العربية عرضت مني بطريقة مش طبيعية

**pro_samir** · 03-07-2010 08:17 PM

سلام عليكم

انهاردة علي الطريق الزراعي ماشي في الحارة اللي في النص كالعادة علي 120 تقريبا وكان في يوتيرن وعربيات وموتسيكلين بيلفو قدامي نزلت السرعة ل90 تقريبا كلهم عدو في اقصي اليمين وموتسيكل مشي في نص الحارة الشمال وخلاص علي كدة ابتديت اخد سرعتي تاني ولما قربت علي الموتسيكل اللي في الشمال دة راح قاطع الطريق قدامي مرة واحدة

دوست فرامل علي الأخر العربية زحفت لقدام شوية ومرة واحدة لاقيتها راحت لافة من ورا ناحية اليمين ومشيت بالجنب

انا من السرعة كتفي اترزع في القايم وطبعا سيبت الفرامل خالص وكسرت دركسيون يمين اتعدلت وبعدين ضهرها راح شمال برضو لميت دركسيون وهكذا حوالي اربع أو خمس مرات ماشية بالعرض وفي كل مرة كنت بتهبد يمين وشمال لدرجة ان ريموت الmp3 كان قدام الفتيس بدل ما ينزل في الدواسة لاقيتة تحت الكرسي اليمين والموبايل كان علي الكرسي اليمين بقي تحتة معرفش ازاي

الحمد لله ربنا ستر بس بجد نفسي افهم ازاي دة حصل وهقولكم علي اللي في العربية بالظبط

1- انا كان معايا كرتونة تقيلة شوية مليانة ورق كنت حاططها في نص الكنبة الخلفية

2- في صرخة خفيفة مع الفرامل بقالها يومين فقط وكانت موجودة قبل كدة بس راحت لما غيرت الكاوتش ورجعت من يومين

3- التيل الأمامي جديد والخلفي مغيرة قريب بس مش حلو وكنت مهوي الرجلاش شوية بتاعة علي ما اغيرة تاني فا مش بيمسك جامد زي اللي قدام

4- انا مغير السوست الخلفية بسوست نفس القطر والمقاس بس فيها لفة واحدة زيادة لأن السوست بتاعتي كانت خفيفة لأني مجنط ومركب كاوتش اكبر من الأصلي لكن العربية مستوية عليت من ورا عن الأول بشوية صغيرين لكن معدولة

دي كل الملحوظات اللي عندي مع العلم اني طول النهار انهاردة كنت بظبط في العربية وكنت بجرب كتير وبجري جامد في شوارع الأسفلت فيها مش عدل وفية ترييحات جامدة وطبعا في اخر الشارع بفرمل جامد وكانت بتصرخ شوية بس حتي مفيش حدفة ولا حاجة ،، اشمعني علي الطريق عرضت كدة ومفيش تراب ولا أي حاجة ؟

ومع العلم برضو اني ساعات بعمل غرز ضيقة علي سرعات عالية وباخد الملفات بسرعتي والعربية الحمد لله ثباتها حلو وعلي فترات كدة بجرب فرامل علي سرعات وبجرب اخد الطريق يمين في شمال اشوف العربية اخبارها اية وعمر ما حصلت معايا انها تحدف حتي

إية رأيكم و إية السبب يا تري !

**pro_samir** · 03-07-2010 11:27 PM

المشاركة الأصلية كتبت بواسطة amro1965

انا معرفش السبب
لاكنى اقول لحضرتك اتقى الله فى نفسك
واحمد الله واشكرة على فضله عليك بانك سليم الان وسيارتك الحمد لله بخير ولم تصطدم بالموتسيكل
انا كنت مثلك جريت بسيارتى وكان ابليس يجلس بجوارى اقسم بالله العظيم انى شعرت به بجوار اذنى يهمس بداخلها اجرى سيارتك تمام بتسحب معاك حلو قوى
بص شوف الغرزة اللى انتى عملتها هايلة شوفت الميكروباص اللى انتى عديته رغم انه ماشى بسرعه ده انتى هايل دوس واسحب بسيارتك
كان المفروض فى تلك الساعه انى اركن بسيارتى حتى تهدا الوسوسه وبعدها اكمل لكن ابليس كان اشطر منى
الا ان الله اراد ان يعلمنى وفى تلك الاثنا وان بجرى بجوار ميكروباص بسرعتنا العالية الا واشاهد تاكسى واقف من على بعد على الدائرى وعندما وصلت له كان بدأ يكسر شمال ليتخطى اللى امامه ومدرتش بنفسى الا وانا واصل لغايه عنده وخبطنى وستر الله ان الميكروباص امتص الحدفه بتاعتى ورجعت على التاكسى تانى وشيلت له الاكصدام الامامى وطبعا انا الرفرف الشمال بتاعى شبه مقطوع
والحمد لله ربك سلم
اخى العزيز
اعلم ان ممكن يكون لك زوجه واولاد محتاجينك واهلك طبعا
اتقى الله فى نفسك
واحمد الله واشكرة
مع تحياتى

استاذ عمرو شكرا وجزاك الله خيرا

بس انا مش فاهم حضرتك بتتكلم بناء علي إية ؟ انا لاكنت بعمل غرزة ولا ماشي بخبط في الناس ولا ماشي علي 180

طريقي فاضي وأصلا مفيش جنبي عربيات و ماشي بسرعة معقولة مش بجري و واحد قطع عليا الطريق فرملت حصل حاجة مش طبيعية وبسأل عن تفسيرها ،،، إية التهور في كدة ؟

وبعدين لما بقول اني ساعات بعمل غرز وكدة فا بس علشان اللي هيفكر معايا يبقي عارف ان العربية مفيهاش مشكلة في الثبات لكن مش معناة اني علي طول ماشي بالطريقة دي !

شكرا للنصيحة و ربنا يجعلنا جميعا من المتقين

**ahmed_h_g** · 04-07-2010 02:42 AM

أعتقد انك عندك مشكله فى ماستر الفرامل
عندك جنب بيكبس فرامل بنسبه أكبر من الجنب الأخر على ما أاعتقد هوه اللى عمل معاك كده
وعلى فكره الحركه ديه أسمها السلسله .... قول الحمد لله انك بخير
وموضوع الفرامل الخلفيه أهم بكتير من الفرامل الأماميه معرفش ازاى وافقت تقلل الرجلشه على الخلفى
التحميل على الأمامى مع ضعف الخلفى بيخلى العربيه كلها بحملها يبقى للأمام
يعنى بيزود مدى الفرمله يعنى العربيه مش بتكلبش مع الفرامل بالعكس ديه بتنزلق وبتفقد السيطره عليها

**yoko** · 04-07-2010 07:22 AM

المشاركة الأصلية كتبت بواسطة ahmed_moeaz

العيب مش هيخرج من الحاجتين دول حاول توطى العربية لمستواها الطبيعى وتظبت الفرامل ورا

فعلا الحاجتين دول يخلو العربيه تعوم بشكل فظيع

**MMamdouh** · 04-07-2010 01:11 PM

انت بتقول الكلام دة عند يو ترن... صح؟؟؟

مستغربش لو الحتة دى كان فيها بواقى سولار على الارض و هى اللى سببت الزحلقة... فى الغالب اللى حصل من المتوسيكلات حصل قبل كدة من مكروباص او عربية نص نقل و كان مفول و غطا التنك تالف فا ساب اثر سولار فى الارض و هو دة اللى زحلق العربية بالشكل دة

موضوع تهوية الفرامل لخلفية ميعملش كدة لان العجل اللى ورا مكنش قافش... العهكس هو اللى يعمل المشكلة خصوصا لو عجل ورا قفش قبل قدام لكن طالما مفيش قفش مستحيل ضهر العربية يعوم

وجود كرتونة ورق ملوش علاقة بالقصة... طبعا تعلية العربية من ورا غلط جدا لان دة ساهم فى انتقال جزء كبير من وزن العربية للامام مع الفرملة و بالتالى سهل انزلاق العجل الخلفى و مع وجود اثار للسولار و خلافة اصبح ضهر العربية خارج عن السيطرة تماما

MMamdouh

**pro_samir** · 04-07-2010 04:47 PM

متشكر جدا يا جماعة لاهتمامكم

المشاركة الأصلية كتبت بواسطة ahmed_h_g

أعتقد انك عندك مشكله فى ماستر الفرامل
عندك جنب بيكبس فرامل بنسبه أكبر من الجنب الأخر على ما أاعتقد هوه اللى عمل معاك كده
وعلى فكره الحركه ديه أسمها السلسله .... قول الحمد لله انك بخير
وموضوع الفرامل الخلفيه أهم بكتير من الفرامل الأماميه معرفش ازاى وافقت تقلل الرجلشه على الخلفى
التحميل على الأمامى مع ضعف الخلفى بيخلى العربيه كلها بحملها يبقى للأمام
يعنى بيزود مدى الفرمله يعنى العربيه مش بتكلبش مع الفرامل بالعكس ديه بتنزلق وبتفقد السيطره عليها

المشاركة الأصلية كتبت بواسطة lancerevolution

كلام مية مية

انا برضو فكرت في الاحتمال دة وعلشان كدة قلت اني باستمرار بجرب الفرامل ومفيش أي حدفة اشمعني علي الطريق عملت كدة

يعني لو مشكلة ماستر كانت تحصل كتير بس هي مش بتحصل

كدة الماستر براءة

بالنسبة للتيل فانا كنت مضطر لأن الأصلي مكنتش موجود وانا بغير وجبت نوع تعبان مؤقت فا كان بيصفر والعجل بيسخن فا اضطريت اهوي الرجلاش علي ما اغيرهم وبيمسك برضو لكن ضعيف شوية يعني الهاند لازم ترفعها علي الأخر لو بركن علشان تمسك بالرغم من اني متضايق منها كدة لأن العربية بتميل من قدام مع الفرامل بتفكرني بأيام الانوس

المشاركة الأصلية كتبت بواسطة ahmed_moeaz

العيب مش هيخرج من الحاجتين دول حاول توطى العربية لمستواها الطبيعى وتظبت الفرامل ورا

المشاركة الأصلية كتبت بواسطة yoko

فعلا الحاجتين دول يخلو العربيه تعوم بشكل فظيع:t_thum1[1]:

المشاركة الأصلية كتبت بواسطة m.zaher

تعليه سوست العربيه و تهويه الفرامل الخلفيه هما اللى خلوا العربيه تعوم
و حمدا لله على السلامه

المشاركة الأصلية كتبت بواسطة mmamdouh

انت بتقول الكلام دة عند يو ترن... صح؟؟؟

مستغربش لو الحتة دى كان فيها بواقى سولار على الارض و هى اللى سببت الزحلقة... فى الغالب اللى حصل من المتوسيكلات حصل قبل كدة من مكروباص او عربية نص نقل و كان مفول و غطا التنك تالف فا ساب اثر سولار فى الارض و هو دة اللى زحلق العربية بالشكل دة

موضوع تهوية الفرامل لخلفية ميعملش كدة لان العجل اللى ورا مكنش قافش... العهكس هو اللى يعمل المشكلة خصوصا لو عجل ورا قفش قبل قدام لكن طالما مفيش قفش مستحيل ضهر العربية يعوم

وجود كرتونة ورق ملوش علاقة بالقصة... طبعا تعلية العربية من ورا غلط جدا لان دة ساهم فى انتقال جزء كبير من وزن العربية للامام مع الفرملة و بالتالى سهل انزلاق العجل الخلفى و مع وجود اثار للسولار و خلافة اصبح ضهر العربية خارج عن السيطرة تماما

mmamdouh

موضوع الفرامل انا مع استاذ محمد ممدوح انة ميأثرش كدة بالعكس

يبقي الإجماع علي ان السبب تعلية العربية من ورا

طيب في كذا ملحوظة برضو زي ما قلت موضوع تغيير السوست دة خلي ثبات العربية أحسن في الملفات ازاي يخليها تحدف مع الفرامل ؟

غير كدة العربية كانت واطية من ورا شوية يعني قدام أعلي من ورا بحاجة بسيطة ولما غيرت السوست العفشجي كان بيقولي انها مش هتعلي أصل بس اللي حصل انها عليت حاجة بسيطة وبقت العربية معدولة من قدام نفس ارتفاع ورا تقريبا

فا هل الطبيعي ان ورا يكون أوطي من قدام ؟ والفرامل تعمل فيها كدة عادي مع السرعة مع ان العربية مستوية مش عالية من ورا اكتر ؟

واحتمال وجود حاجة علي الأرض مش عارف بصراحة لأني ساعتها مكنتش شايف كويس يعني يدوب فلاشات بس وكنت بحرك الدركسيون باحساسي باتجاة العربية ، لكن قبل ما افرمل ملاحظتش حاجة في الأرض خالص والا كنت هخاف افرمل

واية رأيكم برضو في موضوع الزوايا هل لو مش مظبوطة والعجل بيصرخ شوية مع الفرامل الجامدة ممكن تعمل حدفة كدة ؟

-

-

الموضوع: العربية عرضت مني بطريقة مش طبيعية

LinkBack

أدوات الموضوع

عرض

العربية عرضت مني بطريقة مش طبيعية - انشر الموضوع فى :

-

-

-

-

-

المواضيع المتشابهه

التكيف بيدخل الروائح الكريهة بطريقة مش طبيعية

يحصل أيه لو عرضت الكاوتش ؟؟

هى الناس دى طبيعية

الحرارة مش طبيعية

الكلمات الدلالية لهذا الموضوع

المفضلات

المفضلات

ضوابط المشاركة