عفشة السيراتو ناشفه, الحل؟

**CBuilder** · 06-04-2010 07:49 PM

السلام عليكم

طبعا كلنا عارفين ان عافشة السيراتو نافشه حبيتين, هما تلات حبات الحقيقه مش حبيتين بس

اول ماجبت العربيه ناس قالولي حبه و العفشه هتطرى شويه, جبت 3000 دلوقتي و لسه ناشفه, المهم ولاد الحلال قالولي انهم يعرفو واحد معاه سيراتو و نفخ نايتروجين و من ساعتها و هو بيشكر في العفشه و الحياه بامبي.

السؤال بقه, حد من اخواننا السيراتويه عمل الموضوع ده؟ هل فرق فعلا؟ و انفخ على كام؟

شكرا

**Romeo26222** · 06-04-2010 07:57 PM

مساء الخير..
مبدئيا نفخ النيتروجين كويس لكن مش هيعمل فرق قوي في موضوع العفشة لكن عن تجربتي ان العربيات بتبقي منفوخة علي 40 من المصنع ولما بتروح تملاها نيتروجين بيظبط الضغط علي 30 وهو المظبوط للعربية وبعدها بتحس بالفرق طبعا لكنة مش فرق النيتروجين لكنة فرق ضغط العجل..
راجع ضغط الاطارات عندك اولا عند حد كويس عندة عداد سليم وشوف بعدها ايه الاخبار..
ثانيا: عفشة ناشفة معناها حاجتين
1- عفشة heavy duty يعني تستحمل كويس ظروف الطريق
2- maximum stability وطبعا دا اهم حاجة في العربية خصوصا اذا كانت سريعة ورشيقة زي السيراتو..
اتمني اكون افدتك
م/رامي

**ابو ليلى** · 06-04-2010 07:59 PM

اكيد اكيد الى جى ورايا هيقلك لانى كمان محتاج اعرف وكمان الاماكن المشهورة فين

ادعى بس ان حد يخش ورايا

**timtim77** · 06-04-2010 08:10 PM

المشاركة الأصلية كتبت بواسطة abouleila

اكيد اكيد الى جى ورايا هيقلك لانى كمان محتاج اعرف وكمان الاماكن المشهورة فين

ادعى بس ان حد يخش ورايا

باشا ممكن تروح اشركه ارابكوم امام النادى الاهلى

**xShadow** · 06-04-2010 08:18 PM

والله يا سيدي هو هيفرق معاك فرء ملحوظ.. لأني مرة بعد مجبت العربية مل توكيل حسيت انها ناشفة أوي، إتضح انهم فضو العجل و حطو هوى بدل النتروجين إلي كنت حطو و لما نفخت تاني نيتروجين حسيت العربية رجعت طبيعي، إلي هو بسبب فرق ال نيتروجين إلي حطو.. هو عامةً مش فرق السما والأرض بس هيخليها أحسن مل أول..

و ضغط العجل المفروض يكون على 32 ، بلاش تقلل عن كدة عشان الكاوتش ميبظش.. متسمعش كلام إلي يقولك العفشة هتبقى تمام لو عملت 28 والكلام دة لأن هي فعلاً هتبقى أنعم بس الكاوتش هيبوظ بسرعة مع التضاريس المصرية المية المية

**ابو ليلى** · 06-04-2010 08:18 PM

المشاركة الأصلية كتبت بواسطة timtim77

باشا ممكن تروح اشركه ارابكوم امام النادى الاهلى

انت تقصد اهلى م نصر بس ده بعيد عليا انا من الهرم وشغلى فى الدقى شوف حاجه كده تكون قريبا منى وشكرا لتعبك معايا

**Mshawky** · 06-04-2010 08:19 PM

انا عامل الكاوتش كله نيتروجين والضغط كان على 28 واتزبط جدا بس فعلا احساسى اللى زبط العربيه هو تزبيط الضغط اكتر بس الصراحه انا اول ماجبتها نزلت الضغط من 40 ل 30 بس كان هوا ومفرقش قوى

لكن لما عملت نفس الضغط نيرتوجين العربيه نعمت احسن وحسيت ان سبحها بقا احسن برضه معرفش ليه تحس ان العربيه خفت وبتجرى

**Mshawky** · 06-04-2010 08:21 PM

المشاركة الأصلية كتبت بواسطة shadowdancer851

والله يا سيدي هو هيفرق معاك فرء ملحوظ.. لأني مرة بعد مجبت العربية مل توكيل حسيت انها ناشفة أوي، إتضح انهم فضو العجل و حطو هوى بدل النتروجين إلي كنت حطو و لما نفخت تاني نيتروجين حسيت العربية رجعت طبيعي، إلي هو بسبب فرق ال نيتروجين إلي حطو.. هو عامةً مش فرق السما والأرض بس هيخليها أحسن مل أول..

و ضغط العجل المفروض يكون على 32 ، بلاش تقلل عن كدة عشان الكاوتش ميبظش.. متسمعش كلام إلي يقولك العفشة هتبقى تمام لو عملت 28 والكلام دة لأن هي فعلاً هتبقى أنعم بس الكاوتش هيبوظ بسرعة مع التضاريس المصرية المية المية

ممكن يكون معاك حق واستهلاك البنزين بيزيد كمان بس انا عملته 30 دلوقتى كويس ولا ايه ؟

الموضوع: عفشة السيراتو ناشفه, الحل؟

LinkBack

أدوات الموضوع

عرض

-

-

-

المواضيع المتشابهه

عفشة السيراتو 2012

عفشة العربيه ناشفه

الحل فى عفشة لادا

عفشة السيراتو

عفشة السيراتو

الكلمات الدلالية لهذا الموضوع

المفضلات

المفضلات

ضوابط المشاركة