الموضوع: بالنسبه لرجلاش الفرامل

السلام عليكم

عذرا لمشرف القسم الموضوع بيجى من التسرع فى الكتبه
ان شاء الله هاخد بالى بعد كدا


بالنسبه بقى لامبارح للاسف ان امكنتش مبسوط نهائيا بجد
ومش عارف ليه الاسلوب والمعامله هناك

انا رحت فى ميعادى الى اتفقت عليه مع محمد عبده ومكنش بيرد لحد بعد الصلاه وبعد وصولى لقيت هناك حسن شغال فى عربيه دايو
كالعادى قالى اامرنى وقولتوا فين مهندس محمد لانوا فاهم انا عاوز ايه
قالى طب خير المهم قولتوا

للاسف حسن مبيحبش حد يكلموا وهوا شغال ومش شرط انك تفهم المهم انوا يشتغل ديما عصبى فى شغلوا وبيزعق لاى حد واقف معاه ومتسرع

اتصلت بمحمد لقيتوا نايم فى البيت قولتوا احنا بينا اتفاق قالى عشر دقايق وهكون عندك قولت بسيطه
حسن ساب الدايو وجه يشتغل رفع العربيه من ورا يبص هيعمل ايه
ويظهر انوا شاف ان مفيش رجلاش ورا التيل فى الماستر على طول
فقرر انو يرجلش من عند الهاند

عدت حوالى نص ساعه ومحمد عبده لسه مجاش
المهم فك الكنسوله بمنتهى الغشوميه وفككلى حجات كتير غير ان البوكس الى فيها فضى حجاتوا فى الارض والمسند كمان رماه
قولت عادى مش مهم
وشال وير الهاند بحيث يعمل فى تعديل لانوا كان على الاخر
المهم جه يركب كالعده بمنتهى الغشوميه

قالى تعالى نجرب ومكنتش راضى عن الاداء غير ان سوقتوا فى منتهى الاستهتار والسرعه فى الاماكن المكسره

الاهم حاول يقنعنى ومشيت ووقفت على جمب ارجع الدنيا زى مكانت
اكتشتفت ان الكنسوله من ورا مفكوكه والمسامير على الارض وده شىء متوقع رغم انى كنت واقف ومخلى بالى
والولاعه مش شغاله قولت مش مشكله كهربائى يعملها او انا المهم الفرامل

وانا ماشى بقى على الدائرى الاقى ريحه شيات من التيل
لان ابيه قفش على العجل اوى
طبع اوقفت وكلمت محمد قولتوا يعنى انت اخليت بوعدك وقولت عشر دقايق ومجتش وفى الاخر الاقى الى حصل

قالى ارجع على الورشه طبعا كنت مشيت مسافه كبيره وكان خلاص فيصل اتزحم
رجعتلوا وانا مش طايق نفسى وعلى اخرى لدرجه انى اتخنقت مع واحد بيركب عربيتوا تحت بيته لانوا سد الطريق وكنت انا واقف والمفروض ان الى الى انقل العربيه
قولت لمحمد بغض النظر عن ده اخر تعامل معاكوا وانك مالتزمتش معايه
شوفلى التيل وشوفلى الولاعه وشوفلى المسامير المرميه
طبعا راح لحسن قالوا حسن كان مدايق اكترمهوا اصل مدايق من نفسوا
مش عارف ليه امال لو كان عمل شغلوا صح
المهم بمتهى العصبيه فين يا بيه الكنسوله المفكوكه مكل حاجه فى مكنها قولتوا المسامير موجوده اه وانا الى حطتها بس مش مربوطه لحد مربطها
جه على الولاعه قالى فين يا بيه الولاعه مهيا متركبه اهيه قولتوا ورينى لقى ان فى سن خارج بره السوكت راح سكت
جه بقى على الهاند راح فاكك الرجلشه على الاخر عشان يرح دماغوا وقالى كدا خلاص
طبعا فرامل الهاند بقت اضعف من الاول

اه نسيت اقول ان لما محمد شافنى وقوتلوا اخد بعضوا فى عربيه ومشى والغريبه ان لقيتوا على المغرب بيرن عليه اعتقد ان ديه غلطه منوا لانوا لو كان مهتم كان من الاول
طبعا الافاده صفر صفر صفر معامله وشغل صفر وديه مكنتش اول مره تعب ومجهود وفلوس ادفعت على الفاضى
والحمد لله انها جت على اد كدا

ومعلش انا طولت عليكوا بس عشان الكل ياخد بالوا وهوا عند اى ميكانيكى