العربيه بترعش و حاسس انها بتنط

**amrseba** · 11-07-2010 01:55 AM

سلام عليكم

اولا انا معايا تيوتا كرولا مو 96

العربيه عند ال 40 كده بترعش جامد و الدركسيون بيرعش ولما بزود ببقى حاسس ان العربيه بتتنطط

وده بعد الترصيص عن واحد كويس وظبط زوايا كويس اوى وضامنه عشان عملى التمبرا 10 /10

وظبط زوايا عند واحد كده بالكمبيوتر والليزر و الكاميرات وكل حاجه مظبوطه بالملى

جيت وانا طالع على الدائرى عشان اجربها على ال 40 كده حسيت ان العربيه بترعش قولت مش مهم ده ممكن يكون الاسفلت خشن
دخلت على الطريق الدائرى وبرده نفس الحكايه و حاسيت ان العربيه بتنط ووصلت لاغيت 135 وهديت

وانا برصص الراجل قالى ان السره بتاعت الجنوط الاسبور محمله على المسامير بس وعايزه زى رينج كده او حلق واعملو عند المخرطه عشان يشيل مع المسامير عشان ميبقاش عليها لوحدها

معرفش بقى الحكايه ديه بسبب ايه بسب حكايه الرينج ده ولا بسب الجنط فيه مشكله ولا الكاوتش ولا ضبط الهوا ولا الطنابير او بلى الطنابير

مع العلم لو الجنط او العفشه فيها حاجه مكنتش الزوايا هتتظبط بالملى على الكمبيوتر

**caysersosaih** · 11-07-2010 06:03 AM

بص يا باشا الجنوط الاسبور ممكن تكون مالهاش صره (زي الصيني) وعشان ماتهزش العربية لازم يتعملها رينج او حلقة بتخش جوه صرة الطنابير وتكبس مع الجنط وهتلاقيها عند بتوع الجنوط زي الروماني

الأحسن تجيب الجنوط الأصلية بتاعه العربية انا عامل كده في التمبرا انا وهشام
مفاس صرة الجنط الأصلي بيبقي بالضبط زي صرة الطنابير
وكل عربية غير التانية

**amrseba** · 11-07-2010 01:22 PM

فعلا بتاع الترصيص و بتاع ظبط الزوايا قالى كده وقالى بتتعمل عند المخرطه

وياعنى ده هيكون سبب الرعشه والتنطيط ولو ركبتها كل حاجه هتتعدل ان شاء الله ياعنى انا الاول هحاول اجرب جنوط عاديه فى عربيتى لو جريت صح ومعملتش اى حاجه هفكر فى الرينج بس انا خايف بعد لما اجيب الرينج يطلع على الفاضى وبرده يبقى فيه رعشه وتنطيط بسيط فقولى تنصحنى بأيه