مشكله ايهما مذنب البطارية ام الدينامو

**aboharb** · 11-05-2011 03:07 AM

كل ما اسيب العربيه واجى ادورها الصبح الاقى البطارية مشطبه وطبعا العربيه مش راضيه تدور اروح اشحنها واسال بتاع البطاريات يقلى البطاريه حالته متوسطه وشغاله روح شوف الدينامو والبطاريه جافه ومؤشرها على الون الاسود اللى عايز شحن وبصراحه مش عارف ايه الحل نسيت صحيح العربيه هيونداى اكسيل

**abdoelshazly** · 11-05-2011 03:14 AM

على الاسود يعنى عاوز شحن ثانيا انت اكيد هتلاقى عندك الديناموا يأما بيشحن بزياده يأما مش بيشحن خالص المهم هتلاقى فيه مشكله

وغالبا حضرتك هتصلح الدينامو وهتغير البظاريه .. دا لان البطاريه ادام جابت العلامه السامره يبقى انساها اصل مشكله الجاف ف كدا

يأ ما تشتغل ميه ميه يأما تفصل خالص وميبقاش منها رجا وربنا يعملك اللى فيه الخير وان شاء الله بسيطه

**eslamspirit** · 11-05-2011 10:18 AM

ماهو حاجة من ثلاثة :
اما البطارية عمرها الافتراضي انتهي - بالمناسبة هي بقالها قد اية ؟؟؟
او الدينامو مش بيشحن كويس - و دة سهل يتكشف علية عند اي كهربائي او بالافوميتر
او ان فية تسريب او ماس في العربية و دة اللي بيفضي البطارية - لو مفبش مشكلة في الدينامو و البطارية

**mrghost** · 13-05-2011 10:40 PM

جرب تفصل كابل بالليل ووصله الصبح وشوف هتدور ولا لا لو دارت يبقى فى ماس او تهريب فى العربيه
لو نامت يبقى عيب بطاريه

**aboharb** · 14-05-2011 01:01 AM

اخيرا مسكت المذنب طلعت البطاريه بتتشحن وبتفقد الشحن حتى لو ما استخدمتش وعلامتها سوداء الا انها جابت اخرها وباظت وطبعا عرفت ده بعد ما شحنها ودورت دارت العربيه قلت تمام رحت مبطل وشلت الطرف السالب جيت ادور الصبح قلتلى فى المشمش المهم رحت اختبرت خرج الدينامو طلع سليم وجت لحظة اتخاذ القرار بطارية جديده والواحد مفلس بس لازم اتصرف وخدت القرار ورجت عند اولاد بيومى اللى فى شارع التحرير وجبت بطارية 70 امبير اسى ديلكو ودفعت 400 جنيه فرق بعد ما خد البطارية القديمه
بس بصراحه حاسس انى ارتحت وممكن انام ومشيلش هم مين يزقنى الصبح لما ادور

**darking** · 24-05-2011 04:09 PM

نفس المشكلة الى عندى بس الفرق ان البطارية لما بتتشحن بتقعد كذا يوم على ما تفضا والدينمو سليم ومفيش ماس فى العربية ولما البطارية بتتشحن بتدى اخضر يعنى اللون الاسود مش دايم فيها والله الواحد كره اختراع البطارية ده .... بس هى البطاريات غليت تانى ولا ايه