ما الفرق بين الفتيس ال DSG والفتيس ال steptronic

**goofy301** · 14-04-2010 11:07 PM

السلام عليكم......كنت عايز اعرف الفرق بين انواع الفتيس وايهما افضل اداء وشكراً

**horas3000** · 14-04-2010 11:22 PM

بص يا زعيم
باختصار و حسب معلوماتي المتواضعة

ال DSG هو فتيس اوتوماتيك لكن بيتميز انه ب 2 دبرياج
و اللي بيحصل ان الغيار الاعلي بيبقي جاهز فبل ما تنقل عليه و طبعا عملية النقل بتم بسرعة فائقة وفي اجزاء من الثانية و بكده مفيش اي فقدان للقوة و العزم و ده طبعا بيفيد في التسارع جدا

اما ال steptronic فهو فتيس اوتوماتيك عادي جدا و بدبرياج واحد عادي مع امكانية النقل اليدوي من قبل السائق يا اما من خلال عصا الجير نفسة او من خلال اذرع خلف او علي المقود.

الفرق بين الاتنين بيتمحور في ان ال DSG بينقل اسرع بكتيير و اسرع من اي سواق محترف و غير كده مفيش اي فقدان للطاقة و العزم زي ما قلنا علي عكس الفتيس المانيوال او ال Steptronic سواء كان في الوضع الاتوماتيك او المانيوال

اتمني تكون المعلومات واضحة و انا في الخدمة

**romeo_6887** · 15-04-2010 12:05 AM

اللي انا اعرفه ان الفتيس الاستيبترونيك اوتوماتيك و مانيوال مع بعض و كذلك فتيس ال mmt

**د.محمود صلاح** · 15-04-2010 04:14 PM

شكراً للمعلومة

**horas3000** · 15-04-2010 07:46 PM

المشاركة الأصلية كتبت بواسطة abou_ruqi

شكرا على أنهي معلومة ؟؟ الاتنين غلط

يا زعيم براحة شوية
هو ايه اللي غلط بس
الموضوع اللي حضرتك حاطط الرابط ليه بيتكلم عن حاجة تانية خالص و هي الفرق بين الايزي ترونيك (اللي في الاوبل و شبيهه ال MMT اللي في التويوتا) و بين التريبترونيك و مفيش حد جاب سيرة ال DSG الا في مشاركة استاذ محمد مختار و ادي اقتباس كلامة من المشاركة رقم 12

الفتيس الاستبترونك - تبترونك : فتيس اوتوماتك عادى خالص بس بيديك امكانيه تغير النقله فى الوقت اللى انت عايزه بس برده ليه حدود عشان ماتبوظش الفتيس
يعنى لو لقاك بتنقل على نقلة غلط مش هيسمحلك ولو لقاك بتقرص على النقله اوى وبقى فى خطوره هينقل لوحده

الجديد بقى عن الاتنين دول الفتيس DSG بتاع فولكس فاجن
يعنى الفتيس نفسه جواه ترسين
ترس انت ماشى عليه والترس التانى بيحضر للنقله اللى بعد كده
يعنى لو انت ماشى على الاول الترس التانى بيبقى مظبط نفسه على التانى
وفى الحظة المطلوبه الكمبيوتر بيدى امر للفتيس انه يشتغل على الترس التانى ويجهز الترس الاولانى على النقله اللى هتبقى مطلوبه بعد كده

وبكده النقله بقت بتاخد وقت قليل جدا جدا لو النقله فعلا طلعت هى المتوقعه بتوصل ل 8 ميللى ثاينة
يعنى ابقى قابلى لو حسيت بالنقلة
وغير كده تسارع مالوش حل

و الكلام مش دقيق قوي لكن قريب
و ادي تعريف ال DSG من ويكيبيديا

The Direct-Shift Gearbox (German: Direkt-Schalt-Getriebe), commonly abbreviated to DSG, is an electronically controlled dual clutch multiple-shaft manual gearbox, in a transaxle design - without a conventional clutch pedal,[4] and with full automatic, or semi-manual control

شايف مكتوب ايه dual clutch يعني 2 دبرياج زي ما انا قلت بالظبط بس بدون دواسة
و مكتوب انه يمكن التحكم فيه بشكل اوتوماتيكي او شبة يدوي يعني زي ما انا قلت برضة

اما التريبترونيك فمش شايف اي اختلاف بين كلامي و كلامه

فين الغلط بقي ؟؟؟؟