عندي مشكلة في الدينامو او البطارية

**Karim_Monir** · 25-04-2010 03:18 PM

سلام عليكم
بعد ما عملت العملية العربية اتركنت 3 ايام من غير دوارة ورابع يوم زوجتي دورتها شوية
بعدها بيومين جيت نازل اروح للدكتور يغير الجرح مادارتش العربية
زقوها مادرتش مع ان 4 كانو بيزقوا
خدت توصيلة ودارت واخويا ساق ورحت للدكتور واحنا راجعين عديت على محل بطاريات اشوفها واشوف محتاجه تتغير
لان البطارية الاصلية بتاعت العربية يعني بقالي حوالي 34 شهر
السيارة كرولا 2007 1300 سي سي مانيوال والبطارية الاصلية الياباني 45 امبير سائلة
بتاع البطاريات قالي البطارية كويس وجهدها كويس بس مش بتتشحنش مش واصلها شحن من الدينامو لانها واقفة على 12.5 والمفروض كدة لما نزود بنزين تبقى 13.5 او 14
وهي واقفة على 12.5 ولازم تشوف الدينامو تكشف علية
طب انا عايز اعرف لو كان الدينامو فيه مشكلة كانت اتشحنت ازاي (بيقولي الدينامو بيشحن بسيط قوي قوي)مش مصدقة
المشوار من بيتي للدكتور حوالي 10 كم(في ميدان الجامع)حوالي نص ساعة بالعربية
وزيهم في الراجع
والبطارية اتشحنت ودورنا وطفينا كذا مرة

عايز اعرف المشكلة في البطارية ولا الدينامو
علما باني مركب جي ام وسماعاتين زيادة وDVD تاتش ودول بيستهلكو كهرباء اكتر و4 موديول زينون بس دو بيستهلكو اقل ووحدتين رفع وجهاز انذار 2way
عشان اللي يحكم يبقى عارف بطارية العربية متحمل عليها ايه بالظبط
ولو الدينامو فيه مشكلة هل هايكون كدة في الضمان
لان ضمان العربية 3 سنين او 100 الف كم وانا لسه 34 شهر
ولا ضمان الكهرباء سنة واحدة بس

**romeo_6887** · 25-04-2010 05:10 PM

اولا منور القسم و حمد لله علي السلامه
ثانيا مشكله حضرتك مشكله دينامو غالبا
و ممكن حضرتك تروح لاي كهربائي يكشفلك عليه
و بالمره اطمن علي الموبينه
و ان شاء الله خير
و العربيه بتاعتي بتتركن بالاسبوع
و بنزل ادورها و بتدور علي طول الحمد لله

**د.محمود صلاح** · 25-04-2010 06:10 PM

مش معقولة الدينامو يخرب في عربية موديل 2007 ,, المعقول هو تلف البطارية .

**Karim_Monir** · 25-04-2010 08:34 PM

المشاركة الأصلية كتبت بواسطة afterburner

فى جهاز كده بيحطه على كل ربع وفى عوامة لو العوامة طافية فى الاربع كلها يبقى البطاريه تمام واتأكد تانى من البطارية ومتدخلش فى حوار الدينامو ده دلوقتى

ماهو ده اللي مستغربلة بشدة
هو حط الجهاز في كل ربع وقاللي سليمة وقاس المية لاقاها قليلة خفيف في ربع واحد بس
وقاللي البطارية زي الفل وشاكك في الدينامو

اللي مخليني اعمل الموضوع ان العربية الكرولا دي قليلة الاعطار فعلا وغريبة عدم شحن دينامو وعمري ماسمعت عن العيب ده فيها

**mohamed_selim** · 25-04-2010 08:54 PM

انا عندى نفس الموضوع فى السيينا مو 2001
كنت مسافر اسبوعين و المدام طنشتها و جت بعد 10 ايام ما دارتش جه اخويا دورها زق و مشى بيها شوية و اتركنت يومين كمان و مدارتش بعدهم !!!

البطارية acdelco جافه بقالها حوالى سنتين
المؤشر عليها اسود (اشحن) بس بتاع البطاريات بيقولى لأ بايظه ... خليته حطها على الشاحن و لسه مش عارف هتقلب اخضر (تمام) ولا لأ

لو بايظه ممكن يكون فى حاجه فى الكهرباء بتبوظ البطاريه؟؟؟

كمان سؤال... فى بطاريات روكيت كورى ب 220 او فارتا المانى ب 360 (44 امبير) هل الفرق مستاهل خصوصا ان العربيه مودبل 2001 و جايز يكون فيها مشكلة فى الكهرباء؟

**midomizo** · 25-04-2010 09:46 PM

ملهاش حل بيع العربية :)

مفيش حد يجاوب عليا فى الموضوع دة بقا

http://www.nilemotors.net/Nile/144597-a.html

**Karim_Monir** · 25-04-2010 09:53 PM

l0new0lf كلامك على الخاص عن تاكل الشربون وارد جدا ومستغربة في عربية مشاوريها طوالي ودينامو ياباني بقالة 34 شهر واستعمال فعلا نضيف
لاني اعرف ان الدينامو بيعيش ب 10 سنين من غير ميتفتح لو صيانتة وسيورة مظبوطة

انا شوفت بطارية هانكوك كوري بالكامل 45 امبير ب 270 جنية تقريبا
وايجل تقريبا زيها كوري برضه
وال فارتا الماني تقفيل اتحاد اوروبي صربي او سلوفاكي او مجري ب 430 جنية نفس البطارية
هل فعلا الفرق يستاهل لانه الضع تقريبا

-

الموضوع: عندي مشكلة في الدينامو او البطارية

LinkBack

أدوات الموضوع

عرض

عندي مشكلة في الدينامو او البطارية - انشر الموضوع فى :

-

-

-

المواضيع المتشابهه

مشكله ايهما مذنب البطارية ام الدينامو

البطارية فيها مشكلة او الدينامو ياريت المساعدة

انا والله زهقت من البطارية ومن الدينامو

مشكلة في البطارية و خايف يكون الدينامو

هية الاضواء بتاخد كهربا من البطارية ولا الدينامو؟

الكلمات الدلالية لهذا الموضوع

المفضلات

المفضلات

ضوابط المشاركة