صوت رجرجة في العربية

**hazem_salem** · 30-10-2009 11:23 AM

رجالة الأوبل انا الأسبوع اللي فات رحت غيرت طقم دبرياج (ديسك-أسطوانة) عند عبد الله اوبل و ماشاء الله الناس زي الفل و ناس محترمة جدا المهم انا كنت جايب الطقم من سرور نوعة luk عشان كان في رجرجة كدة جامدة خصوصا في الأول و كانت بطول لازم تكبس بنزين و خليت الناس يفكوا الفتيس و ركبوا الحاجة و سألتهم على البلية لو عايزة تتغير قالولي البلية دي مابتتغيرش قلت ماشي المهم بعد ما ركبنا و تمام لسة بردة انا بحس برجرجة في العربية وانا طالع على الأول بس لازم ادوس سنة بنزين عشان تروح مش عارف ده له علاقة بالأسطوانة و الا ايه!
على فكرة الأسطوانة اللي كانت راكبة في العربية كانت gm و لما قارنت بينها و بين اللوك في فرق بالزات في الديسك يعني في ال gm بتلاقي الديسك متقسم 4 مقاطع بينهم سوستة كبيرة و جواها و احدة اصغر انا في اللوك هي سوستة واحدة كبيرة بس.
المهم نرجع لمرجوعنا
في ناس بتقولي الصوت ده كهربا عايزة تتظبط ايه رأيكم؟؟
ان شاء الله انا بفكر اروح بكرة عند مقار يكشف عليها و هاغير تيل خلفي بالمرة ياريت تقولولي رأيكم ممكن يكون من اية الصوت ده؟

**N.a.j.d** · 30-10-2009 12:57 PM

الصوت بيحصل امتا بزبط

**hazem_salem** · 30-10-2009 01:01 PM

المشاركة الأصلية كتبت بواسطة astradti

الصوت بيحصل امتا بزبط

الصوت ده بيحصل و انا جايب الغيار الأولاني و طالع من ثبات بس كدة و انا باشيل رجلي من على الدبرياج بسمع الصوت ده و العربية طالعة بس مابسمعوش على اي غيار تاني
كمان الصوت بيبان أكتر لو مشغل التكييف عشان بحتاج ادوس بنزين اكتر

**N.a.j.d** · 30-10-2009 01:06 PM

دي مشكله بليه والله اعلم بس معلش نستنى اراء الاخرين كمان

**nab!l** · 30-10-2009 02:46 PM

وليه مش تكون مشكلة كهربا فعلا ؟
الله اعلم

**N.a.j.d** · 30-10-2009 04:27 PM

مقدرش اقولك كهربا
لو كهربا روح افحص ع الكمبيوتر

**tananybasha** · 30-10-2009 11:48 PM

السلام عليكم
الراجل مش بيقول فيه ونه بيقول فيه رجة فى الطالعه
بس قبل ما اقول حاجة فى الموضوع ده ليا سؤال مهم
حالة الأسطوانه طلعت عامله ايه و الديسك كان عامل ايه
على اساس حالتهم اقدر اقلك و لو اللى فى بالى يبقى العملية سهله