تقرير صيانة ال 10000 كيلو للكورولا 2009

**feras_elngar** · 11-03-2009 11:17 PM

بسم الله الرحمن الرحيم

عملت الصيانة فى فرع العباسية

العربية كانت عاملة حوالى 9000 كيلو

اتصلت بيهم يوم الاحد دخلنا يوم الثلاثاء

سلمت العربية الساعة 2.5 تقريبا واخدتها الساعة 4

انا وقفت شوفتهم وهما بيصينوا العربية انا حسيت انهم بيقلبوا العربيات بسبب الزحمة الشديدة

العربية اخدت ربع ساعة فى ايدهم
تربيط العفشة : الصنايعى اللى على اليمين ربط مسمار صغير كده بمفك فى الفرديتين عنده واللى عالشمال معملهاش خالص ... واسمك ربطت العفشة

تنظيف الفرامل بالهواء المضغوط عالسريع ...

تشحيم الابواب كان كويس

الصراحة بقى انا ماشوفتهمش غيرو لفلتر الزيت وكنت هعمل دوشة بس قلت بلاش

قولت يمكن انا اللى مخدتش بالى

للاسف لقيت خبطة خفيفة فى العربية على الرفرف القدمانى يمين وندهت لمهندس الاستقبال خدها لورشة السمكرة وعدلها والصراحة رجعت زى الاول

بس الحركة دى تعبت اعصابى جدا

نظفوا فلتر التكييف

نيجى بقى للاسعار بتاع الصيانة :

187 جنية عمالة
40 جنية فلتر زيت
248 زيت موبيل وان 4 لتر
15 جنيه تنظيف فرامل
15 جنيه تنظيف بالفوم ( تقريبا فى الغسيل ) انا ما رحتش هناك
30 متفرقات

اجمااااااااااااالى الفاتورة : 585 جنيه
رقم كبير الصراحة

وسالت على شويت accessories
فرش العربية الاصلى الاسود ضهر جلد ووش قماش 500 جنيه
الغطاء الخارجى للسيارة 250 جنيه
صورته اهى

وفى النهاية

السلام ختام

**faroukahafeez** · 12-03-2009 12:41 AM

فعلاً الرقم اللى دفعتة كبير على صيانة 10 الف كيلو على كدة صيانة 20 الف اللى هتزود عليها تغير فلتر هواء وبوجيهات هتكون بكام ؟

الشكوى دية سمعتها كثير من فرع العباسية صحيح فية فنيين كويسين بس نتيجة الزحمة الحاجة بتتعمل اى كلام

يا ترى حد فكر يعمل صيانة فى فرع التجمع الخامس ان عديت عليه من اسبوع كنت بشوف الاكسسوارات وكان الفرع فاضى بس معرفش الفنيين عاملين ازاى
لو حد عندة فكرة يا ريت يفيدنا