العربية بدور من المحاولة الثالثة

**mahmoudalutec** · 26-06-2010 09:46 AM

[justify]عربيتى 128 بركنها يوم او يومين من غير ما استعملها لما بدورها مش بدور من اول مرة مع انى بكارك لها و بشد اشداد فمدورشى غير فى المحاولة الثالثة و البطارية حالتها كويسة جدا
وبدور من المحاولة الاولى فى حالة و احدة بس ان الموتور يكون لسه سخن (مبقالهوش غير ساعتين مبطل)
ارجو من الزملاءو الخبراء الافاضل شرح الحل
وفى انتظاركم مع جزيل الشكر[/justify]

**mahmoud5777** · 26-06-2010 10:11 AM

ده تقريبا طبيعى علشان 128 طرمبة البنزين بتاعتها ميكانيكا فبتحضر بنزين اثناء التدوير بالمارش عكس طرمية البنزين الكهربا بتحضر بنزين بمجرد فتح المفتاح للكهربا وبعدين عاوز تتطمن اكتر خليى ميكانيكى يبص على رداخ الكاربوراتير وبلوف الطرمبة لان دول ممكن يكون سبب هروب البنزين من الكاربوراتير يعنى بعد يوم او اتنين المفروض تفك الكاربوراتير لو سليم تلاقيه محتفظ بشوية بنزين يدور بيهم لغاية مالطرمبة تجيب بنزين لو حصل شى قى الرداخ البنزين ده بيطير وتحتاج ان تدور مارش كام مرة لغاية ما الطرمبة تملا حوض الكاربوراتير ولو بلف الطرمبة بايظ البنزين هايرجع التانك تانى وبرضو بص على طاقم الكهربة ممكن يخلى العربية تأخر دوارة
يارب اكون عرفت افيدك