بفضل الله عملت صيانة ال 10000 كيلو يوم الاتنين 17-8-2009

**akarem** · 19-08-2009 03:53 PM

السلام عليكم زرحمة الله وبركاته
ازيكم يا اخوانى عاملين ايه وكل سنة وانتم طيبيين بمناسبة شهر رمضان
ربنا يرزقنا بلوغه وصيامه ويعينا على قيامه
وحشتونى كتير
انا بفضل الله عملت صيانه ال 10000 كيلو يوم الاتنين اللى فات
انا عربيتى سيريون 2009 xl سماوى
حجزت يوم التلات اللى قابله استغربت ان المعاد جه متأخر كده انا عملت صيانه الاف وال خمس الالاف بعد ماحجزت بيوم المهم انا قولت يمكن فيه ضغط علشان شهر رمضان
الميعاد كان الساعه 3 عصرا روحت 3 الا ربع كده دخلت وسلمت العربية على الساعه 3 وعشرة وكنت عايزه يثبت الاكصدام كان اتخبطت في حادثه زمان اول ماجبت العربية هوا مش باين بس مفارق سنة من عند الكشاف يعنى كان عايز تثبت كويس بكلبسات قالى هاشوف ينفع نعملك الاكصدام والا لا ما فهمتش قصده ايه المهم قالى هتستلمها على الساعه 4 ونص قعدت في الاستراحه طبعا كان فيه نت وتليفزيون ومشروبات وجرايد حاجه جميلة
استلمت العربية على الساعه 5 الا تلت اتكلفت الصيانة حوالى 380 جنيه يعنى السعر الطبيعى
الملاحظات بقى يعنى مش مبسوط قوى من الصيانه المرة ديه العربية طلعت متوسخه شوية قولت للمهندس قالى ماهى مش بتنضف قوى يعنى كان فيها وساخه تحت باب الشنطة وجوه العربية برضه سحيت انهم منضفوش حاجه المهم وبرضه معملش الاكصدام بجرب العربية كنت اول مرة اراجع بعد الصيانه لاقيت الزجاج الخلفى بيعمل صوت وهوا نازل ندهت للمهندس تانى قالى علشان مرشوش عليه ميه والميه دخلت جوه الكاوتش فبينزل بالعافية بس لاقانى مش مبسوط فقالى خلاص هات العربية خدها منى ودخل جوه تانى قعدوا يرشوا على الزجاج اسبري كده المهم قعدت حوالى ربع ساعه وخرجت جربت لاقيته كويس
العربية طبعا بقيت احسن من حيث الاداء الفرامل يقيت اقوى بس فرامل اليد بقيت تقيلة قوى مش عارف ده صح والا غلط

على العموم انطباعى عن العربية متغيرش العربية جميله جدا وبحس انى اجمد واحد على الطريق مش عارف ليه
ربنا يحفظنا جميعا
وكل سنة وانتم طبيببن

**abohalmos** · 19-08-2009 04:12 PM

كل سنة و انت طيب يا ابو حميد
رمضان كريم
و مبروك عليك العربية و عقبال صيانة المليون ان شاء الله
و ربنا يسعدط بيها كمان و كمان

الا قولى فيه عندك موضوع علبة الدركسيون ده و لا لا ؟؟؟؟؟

**hhhmmmzzzz** · 20-08-2009 01:54 AM

كل سنة وانت طيب بمناسبة شهر رمضان
وعقبال ال100الف
ممكن اعرف ايه اللى اتعمل فى الصيانة بالضبط هل هذه تكلفة غيار الزيت لانى فى صيانة ال5000ك غيرت زيت10000ك يعنى قدامى لحد15000ك
وكل عام وانت بخير

**معاذ الشرباصى** · 21-08-2009 12:36 PM

المشاركة الأصلية كتبت بواسطة hhhmmmzzzz

كل سنة وانت طيب بمناسبة شهر رمضان
وعقبال ال100الف
ممكن اعرف ايه اللى اتعمل فى الصيانة بالضبط هل هذه تكلفة غيار الزيت لانى فى صيانة ال5000ك غيرت زيت10000ك يعنى قدامى لحد15000ك
وكل عام وانت بخير

+1

يا ريت حضرتك تقولنا على تفاصيل الفاتورة بعد اذنك

و لو غييروا لك زيت, فالكمية كانت قد ايه؟

**A.Saad** · 21-08-2009 12:52 PM

هما ربطوا فرامل اليد فهتلاقيها اتقل
شئ طبيعى

**akarem** · 01-09-2009 12:11 PM

السلام عليكم
وكل سنة وكلكم طيبيين وعقبالكم يا رب لما توصلوا لصيانة المليون
وربنا يحفظنا جميعا ويحفظ عربيتنا
بالنسبة لموضوع علبة الدركسيون على حسب كلام الناس عنها بفضل الله انا مش عندى العيب ده
استاذ معاذ انت برضه سألتنى السؤال ده قبل كده بتاع كمية الزيت بينى وبينك انا مش فاهم قوى يعنى ايه
وبعدين انا خدت الفاتورة الصفرا مش البيضا اللى فيها التفاصيل مش عارف ده كده صح والا غلط وبعدين انا حاسس كده من كلامك انى بدفع تمن اكتر من كمية الزيت اللى بتتحط ياريت تفهمنى اكتر ايه موضوع كمية الزيت ده وازاى اعرف الكمية واحسب تمنه ازاى؟
على العموم هتأكد تانى
الصيانه اتكلفت 380 جنيه غيار زيت وفلتر والصيانه العادية وكمان مراجعه على الفرامل وعمل الرجلاش بتبديل العجل بس ديه كل التفاصيل مش لاقى حاجه تانى اقولها

**hhhmmmzzzz** · 02-09-2009 09:42 AM

المشاركة الأصلية كتبت بواسطة akarem

استاذ معاذ انت برضه سألتنى السؤال ده قبل كده بتاع كمية الزيت بينى وبينك انا مش فاهم قوى يعنى ايه
وبعدين انا خدت الفاتورة الصفرا مش البيضا اللى فيها التفاصيل مش عارف ده كده صح والا غلط وبعدين انا حاسس كده من كلامك انى بدفع تمن اكتر من كمية الزيت اللى بتتحط ياريت تفهمنى اكتر ايه موضوع كمية الزيت ده وازاى اعرف الكمية واحسب تمنه ازاى؟
على العموم هتأكد تانى

وانت طيب ورمضان كريم
بالنسبة لموضوع الزيت لما قابلت ا/عمرو فى الاستقبال وهو عارف انى من فريق نايل موتورز ف وهو بيستلم منى السيارة قالى انهم تداركو موضوع الزيت استجابة لطلباتنا علي اساس انى من نايل موتورز وعارف موضوع الزيت ده بس بصراحة ما بصتش بالفاتورة للتاكد من ذلك ولكن لو كان مافيش حاجة اتعدلت ماكنش هيقولى كدة من نفسه
انا كدة حاسس من كلامك انى ممكن ماروحش صيانة ال10000 انا مغير زيت لحد 15000وبعدين الشغل الباقى اللى اتعمل ممكن استنى عليه