لقد خالفتم قاعده رقم 13 من قواعد وقوانين المنتدي
وبناء عليه فقد حصلتم علي تحذير
مشرف عام 3
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
ايه اللي بيحصل ده
ايه الهيستيريا دي ......
كل ما افتح اي اذاعة او تلفزيون محلي او فضائي الاقي الناس عمالة تشتم في الجزائر
حتى اعلانات الشوارع بقت دعوة للفتك بكل ماهو جزائري
حتى نايل موتورز بقي ساحة للشتم والسب والقذف ضد الجزائر
......
انا طبعا دمي اتحرق زي اي مصري من اللي سمعته وقرأته في الخرطوم والجزائر
لكن احنا كدة بنلطش ..... عمالين نقول كلام هيستيري بيخلي كل الناس الل يسمعوه يجزم باننا الجانب المخطئ ...
الاسلوب غاية في الفظاظة والسوقية والهمجية والعصبية .... حتى في القنوات الرسمية التلفزيونية كل مذيع يتبارى في إظهار قلة ادبة على الهواء
.....
المفروض اننا شعب متحضر ..... 7000 سنة حضارة .... يعني حتى لما نعادي ناس يكون اسلوبنا افضل من كدة ...... احنا كدة مش بنضرهم ...احنا بنضر نفسنا ونشوه سمعتنا ..... وهما اللي بيكسبو تعاطف العالم كله بكلامنا المنفعل الهيستيري ....
.....
انا بصراحة مستغرب جدا من اللهجة دي ...... كأننا بنتخانق في خمارة ......
وللاسف الحكومة عرفت تستغل الموقف علشان كل الاصوات المعارضة تسكت ..... وتبقى الحكومة هي اللي زي الفل وماعندهاش مشاكل وكله تمام ....
وسحب السفير للتشاور ..... دي محصلتش لما اسرائيل كانت بتدبح الاطفال في غزة ..... ساعتها الحكومة رفضت سحب السفير المصري ....لكن دلوقت طبعا لازم تركب الموجة
.....
من آيات المنافق انه إذا خاصم فجر ....... هو احنا شعب منافق ولا إيه ؟؟؟؟؟؟
وبعدين احنا الاعلام بتاعنا اعلام كله محلي .... مش بيخاطب غير المصريين .... يعني كل اللي بنقوله ده مالوش تأثير غير فينا إحنا وبس ..... لكن تأثيره في باقي الشعوب يكاد يكون عكسي ..... الشعوب والناس كلها متيقنين تماما ان الخلاف بسبب نتيجة مباراة كورة ....
وكل ده بسبب اسلوبنا المندفع الهيستيري الأحمق ... زي بالظبط الحملات الاعلامية الرهيبة ايام صفر المونديال ...... كنا بنكلم نفسنا ... لكن ماحدش سامعنا خارج حدودنا
......
من المنطق ان نسأل نفسنا سؤال مهم .... الجزائر غلطانين من ساسهم لراسهم ......لكن هل احنا مش غلطانين خالص ؟؟؟؟؟؟
لأ بقى احنا كمان غلطانين ......
احنا عملنا شحن جماهيري غير مسبوق بقنواتنا الفضائية وألسنة اشباه المذيعين السليطة والتي لا يملك اصحابها اي تأهيل اعلامي غير انهم كانو لعيبة كوووورة شراب .....وربنا كرمهم ومسكو مكروفون ....ولكن لجهلهم كانو غير مكترثين أنهم بيتكلمو في فضائيات العالم كله بيسمعهم ..... وبالتالي كسبنا عداء الملايين وكراهيتهم ..... ده حتى السودان احتجو لدى السفير المصري على الاتهامات الموجهه ضدهم من الاعلام المصري ..... يعني بمنتهى الغباء خسرنا الطرف المحايد الوحيد اللي كان ممكن يكون في صفنا في الفيفا ...... ذكاء خارق
اذا كان الجزائريين شعب عنيف ودموي ومتهور ومتعصب ..... فنحن شعب واعلام سليط اللسان لا نحترم شعور الآخرين ......
وهل الجمهور الجزائري لم يتعرض للضرب في القاهرة بعد المباراة ؟؟؟؟؟؟.... لأ انضربو وحصل اصابات اعترفت بها وزارة الصحة المصرية ....... لو كانت السلطات المصرية ذكرت الحقائق واعتذرت عنها ..... كان الامر اختلف .... لكنهم بتعتيمهم اعطو الفرصة لصحف الجزائر الصفراء للمبالغة وشحن الشعب الجزائري بالكامل ضدنا لأهداف دنيئة .....
وفي الآخر كل حكومة مبسوطة من اللي بيحصل وراكبة الموجة لكسب تعاطف شعبها ... في البلدين .... واحد عاوز يجيب ابنه والتاني عاوز يجيب أخوه ..... وكلنا في الهم شرق
....
مافيش حد وهو بيشتم 30 مليون مسلم فكر اننا في العشر الاوائل من ذي الحجة التي يعد العمل الصالح فيها خير من الجهاد ؟؟؟؟؟
ماحدش فكر ان الشتيمة اللي حاططها في توقيعة بتمس 30 مليون مسلم ...... يعني كم مهول من الذنوب في هذه الايام الكريمة
.....
انا كنت مش ناوي اكتب في الموضوع ده .... لكن مش قادر .... ح اطق من الغيظ وانا شايف ابناء بلدي بيلطشو و يطبشو وفي الآخر بيضرو نفسهم ويفيدو خصمهم ....... زي الدبة اللي قتلت صاحبها علشان تحميه من لدغة النحلة
فيه اساليب اكثر احتراما ممكن نقول بيها اللي احنا عاوزينة ...... بدل ما نكسب سخرية العالم وكراهيتهم ..... كان ممكن العالم كله يتعاطف معانا .... لكن احنا مش بنتعلم ....
ما حدش من البهوات الأذكياء فكر ان البعثة المصرية تصور المباراة ولو بكاميرا واحدة وتركز على تصرفات الجمهور الجزائري ؟؟؟؟ برغم من وجود ارهاصات تشير الي نيتهم المبيته ..
ماحدش من المسئولين فكر يضع كاميرات في اتوبيسات الفريق الجزائري في القاهرة .....
ما حدش فكر غير في العويل والولوله والسب والشتيمة ......
ونيجي في الآخر نقول نسحب الاستثمارات المصرية من الجزائر .... انا في حياتي لم أر مثل هذا الغباء ....
يعني شركة زي اوراسكوم دافعة للجزائر مليارات علشان تاخد امتياز الشكة بتاعت المحمول هناك .... تيجي بكل بساطة وتتنزل عن المليارات دي وتقولهم سلام عليكم .... ويروحو هما بايعين حق استغلال الشبكة لشركة تانية بمليارات تاني ..... يبقى مين الكسبن ومين الخاسر
الشركات المصرية في الجزائر ذهبت هناك بهدف الربح مش علشان الوحدة والقومية العربية .... يعني لما يمشو الجزائر مش ح تغرق في غيابات الجهل والظلام و يقعدو يقولو ياريتهم ما مشيو .....بالعكس الشركات دي هي اللي ح تخسر مش الجزائر .... الجزائر ح تجيب 100 شركة غيرها تعمل نفس الشغل اللي كانت بتعمله
....
الكلمة أمانة ..... وستحاسب عنها ... لك او عليك
اتقوا الله احنا مسلمين وبلاش تنساقو ورا الاعلام المصري .... دول ناس جهلة ....
...
...
انا بطبعي عندما ارى تصرف لا يعجبني ولا استطيع ان أغيره .... بأمشي من المكان بهدوء
وانا دخلت هذا المنتدى وتمسكت به لمدة سنتين لأني وجدته مكان محترم واعضاءه اغلبهم محترمين
انا بأعلن تعليق مشاركاتي في المنتدى لحين عودة الاحترام للمشاركات والتوقيعات مثلما كانت ....
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 11537
تاريخ التسجيل : 25May2008
المشاركات : 243
النوع : ذكر
الاقامة : مصر
السيارة: Elantra 2010
السيارة[2]: nubira 1997
الحالة :
لقد خالفتم قاعده رقم 13 من قواعد وقوانين المنتدي
وبناء عليه فقد حصلتم علي تحذير
مشرف عام 3
رقم العضوية : 23085
تاريخ التسجيل : 24Oct2008
المشاركات : 27,771
النوع : ذكر
الاقامة : Giza
السيارة: لايوجد حالياً
السيارة[2]: Opel Vectra A Sport 2.0L M/T
دراجة بخارية: هوندا 1000
الحالة :
امال عايز الرد ازاى
معلش المره دى و متعملوهاش تانى يا وحشين
لا اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتكلو أن ابن آدم هرب من رزقه كما يهرب من الموت لأدركه رزقه كما يدركه الموتمحمد الطنانى
رقم العضوية : 772
تاريخ التسجيل : 24May2007
المشاركات : 2,655
النوع : ذكر
الاقامة : Alexandria
السيارة: Polo 1999 & Elantra 2012
السيارة[2]: Fiat 127
الحالة :
عندك حق يا حاج أحمد
متضامن معك و لو أني لا أقارن بك
رقم العضوية : 29575
تاريخ التسجيل : 09Jan2009
المشاركات : 5,234
النوع : ذكر
الاقامة : Ismailia city & heliopolis
السيارة: daewoo juliet 2003
السيارة[2]: proton persona m/t
الحالة :
انا شايف ان دا اقل حاجة تتعمل للجزائر
[rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]
You 're beautiful , Its true
رقم العضوية : 254
تاريخ التسجيل : 26Apr2007
المشاركات : 1,076
النوع : ذكر
الاقامة : Egypt/KSA
السيارة: -
السيارة[2]: Yaris 2006 A/T
دراجة بخارية: no
الحالة :
فعلا بقت حاجة تقرف ... صدق اللى قال علينا اننا شعب تجمعه طبلة وتفرقة عصا... حسبي الله ونعم الوكيل في ثالوث الفتنه والتهويل مدحت شلبي وشوبير ومصطفى عبده أضف إليهم إبراهيم حجازي، خالد الغندور وعمرو أديب.
وتحية من القلب لعقلاء هذه الأمة.. حمدي قنديل، فاروق جويدة، سلامة أحمد سلامة، محمود سعد وغيرهم كثيرون. فعلا هؤلاء من يحبون وطننهم بصدق، هؤلاء من نأوا بأنفسم عن السير في ركاب الفتنة البغيضة والحقيرة المفتعلة من لا شيء .. يا جماعة والله لو كما تدعون أن الجزائرين همج فنحن أكثر همجية. ارجعوا لعقلكم أو بالأحرى إرجعوا لدينكم .. اللى بيحصل دا لا يرضي الله ورسوله أبدا.. بقى هو دا سلوك أمة محمد!!!!!!!!!!!!!! ردوا الإساءة بالإحسان كما علمنا رسولنا الكريم. وارجعوا لقوله تعالى: خذ العفو وأمر بالعرف وأعرض عن الجاهلين ...
دا كلام الله ورسوله ... فهل لمؤمن عاقل أن يعترض على هذا الكلام؟!!!!!
ربنا يهدينا ويهديكم
[img2]http://img24.imageshack.us/img24/3706/brd3i.png[/img2]
رقم العضوية : 29287
تاريخ التسجيل : 05Jan2009
المشاركات : 2,786
الاقامة : cairo .. Maadi
السيارة: mitsubishi lancer 08 SAM
السيارة[2]: toyota corolla 09 advanced
الحالة :
احب اعرف رأى الاستاذ محمود موتوريزر فى الموضوع دة لانه كان هناك .. و هو اكتر واحد ممكن يحكم لانه كان هناك فى السودان ..
الناس الراحت بتقول انتوا مشفتوش حاجة .. و ان كل الاحنا عمالين نقوله فى مصر .. ولا حاجة جنب الحصلهم هناك ..
الناس الراحت هناك بتشتم فيهم اكتر مننا .. من الويل الشافوه .. الناس الراحت هناك دى شافت الموت قدام عنيها ..
فاظن دة اقل رد يردوا بيه
رقم العضوية : 442
تاريخ التسجيل : 03May2007
المشاركات : 3,648
النوع : ذكر
الاقامة : Egypt
السيارة: 127 & 128
السيارة[2]: Logan 2010 FO
دراجة بخارية: none
الحالة :
يوتوبيـــا
The only alternative to coexistence is codestruction - Nehru
رقم العضوية : 44725
تاريخ التسجيل : 10Aug2009
المشاركات : 5,325
النوع : ذكر
الاقامة : Triumph Sq. - Heliopolis
السيارة: لا يوجد
السيارة[2]: MEGANE EXTREME 2008
الحالة :
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
انا احد اصحاب التوقيعات اللي بتقول عليها يا حاج احمد
للأسف
حتى لو اللي باعمله غلط
ماعدش عندي غير الغلط ده اعمله
لا الصح هايجيب نتنيجة
ولا الغلط كمان
بس الغلط ده فش غلي
اعتبره هوهوة ....بس احسن ما اموت ساكت
المفضلات