سيريون1300-يارس1300-لانسر1300-اكسنت 1600

**monmonmon** · 07-11-2009 06:35 PM

المشاركة الأصلية كتبت بواسطة momopersona

طب ماهو انا حاطت اللانسر ااخر حاجة فى الموتور
وقصدى بال rpm العالى ان الred zone عند 6500 وصاحبى مشى عليه وفضل يقرص لحد 6500 الموتور قفش وباظ وغيره مع العلم ان كان معاه ناس بعربيات 1600 كانو بيقرصه زيه تقريبا وعادى ماحصلش حاجة ماهم غير سخزنة مثلا وخلاص مش الموتور يبوظ وهو تحت الred zone اذا الموتور ده مبالغين فى الred zone فيه المفروض يبئا عند 5500 مثلا او الموتور يفصل نفسه قبل كده لوحده مش يفضل معاه لrpm عالى وفى الاخر يبوظ

ما انا كنت عايز اعرف قفش ازاى؟؟

اصل انا جربت العجب فى كل العربيات اللى سوقتها حتى 850 سى سى و 1100 سى سى و مفيش ادنى مشكلة.. لكن مش معنى ان اللانسر 1300 تبقى مكنة تعبانه لأ طبعا لكن ممكن يكون عنده مشكلة فى التبريد او دورة التزييت غير كده مفيش مكنة فى الدنيا يحصلحا حاجه فى الحرق الا لنوعية صمامات معينه مينفعش معاها السرعة

لكن كل العربيات اللى بنتكلم فيها مفيش مشاكل من انك توصل لل red zone لان طبيعى المصنع مظبط الكونترول انه يعمل cutoff للبنزين عن المكنة عند قيمة معينه لحد ما سرعتها تقل

انا اشتغلت فى ابحاث على مكنة فورد موديل 1950 طبعا كربراتير و بتجيب 6800 rpm واكتر فى القياسات و حالتها زى الزفت (شنابر و كبس ضايعين.. ) و مفيش اى مشاكل نهائيا على السرعات العالية لان التبريد تمام و دورة الزيت شغاله صح

**momopersona** · 08-11-2009 08:42 AM

مفيش مكنة فى الدنيا يحصلحا حاجه فى الحرق الا لنوعية صمامات معينه مينفعش معاها السرعة ؟؟؟؟؟؟؟؟؟؟؟
انت متأكد من المعلومة دى ؟؟؟؟؟؟؟
على العموم الموتور ساح عنده وولع بس فضب يقسم مدة على الاول
وغير موتور بموتور 1500 بتاع الشارك وبيعمل فيه البدع وماشاء الله العربية سحبها احسن من عربيات 1600 كتير

**حماده المصري** · 08-11-2009 03:27 PM

نعومه وطول عمر معليهومش كلام نهائي بس مش عمر افتراضي طويل قوي يعنى

انما ثبات مستحيل عمر ما في ياريس او كورولا قديمه سدت معايا في ملف حتى مش في غرزه كله بيهدي وبطريقه بشعه

**monmonmon** · 08-11-2009 07:02 PM

المشاركة الأصلية كتبت بواسطة حماده المصري

نعومه وطول عمر معليهومش كلام نهائي بس مش عمر افتراضي طويل قوي يعنى

انما ثبات مستحيل عمر ما في ياريس او كورولا قديمه سدت معايا في ملف حتى مش في غرزه كله بيهدي وبطريقه بشعه

كلامك صح 100*100

**momopersona** · 09-11-2009 08:45 AM

ده الكلام ده على النيو اكسنت ؟؟؟!!!!!!
لو كده انا ليا واحد صحبى عندهم غالبية العربيات الهيونداى
بيهزر ويئولى عمو بتاع الستابيليتى مازارش هيونداى لسة
ولا فيرنا ولا اكسنت ولا حتى النترا وهو عندهم ال 3 عربيات وعندهم الكرولا الجديدة

**حماده المصري** · 09-11-2009 01:37 PM

لالا متخافش عمو ستابيلتي زار الالنترا من 2004 ممشيش لحد دلوقتي

وعامل زياره معقوله برضو للنيو اكسنت

**momopersona** · 10-11-2009 07:27 AM

لالا مش مصدقك عشان انا سوقتهم وعارفهم كويس الالنترا معقولة يعنى بس الباور بتاعها خفيف زيادة عن اللزوم ومع اول بلاعة بيلف فى ايدك واللى مكره الواد فى العربية المساعدين الخلفية مجنناه واحد يركب ورا يمشى يحك فى الارض
والاكسنت ااخرها 100 120 وبعد كده بلاش احسنلك
صحيح ارحم شوية من الفيرنا بس برده لا تقارن بالعربيات اللى مش هيونداى

**monmonmon** · 10-11-2009 04:47 PM

المشاركة الأصلية كتبت بواسطة momopersona

لالا مش مصدقك عشان انا سوقتهم وعارفهم كويس الالنترا معقولة يعنى بس الباور بتاعها خفيف زيادة عن اللزوم ومع اول بلاعة بيلف فى ايدك واللى مكره الواد فى العربية المساعدين الخلفية مجنناه واحد يركب ورا يمشى يحك فى الارض
والاكسنت ااخرها 100 120 وبعد كده بلاش احسنلك
صحيح ارحم شوية من الفيرنا بس برده لا تقارن بالعربيات اللى مش هيونداى

طيب بتتكلم عن ايه بالظبط ايه اللى دخل ان العربية تحك فى الثبات!!

و ايه اعلى سرعة اخدت بيها غرزة بعربيتك.. و الغرزة مش يعنى امشى على طريق سريع و اجى من اليمين للشمال و من الشمال لليمين

غرزه يعنى تخطف الدريكسيون شمال و يمين و تعدى بين عربيتين مسطره حتى لو المسافة يا دووووب تاخدك

لو جربت الكلام ده بعربيتك قولى و ايه اقصى سرعة عملت بيها غرزه و انت مطمن علشان اعرف الاستابيلتى ايه فى وجه نظرك لان كل واحد له وجهة نظر و تفكير مختلف

بس يا ريت غرز فى وسط الزحمة و العربيات مش طريق سريع

انا مش هقول ان واحد صاحبى معاه كورولا الجيل السابق و معاه سيفيك 92 ..140 حصان و لما ركب الماتريكس قالى ايه.. و كمان بيقول ايه على الكورولا فى الاستابيليتى

انا عندى شويه فيديوهات بالماتريكس هتشوف الغرز و السرعة و الشد مع السيفيك ال 140 حصان و اتأكد من الاستابليتى بنفسك و طبعا سيبك من الفيرنا لانها لا تقارن بأى عربية تانيه و ثبات ال i10 زيها او افضل

و هسألك سؤال اخير
ايه رأيك ماتريكس و لا لانوس
اولا من ناحية الثبات؟؟
ثانيا تسارع و مكنة؟؟

يا ريت ترد على لو تحب النقاش

**momopersona** · 10-11-2009 09:39 PM

اكيد الماتريكس ليه ؟؟؟؟؟؟؟

**slim_shika** · 11-11-2009 09:27 PM

- العفشة :
أ -من حيث الراحة :
ياريس
لانسر
سيريون
اكسنت

ب-من حيث الثبات :
سيريون
لانسر
اكسنت
ياريس

-الموتور:
اكسنت
سيريون
ياريس
لانسر

-الاعتمادية:
لانسر
سيريون
ياريس
اكسنت
الياباني غني عن التعريف، بعديه الكوري على طول.

-المساحة الداخليه:
سيريون
ياريس
لانسر
اكسنت

-قطع الغيار:
أ -من حيث الانتشار:
لانسر
اكسنت
ياريس
سيريون

ب- من حيث الأسعار:
(مش هافتي)

من الأخر مفيش عربية كاملة،و كل عربية فيها ميزة معينة ، و كل واحد بيدور على إللي يناسبه هو، و على فكرة أنا مش بمدح فالسيريون علشان هي معايا بس هي فعلاً أوسع عربية فالمقارنة، لما جيت اشتري زيرو كنت بدور أهم حاجة على بلد التقفيل يعني ياباني تقفيل ياباني أو كوري تقفيل كوري، ثانياً الوسع الداخلي ثالثاً قلة الإنتشار (مش عايز اركب عربية منتشرة لدرجة اني أحس انها بتتوزع ببلاش ) مش هاتكلم عن الوكيل، عبد اللطيف جميل و توكيل أبو رواش هما اللي بيتكلمو.
و علشان كدة أنا فضلت السيريون.

الموضوع: سيريون1300-يارس1300-لانسر1300-اكسنت 1600

LinkBack

أدوات الموضوع

عرض

-

-

-

-

-

المواضيع المتشابهه

نيو اكسنت اوتوماتيك ولا سيريون1300 اتوماتيك؟

نيو اكسنت 1600 منيوال جديدة ولا لانسر1300 منيوال 2007 مستعمل

لانسر1300 ولا ياريس1300 ولا سيتي1300 ولا سيريون1300

ياجماعة يارت حد يفدنى انا محتار بين التيوتا يارس1300 سى سى والكيا سيراتو1600سى سى

ياجماعة يارت حد يفدنى انا محتار بين التيوتا يارس1300 سى سى والكيا سيراتو1600سى سى

الكلمات الدلالية لهذا الموضوع

المفضلات

المفضلات

ضوابط المشاركة