الموضوع: مشكلة فى عربيتى البولو 2001

السلام عليكم ورحمة الله وبركاته

والدى كان رايح العين السخنه والعربيه ماشيه تمام وكل حاجه
وهم راجعين فجأه العربيه طلعت بخار مياه وسخنت اوى وعداد الحراره كان عالى ولمبة الحراره كانت منوره
وكل مايزودو ميه تنقص على طول
فالمهم ركنها فى بنزينه ورجعوا البيت فى تاكسي
راحوا يجبوها النهارده وخد معاه كهربائى فشغله المروحه على طول مباشر من غير ماتتوصل بمش عارف ايه كده عشان تشتغل على طول والمهم مش عارف العربيه تتعمل فين عشان كل مايروح لحد يطلع معرفش وكل اللى طالع على ابويا العربيه غريبه الالمانى مش عارف ايه
فياريت يا جماعه عاوز مكان كويس اكشف على العربيه واجيب منه قطع الغيار اللى عيزاها ويكون مضمون عشان والدى تقريبا مش يعرف غير الحرفيين

وفى واحد بيقولوا الماتور فيه هوا عشان فى هوا دخل مع الميه وكلام غريب كده انا مش فاهمه خالص وبيقول لازم الكمبيوتر بتاعها يتظبط عشان ممكن تبقى جوان سلندر او حاجه تانيه
مش عارف ايه العك ده

حد يفهمنننننننى اعمل ايه

المشاركة الأصلية كتبت بواسطة moooooomooo

شوف ياجميل
بلاش الزيت الابيض ده خالصصصصصصصصصصصصصصصصصصصصصص ص خالصصصصصصصصصصصصصصصص
رجعة تانى لو أمكن وروح التوكيل لو محتاج تغير أو تكشف على الباور مفيش حل تانى صدقنى والله انا فى المشكلة دى من شهرين أو لأكتر وغسلت والله بأكثر من 7 علب زيت وبردة مرجعش ذى الاول لازم زيت التوكيل ومش هتلقية الا فى التوكيل نهائى واعمل زى ما أنا قتلك بس خليه يكشف على الطرنبة الاول متعملش زى تغير وبعد كدة قالى الطرنبة والاسكاترا محتاجة تتغير وعموماً فى كل الاحوال هتضطر تغير الزيت عندهم بس حاول تقوله انك هتغسل الزيت وخلية يصرفلك لتر ونصف أو لترين انته وشطارتك وخليك حريص تتطلع ولو ب 0.5 لتر من عندهم دول ولاد جزمة
وبالنسبة للتوكيل مكانة اللى انا رحتة مع العلم انه وحش جداً خد الوصفة
وأنا جاى من شبرا بأخذ طريق عبود السواح وبعدين مفيش حاجة بسيطة بطلع كوبرى اسمة كوبرى شرف اسأل عليه فى السواح معروف قوى وبعدين اسأل أى تاكسى عن نادى البلاستيك هو جنب نادى البلاستك بحوالى 50 متر هو فى شبرا الخيمة
وبالنسبة للماية اعمل كشف فقط فى التوكيل وقلهم على اللى حصل هما هيشخصولك المشكلة بس كن حريص كل الحرص انك متغيرش حاجة هناك دول أسعارهم زى النار ابى غير اللى هيقولك علية برة ولو انته حاطط ميه دلوقتى شوف انته بتكمل عليها قد ايه يومياً لو على 1سم أو 2 سم أو حتى 3 يبقى اعمل زى ما انا قولتلك غيرة بالمايه دى وان شاء الله مش هتتكرر تانى وبالمرة وانته فى التوكيل خليه يكشفلك بالكمبيوتر ولقح جتتك عليه لانهم بيحاولوا يخلعوا منك بس دى فرصه متتعوضش وخليه يكشفلك على الحسسات ولو فيه أى حاجة فى الماتور بالمرة وعلى فكرة أنا اسمى محمد من دمياط مدرس كمبيوتر لو فيه أى حاجة محتاجة أنا معاك على طول لما مشكلتك تتحل نسيت أقولك ان أنا معايا تليفون واحد من هناك أنا ناسى اسمة بس ممكن لو تهت يعرفك الطريق بس اعملة انك عارفة وكنت عندة من كام شهر واسألة عن الطريق أنا عملت كدة النهاردة وده تليفونة 0124723772 ده علشان لو تهت يعنى وربنا معاك آسف على الاطاله

المشاركة الأصلية كتبت بواسطة moooooomooo

على فكرة نسيت أقولك على خبر وحش فى الغالب لو الباور معاك الصبح وانته طالع بالعربية بيكون ناعم وانته بتركن بيبدأ يتقل شويه حتى لو بسيطة أحب أقولك انك وقعت فى نفس الفخ اللى أنا قولتلك عليه وهتحتاج تغير الاسكاترا وكمان طرنبة الباور ودول حوالى 700 إلى 800 جنية حسب الحالة والمكان اللى انته هتجيبهم من بس فى كل الاحوال روح التوكيل واعمل كشف ومتغيرش حاجة هناك الا زيت الباور وبلاش الابيض لزجته عالية بالنسبة للزيت الاصلى هو معايا لونة أخضر غامق وزى الماية بالضبط خفيف خالص ومرة تانية مفيش حل تانى نهائئئئئئئئئئئئئئئئئئئئئئ ئئئئئئ

يا محاسن الصدف ، بالصدفه العجيبه بابا عرف ان جمبنا التوكيل اللى حضرتك بتتكلم عنه ده بعيد عنى ب 5 دقايق بالظبط وطلع يعرف نص الناس هناك وفرحت جداااااا جدااااا ان التوكيل ده طلع جمبنا بالقرب ده لانى ساكن فى شبرا الخيمه فالمهم العجيب ان بردو الناس هناك هتتجنن من مشكلة الحراره وكشفو عليها بالكمبيوتر ومحدش عرف بردو فجابو مهندس قال احنا هنكشف على طلبمة المياه ، عشان يا اما هى يا اما جوان وش السلندر فخليت بابا يسأله على موضوع مياه التبريد الخاصه ( هيبو ) فقال المشكله دلوقتى مش مشكلة مياه المهم نشوف سبب المشكله وبعدين بقى انت عاوز تجيب مياه تبريد براحتك فالعربيه مركونه هناك ومعانا وصل والمهندس هيتصل ببابا بالليل يفهمو على الموضوع وقالو اوععععععى تعمل حاجه هنا فى التوكييييييييل لان الزيت بره بيتغير ب 300 جنيه يتعمل هنا ب 550 والاسعار الضعف واكتر زى ماحضرتك بتقول بالظبط فهو قاله بالنسبه لقطع الغيار كان فى واحد مهندس تقريبا شغال معاهم فى التوكيل ومشى وراح فتح محل بيبع قطع الغيار الاصليه فى شارع الاربعين فى جسر السويس فانا مستنى رد المهندس بالليل على المشكله اللى فى العربيه والمصيبه انه بيقول ان الجوان ده ب 2200 ليييييييييييييه مش عارف ده الماتور كله ب 5 الاف تقريبا واظن الجوان ده من مكونات الماتور
على الموم شكرا جزيلا واتمنى المتابعه عشان اقدر استفيد من خبراتكم وجزاك الله كل خير

المشاركة الأصلية كتبت بواسطة m.mostafa80

المشكله اللى عندك احتمال 75 % ان ثرموثتات الحراره باظ وبالتالى المروحه ما بتشتغلش فا الميه بتقص وتخرج من الفايظ
أحب ألفت نظرك لشويه حاجات وتعليمات لازم تكون مظبطها بأستمرار
اولا لازم تكشف على مستوى المياه بأستمرار وتلاحظ هل بتنقص ولا لأ
لو بتنقص يبقى لازم توصل لسبب اتسريب
العربيه كل فتره لازم تحطها على جهاز كشف الأعطال عشان لو فى حاجه مش ظهرالك تبان
المياه اللى المفروض تستخدمها هى مياه هيبو أو المياه الأصليه بتاعت فولكس فاجن بس عايز أقولك ان الأثنين تقريبا واحد وفى حاله المياه الهيبو بتجيب زجاجه لتر ونص بتحطها بالكامل وتكمل مياه مقطره
ودايما تاخد بالك ان المياه متزيدش عن علامه ماكس لأن فى حاله زياده المياه حتى غطاء القربه دا هبيخلى العربيه تسخن
الجحاجه التانيه لازم وانت بتحط مياه للعربيه وخصوصا بعد الحركه دى تدور العربيه وتملا القربه وتستنى عليها شويه لو نقصت زودها لحد ما توصل لعلامه الماكس لو زادت نقصها من خرطوم الفائظ اللى بيبقى راكب من فوق وكدا كدا القربه فيها فائظ
يبقى
1-أتأكد ان ثرموثتات الحراره سليم
2-أتأكد أن مفيش تسريب فى دوره التبريد
3-تكشف على طلمبه المياه
4-تتأكد من مستوى سائل التبريد فى القربه
أخيرا قولى انت ساكن فين وأنا ابعتك لأقرب واحد ممكن يكشفلك على العربيه

المشاركة الأصلية كتبت بواسطة m.mostafa80

متقلقش من الزيت الأبيض خالص انا بقالى سنه ونص بستخدمه ومفيش مشكله فيه اللى كارثه بجد هو الزيت الأحمر
وبالنسبه لزميلنا الفاضل اللى أستخدم الزيت الأبيض وقال ان الطلمبه وعلبه الدركسيون باظو دا لسببين
أول سبب انو كان بيستخدم زيت باور أحمر فتره طويله
ثانى سبب أن العلبه والطلمبه أصلا بايظين حتى لما جاب علبه وطلمبه تانيه ممكن تكون حالتهم كانت سيئه وعشان كدا باظو معاه بسرعه

اولا شكرا جزيلا يا استاذ محمد بصراحه مش عارف من غيركم هعمل ايه
هو تقريبا مش المشكله فى الترموثتات لانه كان اكيد الكهربائى شافه وعرفوه بسهوله فى التوكيل بعد الفحص المبدئى لان الغريبه ان بابا بيقولى ان محدش عرف فكلو ( التوكيل وحسين جولف بتاع الحرفيين ) قال انه يا طلمبه المياه يا اما الجوان فربنا يستر اووى وشكرا عالنصايح دى بس المشكله هو والدى اللى بيركب العربيه واظن هو متابع كل ده وبالنسبه للسكن زى ماقولت فى ردى السابق انى طلعت جمب التوكيل اللى فى شبرا الخيمه ب5دقايق وطلع لينا معارف هناك بس المشكله انه فهم بابا ان مفيش اكراميات وانه يقدر يشيل الفلوس الكتييير اللى بتبقى زياده دى فعرفه يتصرف ازاى ومنييين
والمشكله اصلا انه قال لبابا انه المفروض العربيه دى متدخلش التوكيل مدام ماتورها متغير بس هو هيكشفله عليها وربنا يستررر
والرد يبقى بالليل ان شاء الله
وبالنسبه لزيت الباور انا جبت علبتين زى ماعرفت حضرتك قبل كده وغسلت بواحده والميكانيكى قالى فضى التانيه بعد يوم وحط الجديده بس انا للأسف سافرت وبابا معملهاش فاتغيرت بعد 4 ايام فمش عارف ده مشكله بقى ولا لأ وانا فضيته بنفسي بالعافييييييه واتعكيت عكه سوده بس اهو الموضوع انتهى الحمد لله وربنا يستر بردو
مش عارف ده كله حصل ازاى بس تقريبا هى عين والله اعلم او احنا حسدناها لانه بابا كان مسافر بيها الصبح العين السخنه وكانت تماام وفضلت تجريه لغاية اما خد مخالفة رادار يلا اللهم اعلم
وشكرا جزيلا وجزاكم الله كل خير وارجو المتااااااابعه :)