comment


                    • #11
                      فكرة ممتازة بجد االله ينور عليك انا هاعملها طول مانا ماشى وارفع الملف هنا
                      [CENTER][FONT=Comic Sans MS]Mohamed Nasr
                      [/FONT] [/CENTER]

                      Comment


                      • #12
                        المشاركة الأصلية كتبت بواسطة M.Nasr مشاهدة المشاركة
                        فكرة ممتازة بجد االله ينور عليك انا هاعملها طول مانا ماشى وارفع الملف هنا
                        الف شكر ليك ولتعاونك معايا في الموضوع ده
                        [CENTER]سبحان الله وبحمده سبحان الله العظيم
                        [/CENTER]
                        [CENTER] [SIGPIC][/SIGPIC][/CENTER]

                        Comment


                        • #13
                          ايه يا جماعه هو الموضوع مش حلو ولا ايه مش شايف أي مشاركات على العموم دول 100 مطب جداد
                          متوزعين على الطرق الآتيه (كلهم في المنوفيه)

                          1. طريق شبين الكوم - العراقيه - طملاي - كفر داوود - مدينة السادات.

                          2. طريق تلا - كفر عسكر - طوخ دلكه - ميت أبو الكوم - الشهداء - العراقيه.


                          دي ملفات التحميل:

                          ملف Ovi maps

                          28_5_2010.lmx


                          ملف جارمن مضبوط على انذار من على بعد 180 متر

                          Poi.gpi

                          حطه على الميموري في العنوان ده
                          E:\Garmin\poi\

                          وده ملف جوجل ايرث علشان تشوف أماكن المطبات على الكمبيوتر

                          http://www.mediafire.com/?yznzwu5znoy

                          والقادم مذهل أكثر
                          [CENTER]سبحان الله وبحمده سبحان الله العظيم
                          [/CENTER]
                          [CENTER] [SIGPIC][/SIGPIC][/CENTER]

                          Comment


                          • #14
                            فكرة جامدة واحييك على طريقة تفكيرك.......
                            [CENTER][COLOR=darkred][SIGPIC][/SIGPIC][/COLOR][/CENTER]

                            [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

                            [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

                            [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

                            Comment


                            • #15
                              المشاركة الأصلية كتبت بواسطة hobaz مشاهدة المشاركة
                              فكرة جامدة واحييك على طريقة تفكيرك.......
                              ألف شكر ليك على تشجيعك الجميل
                              [CENTER]سبحان الله وبحمده سبحان الله العظيم
                              [/CENTER]
                              [CENTER] [SIGPIC][/SIGPIC][/CENTER]

                              Comment

                              Working...
                              X