مكشلة في حساس vvt بتاع كورولا 2006

**boing** · 14-05-2010 11:49 PM

السلام عليكم ورحمة الله وبركاته

موضوعي بدا من اسبوعين انا عندي كورولا 2006 مانيوال 1300
كنت رايح اغير الزيت واركب بوجيهات عند مكيانيكي
المهم غيرلي الزيت والوبجيهات وشيك على السيور
ومشيت من عندو
تاني يوم لمبة التشيك نورت عندي رجعتلو تاني شال كبل البطايه وحطو تاني بيعمل فيها اور يعني
المهم اللمبة طفت ومكملتش مشواري ولاقيتها نورت تاني
رجعتلو تاني... المهم بعتني لواحد بتاع كمبويتر اعطال
حطينا الكمبيوتر طلع ان الللمبة من حساس الزيت VVT وقالي ان الحساس سليم لانو اول ما حط الكمبويتر اللمبة فصلت وقالي انو كان عاوز يتاكتف بس
المهم طفهالي وقالي الحساس مقري على الكمبويتر انو شغال مش بايظ
وقالي ارجع للميكانيكي تاني ينظفهولك بس ويفك الطبه اللي ورا الدينامو وينظفو ومش هتقيد تاني اللمبة

عملت اللي قالي عليه ونظفنا الحساس وبعدها بيوم رجعت تاني قايده
رجعتلو تاني عشان نشوف الحل حطها تاني ع الكمبيوتر وقالي نفس الكلام الحساس مش بايظ
وطفهالي ...ونا راجع البيت رجعت تنور تاني كالعاده
انا عاوز اعرف اعمل ايه يا جماعه؟؟؟ هل امشي واللمبة قايده كده ولا فيها خطورة ع العربيه
والميكانيكي ابن التيت بيقولي روح اشتري واحد امال راكب ملاكي ليه
شفتو قلة الذوق ياجماعه؟

لو حد عندو اي فكره يفيدني اعمل ايه وجزاكم الله خيرا
علما بان العربيه عاديه جدا ومفيهاش اي مشكله بس اللمبة بتاعت التشيك دي مضايقاني نفسيا
والمهندس بتاع الكمبيوتر قالي ما تقلقش المشكله دي كومن اوي في الكورولات
وقالي امشي عادي وماتخافش

رجاءا المساعده

**m_mekkawy** · 15-05-2010 09:07 AM

الماكينيكيه الواطيين كتير بس طالما نورت وقارفاك غيره ولو مشيت عليه كده مفيش حاجه هتحصل للماكينه الا هتاكل بنزين شويه وعزمها مش هيبقى ستاندرد يعنى بس

**tameraast** · 23-05-2010 10:06 PM

السلام عليكم
نفس مشكلتك دى واجهت صاحبى معاه كرولا 2005 كويتى اللمبه نورت قالنا انها حساس الفى تى تى اى و حاجه اسمها الاو سى فى
vvti and ocv الكلام ده كان فى التوكيل طيب يا جدعان الحاجه دى بكام تقريبا كانت فى حدود ال 700 المهم خادنا الحاجه و طلعنا نبدلها فى مركز صيانه قالنا الفى تى تى اى ده ترس و صعب اوى انو تكون حاجه حصلتلو احنا هنغير بس الاو سى فى المهم غيره و فعلا اللمبه طفت خلى بالك حضرتك لمبه التشيك انجن لما بتأيد بيزيد استهلاك البنزين الضعف تقريبا و التسارع بيقل جداا خصوصا فى الكيك داون فى الاتوماتمك المهم اللمبه رجعت نورت تانى بعدها باسبوع و رحنا خلناه يبدل ترس الفى تى تى اى و قعدت اسبوع مطفيه و رجعت ادت تانى و هنرجع التوكيل قريب نشوف القصه دى ايه لان الموضوع بقى حرقه دم اووووووووووووووووى

**M.Zaher** · 23-05-2010 10:44 PM

طب الحساس ده بتاع ايه
وجربت تغير الزيت او الفلتر مثلا

**د.محمود صلاح** · 23-05-2010 11:00 PM

المشاركة الأصلية كتبت بواسطة tameraast

السلام عليكم
نفس مشكلتك دى واجهت صاحبى معاه كرولا 2005 كويتى اللمبه نورت قالنا انها حساس الفى تى تى اى و حاجه اسمها الاو سى فى
vvti and ocv الكلام ده كان فى التوكيل طيب يا جدعان الحاجه دى بكام تقريبا كانت فى حدود ال 700 المهم خادنا الحاجه و طلعنا نبدلها فى مركز صيانه قالنا الفى تى تى اى ده ترس و صعب اوى انو تكون حاجه حصلتلو احنا هنغير بس الاو سى فى المهم غيره و فعلا اللمبه طفت خلى بالك حضرتك لمبه التشيك انجن لما بتأيد بيزيد استهلاك البنزين الضعف تقريبا و التسارع بيقل جداا خصوصا فى الكيك داون فى الاتوماتمك المهم اللمبه رجعت نورت تانى بعدها باسبوع و رحنا خلناه يبدل ترس الفى تى تى اى و قعدت اسبوع مطفيه و رجعت ادت تانى و هنرجع التوكيل قريب نشوف القصه دى ايه لان الموضوع بقى حرقه دم اووووووووووووووووى

بالطبع كان غيرهم في التوكيل عشان يضمن ضمان الوكيل على قطع الغيار

**ahmedaly716** · 10-01-2018 11:29 PM

شوف واحد عنده جهاز كمبيوتر آخر لأن الأسكانر عاوز خبرة كبيره في استخدامه و لاتمشي و لمبه الاتشيك انجين مضاءه و شاهد هذا الفيديو
https://youtu.be/Y8eeuGsFGbo