مشكلة فى عربيتى البولو 2001

**moooooomooo** · 13-07-2010 05:51 PM

لاشكر على واجب احنا اخوات وعموماً شوف التوكيل هيوصل معاك لحد فين وطمنى بس حاول توصل لحاحة وحدة لانه انا سألته امبارح على حاجة قالى يإما فلتر البنزين يأما بلية الدينامو حيرنى بصراحة حاول توصل معاه لحاجه واحدة علشان تبقى على ضامنته وربنا يوفق

**M.Mostafa80** · 13-07-2010 08:22 PM

مدام اتحطت على الجهاز ومقرتش حاجه يبقى طلمبه المياه بنسبه مش قليله حصل فيها حاجه
وربنا يستر متكونش جابت جوان
وياريت تراجع بالمره على خراطيم التبريد كلها والكوعه الخلفيه الطويله أو الشجره نفسها

**OSaMa.GHaMrY** · 13-07-2010 09:07 PM

المشاركة الأصلية كتبت بواسطة moooooomooo

لاشكر على واجب احنا اخوات وعموماً شوف التوكيل هيوصل معاك لحد فين وطمنى بس حاول توصل لحاحة وحدة لانه انا سألته امبارح على حاجة قالى يإما فلتر البنزين يأما بلية الدينامو حيرنى بصراحة حاول توصل معاه لحاجه واحدة علشان تبقى على ضامنته وربنا يوفق

المشاركة الأصلية كتبت بواسطة m.mostafa80

مدام اتحطت على الجهاز ومقرتش حاجه يبقى طلمبه المياه بنسبه مش قليله حصل فيها حاجه
وربنا يستر متكونش جابت جوان
وياريت تراجع بالمره على خراطيم التبريد كلها والكوعه الخلفيه الطويله أو الشجره نفسها

التوكيل فعلا اتصل ببابا وقاله انها تقريبا طلمبه المياه بنسبة 70% فقالو لبابا نفكهالك ونشوفها ولو طلعت سليمه هتتركب تانى عادى خالص ومفيش تكاليف اما لو طلعت بايظه بقه هتتغير فى حدود 1100

فبابا بيفكر يروح بكره ياخد العربيه من التوكيل ونروح نجيب الطلبمه من الشيخ حسن ونركبها عند حسين جولف لأنه بردو قال نفس كلام التوكيل فبابا واثق فيه اوى
واحنا بنفكر نجيب تاكسي ولا حاجه تقطر العربيه لان اقل من 5 كيلو المؤشر هينفجر
فأنتم ايه رائيكمم ياترى حد يعرف حد اقرب اجيب منه قطعة الغيار واركبها بردو ولا ايه :|
وتشكرااااااات

**M.Mostafa80** · 14-07-2010 12:02 AM

محلات قطع الغيار فى التوفيقيه خد المترو للأسعاف واطلع اتمشى شويه
فى محلات الصفوه وفى فتح الباب وفى عبد المسيح سلامه والفؤاد
ولو عايز تجيب الأصلى اشرف الشهابى ش دمشق مصر الجديده
أمام بنك عوده

**OSaMa.GHaMrY** · 14-07-2010 03:07 AM

طب كده عرفنا اماكن قطع الغيار
بالنسبه للميكانيكى فى حد قريب ونضييف جدا ولا اروح لعم سحس جولف ده وخلاص فى الحرفيين

**M.Mostafa80** · 14-07-2010 11:19 AM

فى مركز فى أمبابه فى طريق بشتيل بتاع واحد أسمه محمد على
هتطلع كوبرى ساحل روض الفرج وتمشى لحد ميدان أسفنكس وتدخل أحمد عرابى لأخره هتطلع كوبرى عرابى تاخد المنزل اليمين وهتنزل منه لحد ما هتلاقى ميدان هتلف شمال وتاخد الشارع اللى فةى وشك على طول أول ماتلف بعد حوالى 200 متر هتلاقى جامع على الشمال وجنبه شارع صغير هوا فى الشارع ده وعايز أقولك انك لو سألت أول ماتلف من الميدان اى حد من المنطقه هناك عليه هيدلك

**OSaMa.GHaMrY** · 14-07-2010 03:43 PM

الحمد لله يا جماعه الموضوع طلع طلمبة المياه
انا مسكتها بنفسي لقتها بايظه ، بتفوت يعنى
عشان المفروض الجزء البلاستيك يلف مع الترس اللى فيها لكن دى كانت عادى بتتلف عكسه بكل سهوله وروحت للشيخ حسن وجبتها من عنده ملقتش غير نوع كده اسبانى وقال انها مضمونه وكل حاجه واتركبت والعربيه الحمد لله بقت شغاله تمااام والحراره مش بتزيد عن 90
اشكركم اشكركم اشكركم
وان شاء الله اخر الشهر هبقى اروح بقى اجبلها مياه التبريد بتاعتها واغير الزيت والفلاتر واحاول اكمل السيرفس :)
جزاكم الله كل خير

**M.Mostafa80** · 14-07-2010 10:29 PM

حمد الله على السلامه
العفو احنا أخوات وفى أى وقت ماتترددش تسأل فى حاجه
وتليفونى لو دخلت على الصفحه الشخصيه بتاعتى هتلاقيه موجود

الموضوع: مشكلة فى عربيتى البولو 2001

LinkBack

أدوات الموضوع

عرض

-

-

-

-

-

-

-

المواضيع المتشابهه

ايه احسن الابيزا 2001 ولا البولو 2001 ؟!

عاوز اعمل شوية حجات ضرورية فى عربيتى البولو 2001

عربيتى البولو واخدلها عين حلوه

عربيتى البولو

ايه الاحسن البولو 99 والا البولو 2001

الكلمات الدلالية لهذا الموضوع

المفضلات

المفضلات

ضوابط المشاركة