رجرجة في العربية بعد تغير سلك السرعة

**الصيداح** · 22-04-2010 01:18 AM

سلام الله عليكم

كنت بغير سلك السرعة وكان الكهربائي رافع العربية من قدام وبعد ما ركب السلك علشان يعرف إذا كان شغال ولا لأ يروح معشق الغيار الأول والعربية دايرة ويرفع الدبرياش كأني هتحرك ومن غير ما يضغط بنزين
بس العربية مرفوعة فالعجل يتحرك لكن برجرجة غريبة
ومن ساعتها العربية بحس برجرجة بسيطة أوي بس ملحوظة وخاصة لما بعشق الثاني وأمشي

ايه الحكاية وهل اللي عمله دع صح ولا غلط؟
هل أربط عفشة ولا ايه؟
السيارة رينو داتشيا97

وشكرا لكم

**romeo_6887** · 22-04-2010 02:10 AM

هو ايه سلك السرعه ده ؟ ميكونش سلك الاكسراتير ؟ بس دي بيتغير عند الميكانيكي سؤاء هو او سلك الدبرياج

**amrelsaqqa** · 22-04-2010 02:14 AM

قصدك سلك عداد السرعة اللى راكب في الفتيس صح ؟

**الصيداح** · 22-04-2010 02:16 AM

ايوة سلك عداد السرعة اللي بيركب في الفتيس
وهو ميكانيكي اللي ركبه مش كهربائي عفوا غلطة مطبعية

**amrelsaqqa** · 22-04-2010 02:24 AM

اللى عمله مفيهوش مشكلة

ربط عفشة كدة الاول وشوف

لأن لا المشى بالعربية وهى مرفوعة ولا تغيير واير السرعة يجيب رجرجة

شوف يا اما عفشة يا اما احتمال احتمال يكون عندك مشكلة في الدبرياج

ومن ساعتها العربية بحس برجرجة بسيطة أوي بس ملحوظة وخاصة لما بعشق الثاني وأمشي

انت بتتحرك بالعربية على التانى ولا ايه مش فاهم ؟
ماهو لو كدة يبقى الرجرجة في الطلوع على التانى طبيعية لأن التحرك على التانى غلط و لازم تطلع على الاول

ولا قصدك بعد ما تطلع على الاول وبعدين تجيب التانى ؟

**الصيداح** · 22-04-2010 02:28 AM

لأ أنا أقصد أني لما بطلع على التاني بيكون في رجرجة طبيعية بسبب الغيار الزائد عن السرعة لكن دي بتبقى أعلى من الطبيعية
بس هو مفيش مشكلة في الدبرياش
غالبا تربيط عفشة زي ما حضرتك قولت
والله أنا هربط العفشة وأخبركم لكن مفيش أي احتمال تاني مش كدة؟

**ambitious** · 29-04-2010 03:24 PM

هو ليه ساعات لما بطلع بالعربية بتكون ثقيلة قوى ومهما ادوس بنزين بحس ان العربية مش قادرة تمشي بس و بترجرج مني بس لما بضغط عليها شوية وأطلع بيها وأبدا اجيب الثالث والرابع بتبقي كويسة
ياتري دا عيب ايه( مع العلم ان سيارتي فيات اونو موديل 90 1500 سي سي

وشكرا