الموضوع: هل هناك نتشة فى فتيس الفلوانس

يا أستاذ sanset أنا أسف إنى إتأخرت عليك فى الرد لكن أنا لسه راجع حالا من شرم الشيخ و طبعا مع meggie حبيبة قلبى إلى كانت معايا أصيلة جدا جدا....ثبات و تكييف.....وحش على الطريق و طبعا كنت مظبطها قبل ما أطلع و كمان إديتها بوسة بعد ما رجعت على الأداء العالى ده من شرم لإسكندرية دايركت حتى لما كنت بقف فى الرست عشر دقايق كنت بسيبها دايرة علشان التكييف....و إستهلاك البنزين كان 7.1 لتر لكل 100 كيلو...و تقريبا إستهلكت فى حدود 110 لتر بنزين 92 رايح راجع + بعض الفسح البسيطة فى شرم....

المهم نرجع لموضعنا...طبعا ربنا يوفقك فى أى إختيار هتختاره....و ماتندمش على البيع و ما حدش عارف الخير فين....

زى ما إنت عارف أنا كنت فى التوكيل يوم الأحد قبل ما أطلع شرم و كان عندى شكوى من بداية بطاحات...و مع إن لى علاقة شخصية مع التوكيل و لكن ما حدث كالأتى....ركب معايا خبير العفشة (طبعا فنى) و قعد يسمع معايا و طبعا علشان الصوت كان خفيف مقدرش يسمع حاجة فكان رده كالأتى:

إحنا مش بنغير غير لما الصوت يكون واضح جدا (فضيحه يعنى ) و كل اللى فى الشارع سامعينه....هى مالهاش تأثير على أى شىء أخر إلا لو سبتها كتير بعد ما الصوت الفضيحة يطلع ممكن تضر المساعدين...

الخلاصة: عايز تغير على مسؤليتك إنت حر لكن أنا مش بغير على صوت بسيط....

الإستنتاج : التوكيل مااااااااااااااااااااااال للللللللللللللللللللللللل لللوووووووووووووووووووششش ششششششششششش فى حكاية الأصوات دى بتاتا خصوصا فى ما يتعلق بالضمان....لو حضرتك حابب تدفع و لو الصوت مارحش على مسؤليتك.... طبعا على الرحب و السعة...لكن لو العيب لا يختلف عليه إتنين أو خصائصه ظاهره كما قال الكتاب يبقى التوكيل مفيش أحسن منه و بيغير على طول الضمان و أخر إحترام...

بالنسبة للعربية الجديدة....أنا بعشق الفانتازيا لكن بخاف من صيانة نور الدين شريف (على قدهم شوية ) و فيها مشكلتين صغيرين....التقل خصوصا فى النقلات الأولى علشان الموتور ضعيف على جسم تقيل فلو حابب تستنى الموتور الtsi لما ينزل هتكون طيارة بس هتضطر ساعتها تحط بنزين 95.

زيت الفتيس تهتم بيه جدا و تغيره قبل ال60000 كم علشان بيجيب حاجة إسمها body valve فى الجيربوكس لو ماغيرتوش بإنتظام.

الجيتا تحفه برده يمكن ضيقة شوية من ورا لكنها حلوة جدا...الشكل هيتغير قريب جدا و بلاش تجيب الجنوط ال17 علشان بتبقى ناشفة و واطية من تحت و كمان التوكيل مش أظرف حاجة فى الوجود....لكن تقدر تقول إن أعطال الفانتازيا و الجيتا أقل كتير من الرينو لذلك تعاملك مع التوكيل هيكون قليل إلى حد كبير غير فى الصيانات الدورية....

ربنا يوفقك فى إختيارك و تحت أمرك فى أى خدمة......