الاول بعلن وباكد احترامي لاخونا العضو احمد او الحاج احمد كما قال البعض وللاسف الشديد لم تسمح الظزروف بان اتعرف به شخصيا لكن ما دام الاخوة الاعضاء اللى يعرفوه اجمعوا على احترامه اذا هم شخصية جديرة بالاحترام لكن يا اخي يعرف الرجال بالحق ولا يعرف الحق بالرجال واسمح لي اختلف معاك في كتير من كلامك وهاقتبس كلامك وارد عليه
المشاركة الأصلية كتبت بواسطة aif
ايه اللي بيحصل ده
ايه الهيستيريا دي ......
حضرتك عايز تشوف الهستيريا بجد ادخل جرايدهم زي الشروق والفجر والهدف والخبر وانت تعرف يعني ايه كلمة هستيريا اللى بيحصل عندنا لا يتجاوز واحد في المليون من اللى بيحصل منهم
الاسلوب غاية في الفظاظة والسوقية والهمجية والعصبية .... حتى في القنوات الرسمية التلفزيونية كل مذيع يتبارى في إظهار قلة ادبة على الهواء
حضرتك بردو الى بيحصل هنا ده رد فعل مش اكتر لليبيحصل منهم وشوف هما يبقولوا ايه عن المصريين كلهم بدون ما يقولوا بعض او قلة لا بيعمموا حكمهم على كل المصريين وهعمل موضوع منفصل اكتب لك فيه بعض ما قالوه وليبس كل ما قالوه علشنا تعرف الهستيريا فين والهمجية ولاسوقية وقلة الادب
المفروض اننا شعب متحضر ..... 7000 سنة حضارة .... يعني حتى لما نعادي ناس يكون اسلوبنا افضل من كدة ......
يعني هو علشان ابقي متحضر ولا عندي حضارة 7 الاف سنة لازم اخد على قفايا كل مرة واسكت للصبر حدود يا حاج احمد والدين بيقول اننا لا نقبل بالدنيا لا في ديننا ولا في اي شء اخر والحضارة اتبنت بالقوة وليس بالضعف والذلة والمسكنة وتقبل الاهانات
وللاسف الحكومة عرفت تستغل الموقف علشان كل الاصوات المعارضة تسكت ..... وتبقى الحكومة هي اللي زي الفل وماعندهاش مشاكل وكله تمام ....
وسحب السفير للتشاور ..... دي محصلتش لما اسرائيل كانت بتدبح الاطفال في غزة ..... ساعتها الحكومة رفضت سحب السفير المصري ....لكن دلوقت طبعا لازم تركب الموجة
.....
هو كل حاجة حضرتك لازم نرميها على الحكومة ؟ هي لاحكومة اللى قالت للجزائريين يعتبروا الفوز في ماتش مسالة حياة او موت ؟ هي لاحكومة اللى قالت لهم يشحنوا الصيع والبلطجية في طيارات حربية ؟. هي لاحكومة اللى قالت لهم يسلحوا الجماهير بالسلاح الابيض ؟. هي الحكومة الى ارسلت 3 الاف جندي في زي مدني علشان يعتدوا على المصريين ؟ هي الحكومة اللى قالت لهم اشتموا كل مصري وامسح كل تاريخ مصر وحولوا كل مصر لشعب رقاصات وطبالين
وبعدين يا سيدي مصر كانت ساحبة السفير لسنوات من اسرائيل ولو سحبتها وسط حرب غزة كانت احوال الفلسطينيين هاتبقي اسوا
وبعدين يا سيدي ما الفلسطينيين دول اللى اتهونا اننا بنقتلهم
وبعدين هات لي دولة عربية ساعدت بجد بعيد عن الميكروفونات الفلسطينيين زي ما احنا عملنا ولا دولة خسرت اد ما احنا خسرنا وعلشان ايه في النهاية علشان ناس كل شوية تشتمنا اكتر ما بيشتموا اليهود؟ يبقوا يتفقوا الاول علشان نعرف نتكلم مع حد منهم
من آيات المنافق انه إذا خاصم فجر ....... هو احنا شعب منافق ولا إيه ؟؟؟؟؟؟
من المنطق ان نسأل نفسنا سؤال مهم .... الجزائر غلطانين من ساسهم لراسهم ......لكن هل احنا مش غلطانين خالص ؟؟؟؟؟؟
لأ بقى احنا كمان غلطانين ......
احنا عملنا شحن جماهيري غير مسبوق بقنواتنا الفضائية وألسنة اشباه المذيعين السليطة .....
ده حتى السودان احتجو لدى السفير المصري على الاتهامات الموجهه ضدهم من الاعلام المصري ..... يعني بمنتهى الغباء خسرنا الطرف المحايد الوحيد اللي كان ممكن يكون في صفنا في الفيفا
لا يا حاج احمد احنا مش شعب فاجر ولا منافق ومتهيالي عيب لما توصفنا باننا كدة سيبت ايه للجزائريين يوصفونا بيه تاني
وسودان ايه ي اللى تجتج كانوا قدروا يحموا الجماهير عندهم الاول وبعدين يتكلموا والخارجية السودانية مش اصدق عندي من المئات اللى كانوا هناك وقالوا انهم اتعرضوا لاعتداءات عنيفة
اذا كان الجزائريين شعب عنيف ودموي ومتهور ومتعصب ..... فنحن شعب واعلام سليط اللسان لا نحترم شعور الآخرين ......
وهل الجمهور الجزائري لم يتعرض للضرب في القاهرة بعد المباراة ؟؟؟؟؟؟.... لأ انضربو وحصل اصابات اعترفت بها وزارة الصحة المصرية ....... لو كانت السلطات المصرية ذكرت الحقائق واعتذرت عنها ..... كان الامر اختلف .... لكنهم بتعتيمهم اعطو الفرصة لصحف الجزائر الصفراء للمبالغة وشحن الشعب الجزائري بالكامل ضدنا لأهداف دنيئة .....
وفي الآخر كل حكومة مبسوطة من اللي بيحصل وراكبة الموجة لكسب تعاطف شعبها ... في البلدين .... واحد عاوز يجيب ابنه والتاني عاوز يجيب أخوه ..... وكلنا في الهم شرق
لتاني مرة بكرر يا حاج احمد عيب لما تقول اننا شعب سليط اللسان وللمرة التانية بقول عيب
احنا شعب محترم جدا والسفلة الللى مش محترمين هما اللى بنت منهم بتقف تدرع وسط الاستاد للجماهير علشان تستفزهم واللى بيمشوا بالباص وسط الشارع يشاوروا للجماهير بصوابعهم علشان يستفزوهم فالجمهور يرد ويقولوا انضربنا وانا شفتهم بنفسي في شارع الهرم وهما بيشاوروا بصوابعهم للناس اللى في الشارع وانا كنت واحد منهم لكن اكتفيت باني تفيت عليهم وانا في عربيتي ومشيت
وبعدين اصابات ايه اللى بتقول عليها هما لما نزلوا من الباصات في شارع الهرم احتكوا بالناس في الشارع واتخانقوا معاهم اتعور منهم 12 ومننا 20 يعني خناقة عادية مش زي ما هما كانوا عاملين وباعتين صيع وعساكر بسلاح ابيض
واللى عمل التصالات على الهوا كان ابقراهيم حجازي وده من اكتر الناس احتراما وفي اول كلامه قال بهنا الجزائر وهشجعها في كاس العالم لكن فوجئ بالناس بيتصلوا بيقولوا الحقنا بننضرب ومش عارفين نرجع بلدنا فاضطر يستقبل المكالمات وراجع مقالات ابراهيم حجازي في الاهرام وانت تعرف هو ايه قبل ما تهاجمه
مافيش حد وهو بيشتم 30 مليون مسلم فكر اننا في العشر الاوائل من ذي الحجة التي يعد العمل الصالح فيها خير من الجهاد ؟؟؟؟؟
ماحدش فكر ان الشتيمة اللي حاططها في توقيعة بتمس 30 مليون مسلم ...... يعني كم مهول من الذنوب في هذه الايام الكريمة
ونيجي في الآخر نقول نسحب الاستثمارات المصرية من الجزائر .... انا في حياتي لم أر مثل هذا الغباء ....
يعني شركة زي اوراسكوم دافعة للجزائر مليارات علشان تاخد امتياز الشكة بتاعت المحمول هناك .... تيجي بكل بساطة وتتنزل عن المليارات دي وتقولهم سلام عليكم .... ويروحو هما بايعين حق استغلال الشبكة لشركة تانية بمليارات تاني ..... يبقى مين الكسبن ومين الخاسر
يا سيدي وهما مفكروش انهم بيشتموا ويسبوا 80 مليون مسلم ليه ادخل على مواقعه شوف بيقولوا علينا ايه الاول وبعدين ابقي قول اننا بنغلط
وبعدين الاستثمارات اللى بتقول عليها متهمنيش في حاجة لان الاتصالات بتاعة ساويرس وبكرر بتاعة ساويرس مش بتاعة مصر بيشتغل فيها 4000 جزايرير و25 مصري والافندي لما كسروا له المركز الرئيسي بعت لهم يقولهم انه بيشجع المنتخب الجزائري وبيرعاه من 7 سنين وحتي مكاسبه من الشبكة مش بتيجي لمصر يبقي ميفرقش معايا في حاجة
اما المقاولين فالمشاريع بدات فيها في وقت مكانتش شركة تجرا فيه انها تستثمر في الجزائر لانها بدات ايام الحرب الاهلية اللى كانت عندهم يعني مش منة منهم ولا بقشيش لا لانهم مالقوش حد يرضي يعمل عندهم اي مشروع
انا بأعلن تعليق مشاركاتي في المنتدى لحين عودة الاحترام للمشاركات والتوقيعات مثلما كانت ....
يعني انت شايف ان ده الحل انك لما تلاقي حد يختلف معاك وبالراي مش بالضرب زي ما هما عملوا تسيب المكان وتمشي عامة يا سيدي احنا مش عايزينك تمشي وبرغم ان كلامك مش عاجبني الا انك انت كشخص فوق عيني وراسي ومش هنخسر بعض علشان الكورة او علشان خاطر الجزائريين
المفضلات