تقرير صيانة ال 30 الف كيلو متر كورولا 2009 + مشكلة فى الفرامل

**feras_elngar** · 13-10-2009 07:57 PM

[shfaf1]http://i44.tinypic.com/35kkcwm.gif[/shfaf1]

اولا

الفرامل كانت بتهرب لما ال ABS بيشتغل يعنى كنت بدوس فرامل فجائى تقوم تحصل خربطة ( وده طبيعى ) بس الموش طبيعى ان العربية تكمل 10 متر كمان

طبعا عملت حادثة على كوبرى جمب المطار ولبست فى كورولا ودفعتله 400 جنيه و الاكصدام بتاعى اتخرم بس خرم 3 سم والعربية فضلت كلها سلبمة الحمد لله و حصلت معايا كام مرة كده لما اشوف مطب فجائى ... طبعا مصيبة

روحت النهارده اعمل صيانة ال 30 الف كيلو

الوضع الصراحة كان حلو قوى النهارده .. معاملة محترمة جدا

اللى حصل انى اكدت عالبشمهندس على الموضوع بتاع الفرامل ده و العفر الكتير اللى بيخنقنى لما بشغل التكييف و العفشة اللى بقت بتشخلل

وطبعا جيبناله امكانية رفع دعوى قضائية عشان موضوع الفرامل ( عشان نسخنه )

بعد انتظار 3 ساعات
قالى المهندس تعالى لما نجرب ال ABS
خدنا العربية و وقفنا ثباتى 3 مرات و اشتغل ABS تمام
وهو ان العربية تزحف سنة و تمشى سنة و العربية كانت بتقف فى مكانها باقتدار

تمام يا سيدى عملتوا ايه فى العربية

1- غيرنا التيل الخلفى والامامى ( كانوا خلصانين طبيعى )
2- غيرنا الطنابير الخلفية الاتنين على حسابنا

.. اصلهم كانوا ( مليجين .. زى ما قالها ) تقريبا معوجين وقالى ده عيب صناعة ... ودول سعرهم بس 1800 جنيه

( النهارده بس حسيت بميزة الضمان )
2- تنظيف فلتر
3- زيت وفلتر وغسيل موتور وخارجى

نيجى بقى للدفع

298 جنيه مصنعية
459 جنية 2 تيل امامى
400 جنيه 2 تيل خلفى
248 جنيه موبيل وان 10000
40 جنيه فلتر
شوية تحابيش

الاجمالى الحراق = 1580 جنيه

سالته الاكصدام بتاع العربية يعمل كام قال 2800 بالرشاشات و حدود 2000 عادى

نصيحة للجميع : روح فى مكان فاضى وجرب الفرامل بتاعتك واتأكد انها شغالة 100% ... اصلنا مبنجربهاش غير لا قدر الله فى الحوادث

دمتم سالمين

والسلام ختام

**محمد محمد** · 13-10-2009 08:30 PM

وعليكم السلام ورحمة الله وبركاته........
تقرير جميل يا استاذ فراس انا فعلا بجرب الفرامل كل اسبوع وعلي سرعات عالية وفي اماكن مختلفة.
شوية التحابيش دول بيبقوا الضريبة وبيبقي مكتوب امامها tax تقريبا.
التيل سعره كويس وهيقف ب 944.5 بعد الضريبة انا سائل عليه النهارده في الحرفيين لقيت الطقم كامل بحوالي 1100.
الأكصدام هو اللى غالي سئلت عليه في نفس المكان لقيت الأمامي ب1250 والخلفي ب800.
انا بقي ربنا يكون في عوننا هاعمل صيانة ال45000 واحتمال 70% اغير التيل والكاوتش برده عاوز يتغير.
بس انا ليا سؤال انت عملت الصيانة في اي فرع؟

**Dr_Smart** · 13-10-2009 08:30 PM

الف مبرووك عالصيانه

الحمدلله انك اتطمنت عالفرامل دي اهم حاجه في العربيه

بالنسبه للأسعار التيل غالي شويه بس زي معظم الياباني دلوقتي

الطنابير والاكصدام غاليين جدا

هل ينفع تشتري التيل من بره ويركبوه في التوكيل ولا بيرفضو ؟

**feras_elngar** · 13-10-2009 09:17 PM

المشاركة الأصلية كتبت بواسطة ابو الوليد المصرى

وعليكم السلام ورحمة الله وبركاته........
تقرير جميل يا استاذ فراس انا فعلا بجرب الفرامل كل اسبوع وعلي سرعات عالية وفي اماكن مختلفة.
شوية التحابيش دول بيبقوا الضريبة وبيبقي مكتوب امامها tax تقريبا.
التيل سعره كويس وهيقف ب 944.5 بعد الضريبة انا سائل عليه النهارده في الحرفيين لقيت الطقم كامل بحوالي 1100.
الأكصدام هو اللى غالي سئلت عليه في نفس المكان لقيت الأمامي ب1250 والخلفي ب800.
انا بقي ربنا يكون في عوننا هاعمل صيانة ال45000 واحتمال 70% اغير التيل والكاوتش برده عاوز يتغير.
بس انا ليا سؤال انت عملت الصيانة في اي فرع؟

فى العباسية ... الحجز بيطول شوية بس يستاهل ... الناس هناك فاهمة شغلها

التحابيش دى اللى هى الضريبة وتشحيم البيبان و الغسيل للبودى و المحرك

**feras_elngar** · 13-10-2009 09:18 PM

المشاركة الأصلية كتبت بواسطة dr_smart

الف مبرووك عالصيانه

الحمدلله انك اتطمنت عالفرامل دي اهم حاجه في العربيه

بالنسبه للأسعار التيل غالي شويه بس زي معظم الياباني دلوقتي

الطنابير والاكصدام غاليين جدا

هل ينفع تشتري التيل من بره ويركبوه في التوكيل ولا بيرفضو ؟

زى ما ابو الوليد قال سعرهم قريب من التوكيل و فى التوكيل اضمن الصراحة
اصل المضروب كتيييييييير

**feras_elngar** · 13-10-2009 09:41 PM

المشاركة الأصلية كتبت بواسطة ابو الوليد المصرى

وعليكم السلام ورحمة الله وبركاته........
تقرير جميل يا استاذ فراس انا فعلا بجرب الفرامل كل اسبوع وعلي سرعات عالية وفي اماكن مختلفة.
شوية التحابيش دول بيبقوا الضريبة وبيبقي مكتوب امامها tax تقريبا.
التيل سعره كويس وهيقف ب 944.5 بعد الضريبة انا سائل عليه النهارده في الحرفيين لقيت الطقم كامل بحوالي 1100.
الأكصدام هو اللى غالي سئلت عليه في نفس المكان لقيت الأمامي ب1250 والخلفي ب800.
انا بقي ربنا يكون في عوننا هاعمل صيانة ال45000 واحتمال 70% اغير التيل والكاوتش برده عاوز يتغير.
بس انا ليا سؤال انت عملت الصيانة في اي فرع؟

الكوتش سعره تقريبا فوق 500 جنيه للفرده فالتوكيل فشوف الاول سعره بره بكام

**Sharky** · 14-10-2009 12:01 AM

شكرا على التقرير الجميل

الحمد لله ان الفرامل إتصلحت عندك
بس هو تيل الفرامل بـ 460 و لا بـ 1100 ؟

**Hisham1** · 14-10-2009 06:34 AM

المشاركة الأصلية كتبت بواسطة sharky

شكرا على التقرير الجميل

الحمد لله ان الفرامل إتصلحت عندك
بس هو تيل الفرامل بـ 460 و لا بـ 1100 ؟

لا الأستاذ فراس كاتب الأمامي 460 والخلفي 400 بدون ضريبة
والأستاذ ابو الوليد بيقول سأل عليه ب 1100 بره التوكيل للطقم كامل (أمامي وخلفي)

**محمد محمد** · 14-10-2009 04:48 PM

المشاركة الأصلية كتبت بواسطة feras_elngar

زى ما ابو الوليد قال سعرهم قريب من التوكيل و فى التوكيل اضمن الصراحة
اصل المضروب كتيييييييير

كلامك صحيح بدال لقيت الأثنين سعرهم متقارب هات من التوكيل افضل.
المرة اللى انا غيرت التيل فيها مكنش فيه في التوكيل تيل خلفي رحت جايبهم من عرفة جابر اللى في شارع دمشق علشان هو موزع معتمد مهندس التوكيل اللى قالي عليه.
وبصفة عامة اي حاجة متعلقة باداء السيارة(تيل فرامل-سيور-فلاتر....الخ)هاتها من التوكيل افضل لكن بقي الفوانيس والمرايات والأكصدامات والحاجات دي الواحد يجيها من برة افضل لأنهم دايما معرضين للتلف.
[info]ملحوظة برده علشان الحبايب:اي موزع معتمد هتلاقيه بيبيع قطع الغيار اقل من التوكيل 10% لأن خصم التوكيل للموزع بيبقي 20% بعد كده الموزع بيضيف 10% وتوصل القطعة للمستهلك بخصم10% فقط.[/info]

**kareemhisham** · 14-10-2009 04:56 PM

الف شكر على التقرير الجميل ..

و الحمد لله ان الموضوع الفرامل دة اتصلح

الموضوع: تقرير صيانة ال 30 الف كيلو متر كورولا 2009 + مشكلة فى الفرامل

LinkBack

أدوات الموضوع

عرض

-

-

-

-

-

المواضيع المتشابهه

صيانة 90000 + مشكلة فى الفرامل 2

مشكلة تكة الفرامل بعد صيانة ال-20,000

كورولا 2009 واليارس وزنهم كام كيلو ؟

بفضل الله عملت صيانة ال 10000 كيلو يوم الاتنين 17-8-2009

تقرير صيانة ال 10000 كيلو للكورولا 2009

الكلمات الدلالية لهذا الموضوع

المفضلات

المفضلات

ضوابط المشاركة