الموضوع: مقارنه عجيبه بس حاسس انها منطقيه!!!

المشاركة الأصلية كتبت بواسطة okacha

لو انتا مكانى تشترى bmw 318i موديل 2000 او 2001
ولا كيا سيراتو الموديل اللى قبل الهاى لاين زيرو

و لو اخترت bmw ياريييييييت تقولوا ليه و الحاله الممتازة منها تعمل كام تقريبا و الاقيها فين؟ و الفتيس الجديد ده موجود فى انهى موديل فيهم؟
و شكرا

لى تعليق وسؤال عند حضرتك

اولا على اى اساس عملت المقارنة دى عشان من الواضح انك لسه بدور على ال bmw وكمان انت مركز على حاجة معينه وهى الفتيس الجديد وعلى الرغم من كده انت مش عارف موجود فى اى موديل
وبرضة بتسال هتكون موجودة فين وتعمل كام الحاجات دى كلها اهم من المقارنة نفسها او بمعنى اخر ان تشوف العربية او تدور عليها ولما تلاقيها تعمل المقارنة بتاعتك انا عارف انى صعبت عليك الموضوع بس هو دى العادى فى موضوع الشراء والمقارنة
ارجو ان تقبل راى الشخصى

المشاركة الأصلية كتبت بواسطة okacha

اكيد يا ابو حبيبه انا متقبل رأيك لانه فعلا صحيح نظريا لكن فعليا انا عندى خلفيه الى حد ما عن العربيه بس قديمه اوى فمحتاجه رفريش مش اكتر و فى نفس الوقت فى حاجات فعلا انا معرفهاش انا مسقتش العربيتين لكن ركبتهم و بالرغم من اختلاف الموديلا و العربيتين بس حبيت الbmw جدا و حبيت ادخلها مع السيراتو وانا بفكر فى الشراء ..لكن عموما العربيه محتاج اعرف تجارب شخصيه فى التعامل معاها كان ايه و ايه العيوب اللى ممكن تظهر او الشائعه؟؟ لأنى مش مجربها يا ابو حبيبه و بالنسبه لأسئلتى الاقيها فين ده لأنى معرفش الكويس بتاع ال bmw فين انا ممكن انزل اى معرض و اشترى بس انا عاوز حاجه عن تجربه و موضوع السعر انا عندى خلفيه انه من 95000 ل 105000 ميزدش المفروض من موديل 2000 او 2001 على حد علمى
و فى نفس الوقت يا ابو حبيبه انا بشوف فى الاعلانات الفتيس الجديد على طول فحبيت استفسر ادام ال bmw 318 اتوماتيك فى موديل 2000 فيما فوق يبقى فتيس ايه الجديد ؟
ارجوك متبقاش متحامل عليا ؟و اعذرنى لو كنت كاتب استفسارى بطريقه مبهمه بس ياريت دلوقتى اكون وضحت انا طالب ايه..
و شكرا...

اولا السلام عليكم
ثانيا انا مش متحامل عليك ولا حاجة انا بكلمك كاخ او صديق لو مفيش عندك مانع عشان كده بتكلم معك بطريقة مباشرة عشان اللى انا اعرفه على حد علمى فى حالة الشراء خصوصا انا فى نفس موقفك دلوقتى بعد ما بعت العربية اللى كانت حيلتى ومحتار اجيب كارنز اللى عجبانى اللى هفضل من غير عربية لمدة 4 شهور او زيادة او اجيب اى عربية والسلام وهى عربية هقضى الغرض بس الفكرة وتقريبا نفس الموقف اللى انت فيه انك حابب عربية معينه وعشان كده عاوزها هى دى بالذات على الرغم ان اماكينات تجبلك عربية محترمه وجديدة2010 انا حبيت اوضح وجهة نظرى اللى ممكن تكون غلط و عكس ما اى حد بيفكر .

اخيراً وليس اخراً ارجو ان تتقبل راى للمرة الثانية واتمنى ان لا اكون متحامل عليك

المشاركة الأصلية كتبت بواسطة okacha

شكرا لردك يا ابو حبيبه و طبعا يكون لى الشرف ان احنا نكون اصدقاء و اخوات.بس صيحه منك لو تعرف اى اجبه لاستفساراتى على bmw
و لو انتا مكانى يا ابو حبيبه هتجيبها و لا تجيب السيراتو زيرو و خلاص.

انا تقريبا فى شبه مكانك بس مع فرق انى لو فكرت اجيب عربية اكيد اكيد هجيب زيرو كفاية انها تكون بحلتها وضامن انه من غير عيوب وانك اول ايد دى فى حد ذتها كفاية جدا ومفيش اى انسان فى الدنيا العربية بتاعته كويسة ويفكر انه يغيرها غير فى الحالات القليله اللى اصحاب العربيتا متعودين على التغير ودى الحالة الوحيدة اللى العربية بتكون فيها بحلتها ومضمون

زيرووووووووووووووو طبعا
راحة بال وسرعة فى الشرء (مش هتلاقى استعمال نضيف بسرعة يعنى)