الموضوع: تغيير الزيت لعربيتى التيجو

المشاركة الأصلية كتبت بواسطة borio1704

تغيير الزيت دايما بيكون حسب توصيات الكتالوج بتاع العربية.. مش بمزاجنا ولا بالآراء ولا بالتجارب ولا بأي حاجة من الحاجات دي..

باختصار الكتالوج بيقول على مواصفات محددة تكون موجودة في الزيت (مستوى جودة + لزوجة) .. واحنا نشتري أي زيت من أي ماركة بشرط يحقق طلبات الكتالوج.. لإن صانع السيارة هو أدرى واحد بأفضل شيء ليها.

يبقى المفروض حضرتك تمشي على الكتالوج .. لو عايز تحافظ على عربيتك وفلوسك :)


بالنسبة للتيجو.. توصيات الكتالوج بتقول التالي:

مستوى جودة الزيت لا يقل عن API SJ
اللزوجة 10W-40 أو 5W-40 فقط


للأسف الزيوت اللي توفي الطلبات دي في السوق المصري إما نصف تخليقية أو تخليقية بالكامل (بالبلدي كده زيوت 10 آلاف)..


حسب معلوماتي .. الزيوت اللي توفي الطلبات دي ومتاحة بسهولة في السوق وأسعارها معقولة هي:

كاسترول ماجناتك بلزوجة 10W-40
https://www.castrol.com/en_ae/arabia...-magnatec.html




شل هيليكس HX7 بلزوجة 10W-40
Shell Helix HX7 10W-40 | Shell Egypt


فيه زيوت تانية زي:

مانول ديفيندر بلزوجة 10W-40
https://www.mannolegypt.com/fb/p/ar/...-oil/defender/


زيوت ليكوي مولي عندهم أكتر من نوع ..


ده غير الزيوت التخليقية اللي بلزوجة 5W-40.. ودول كتير جدا...

يمكن أرخصهم موجود عند التعاون ومصر للبترول... وجودتهم لا تقل عن المستورد.. لإنهم مستوردين أصلا ومعبأين في مصر.

وتحت أمرك في أي سؤال..

بالتوفيق إن شاء الله


...

لو سمحت انا عربيتى تيجو 2017 والكتالوج مش مكتوب فيه حاجه عن الزيوت غير ان انا اتبع تعليمات الوكيل وانا حطيت كاسترول ايدج 5w40وبفكر المرة دي احط موتول 5w30ياريت حضرتك تفدني