تسقيط موتور 1400 لأبيزا 2001

**koko6600** · 14-02-2012 04:18 PM

انا عايز راى الابيزاوية عربيتى 2001 موتور 1000 mpi عايز اسقط موتور 1400 cc 16 v بتاع جولف 4 عايز اعرف
1- موضوع تسقيط المواتير فى مشكلة بالنسبة لاداء العربية يعنى ممكن اعانى من الموتور الجديد ولا الدنيا تمام؟
2- هل ده هيقلل سعر العربية؟
3- بالنسبة للموتور اللى عندى هعرف ابيعة ولا اية مع العلم انى حالته ممتازة جدا ولو هيتباع هيكون بكام؟
ياريت حد يساعدنى

**SYD** · 14-02-2012 08:01 PM

اولا التسقيط وجع دماغ
ومحدش فينا غير بمزاجه
كلنا غصب عننا

الا لو هتعمله صح صح

ثانيا موتورك مش هتعرف تبيعه لسبب - مش هيبقاله ورق - بمعني هتجيب للشاري ورق منين ؟؟؟

ولا الي هيشتري مش هيثبته علي الرخصة ؟؟؟

انصحك بيعه حتت

او استفاد منه كقطع غيار دة لو نفع قطع غيار للموتور الجديد

نصيحة

كبر دماغك وبيع وزود واركب جولف 4

والله المستعان
،
،

**koko6600** · 15-02-2012 12:10 PM

السلام عليكم
أ/محمد سيد اولا شكرا لرد حضرتك انا نفسى اركب جولف 4 بس هى سعرها عالى عليا اللى انا فكرت فيه تسقيط الموتور فكنت عايز اعرف انا كده صح ولا غلط.
أ/ احمد مبارك الموتور عامل 131000 حالتة ممتازة فعلا انا بعملة كل الصيانات مش مهمل فيه وسبب البيع عايز ماتور اعلى يكون موتور جولف 4 1400سىسى وعلى العموم هو فى العربية اكيد اعتقد ان ده بيسهل الكشف عليه
بس كنت عايز اعرف تسقيط الموتور بنزل سعر العربية ولا العكس وفعلا موضوع بيع الموتور صعب
khaled helmy

**koko6600** · 15-02-2012 06:11 PM

متابع بأهتمام

khaled helmy

**SYD** · 15-02-2012 07:04 PM

والله هو المفروض ماينزلش من سعر العربية لأنك بترفع من ادائها وليس العكس

بس احنا عندنا حاجة زي العرف كدة ان تغيير في استوك العربية بيقلل منها

وعن شرط حاجة من اتنين ياتبيع لحد ومش فارق معاه
يا تبيع لحد غاوي وهيفهم انت عملت دة ليه

انا بنصحك تخلي الموتور لحد لما يقول جاي
وبعدها ابقي غيره

لكن لو مستعجل علي التغيير

يبقي تخلي بالك من النقطة بتاعة ان الموتور زي البطيخة زي ماقال الأستاذ أحمد مبارك

انا لما غيرت موتوري فعلا الميكانيكي قالي انا مش هختار حاجة انا هركب واجرب وبعدها نقرر نخليه ولا نرجعه وطبعا فك وتركيب علي حسابك

فعشان كدة بقولك خلي موضوع التسقيط دة يبقي غصب عنك مش بمزاجك

انا واحد من الناس تعبت اوي ولحد دلوقتي لسة تعبان وعندي مشاكل في العربية بسبب التغيير والتسقيط بس كل دة غصب عني ومكانش بأيدي فما بالك لو انت بنفسك الي دخلت نفسك في الدوامة دي

وبردو شوف اراء الناس ايه

تقبل مروري

والله المستعان
،
،

**SYD** · 15-02-2012 07:08 PM

المشاركة الأصلية كتبت بواسطة ahmed mubarak

السلام عليكم

اخى محمد سيد اخبارك ايه

بالنسبه لبيع الموتور القديم ينفع تبيعة بتروح المرور وبتعمل شهادة بيانات ودى بتبقى دى الورقة اللى بتثبت ان الموتور دا بتاعك وبعد كدة نفس اجراءات البيع فى الشهر العقارى

بعد أذن صاحب الموضوع

انت ازيك يا أحمد باشا

عامل ايه ؟؟
واحشني والله ونفسي اشوفك
هتعملوا ايه في موضوع المقابلة

شكرا يا باشا علي المعلومة انا ماكنتش اعرف الموضوع دة خالص

علي العموم اعتقد بيبقي صعب حبتين انك تبيع موتور مستعمل

والله المستعان
،
،

**ehab_mansour** · 16-02-2012 10:13 AM

أستاذ خالد نصيحة لوجه الله متسقطش موتور غير لما تكون مضطر لذلك و موتور عربيتك خلاص انتهي لأن التسقيط معناها تغيير موتور و ضفيرة و كنترول و دول للأسف مافيش صنايعي هيقفلهملك زي المصنع و اكيد هتلاقي عك كتير و هتعاني من مشاكل و ممكن ميحصلش مشاكل انت و نصيبك

صدقني الموتور ال 1000 معقول و كويس مش وحش انا عارف ان عزمه ضعيف و للناس اللي بتحب الجري و الشد مش قوي ولكن هو ادائه بالنسبة لامكانياته ممتاز وانا ركبت المحرك ده 3 سنوات و كان زي الفل
علي فكرة انا بعت عربيتي الابيزا اللي فاتت بسب اني مرضيتش اركب عليها تكييف بسبب عك الصنايعيه و برضه مرضيتش اركب اي كماليات فيها بسبب العك لأني بحب شغل الفبريقة و خاصة في الكهرباء لو اتلعب فيها هتقرفك في عيشتك و لا رضيت اسقط برضه لنفس السبب و غيرت لكوردوبا بمحرك اقوي و كبرت دماغي من قرف الصنايعيه و عكهم
وبالتوفيق ان شاء الله

-

-

الموضوع: تسقيط موتور 1400 لأبيزا 2001

LinkBack

أدوات الموضوع

عرض

-

-

-

-

المواضيع المتشابهه

تجربتى مع تسقيط شورت بلوك 1400 mpi لابيزا 2001

ايه هى متطلبات تسقيط موتور 1400 فى بولو 2001

أزيكو يا رجالة بخصوص تسقيط موتور 1400

مشكله هتخلينى أسقط موتور لأبيزا 2001

تسقيط موتور شلهين 1400 على عربية 128

الكلمات الدلالية لهذا الموضوع

المفضلات

المفضلات

ضوابط المشاركة