تسقيط فى الاونو 1400 سى سى التربو العربيه تستحمله

**ahmedbibo** · 23-06-2010 05:47 PM

انا كنت عايز اسأل رجاله فيات هو ينفع اسقط ماتور ال 1400 سى سى لاونو والماتور هيكون بكل محتوياته هل الشاسيه هيستحمل الماتور والحوض هيبقى كويس عليه ولا هيبقى ضيق والحراره ديه اهم حاجه ايه نظامها
وانا مش عايز اعدل فى اى حاجه فى العربيه عايز اسقط وخلاص لا الحم ولا اعمل اي حاجه وهتبقى عامله ازاى مع التكييف وهيكون فيه باور اكيد صح ولا ايه وانا هشترى عربيه موديل 98 فبريكه بره وجوه و الشاسيه ممتاز ياريت تقولولى رأيكم

**ahmedbibo** · 23-06-2010 05:55 PM

اه صح ايه نظام قطع الغيار متوفره ولا مش موجوده خالص وممكن يركب للعربيه ماتور ايه يخاليها تجرى وميبقاش ليها حل ويكون

**ahmedbibo** · 23-06-2010 06:46 PM

ايه هو الموضوع صعب اوى كده

**semsem_uno** · 25-06-2010 04:40 PM

انتا بتهرج ولا ايه d:
الأونو اصلا نازلة بموتور 1400 تربو و الموديل ده كان نازل بفرامل abs و صن روف و فل اوبشن و 2 باب و جنوط اسبور كمان
و علشان متتكلمش كتير عالشاسيه الأونو نازلة كمان ب1800 ديزل
و سيبك من الكلام اللي فوق ده علشان عيب تقولو عالأونو هههههههه و عالفيات عموما
و التربو ده جهاز منفصل و فكرته سهلة و ليه الناس اللي بتصلحه مع انه غالبا بيكون عايز يتنضف لو الموتور كان بيدخن او تعبان

**yoko** · 25-06-2010 05:06 PM

اولا متور الأونو التربو ١٣٠٠ بس (عيب عليك يا سمسم)
وهو موجود وبيتسقط من غير تعديل بس نادر وغالي ومش أي حد هيسقطة تاني حاجة قطع غياره مش منتشرة وبيجي بالردرياتير بتاعة فمفيش مشكله السخونه بس لازم تجيب مساعدين K&n بسسوستهم للعربيه عشان الثبات ووزن الموتور وقوته