السلام عليكم يا شباب
فى كذا سؤال كده محيرينى و محتاج ردودكم الوافيه فيهم
1 - شارع شبرا هل فيه مناطق اتجاه واحد ؟ و لو فى ياريت توضحوهالنا
ايوه شارع شبرا من المظلات حتى الدوران اتجاهين و يبقى اتجاه واحد من بعد دوران شبرا لحد اول شبرا و نفق شبرا
2 - كوبرى الليمون بيبدأ فين و بينتهى فين و بيخدم مين بالظبط ؟
بيخدم اللى جاى من قدام محطه مصر و نازل اول شبرا
3 - شارع الترعه البولاقيه .. فيه حتت اتجاه واحد و اتجاهين .. ياريت توضحوهالنا
ايوه شارع الترعه نصه موازى لشارع شبرا فبيكون اتجاه واحد و انت جاى من اول شبرا لأن شارع شبرا اتجاه واحد للعكس فهمت حاجه؟ و نصفه التانى اتجاهين لحد لما بيلحم مع شارع احمد حلمى
4 - مطالع و منازل كوبرى عرابى .. عاوز افهمها بعد اذنكو:b4_556: لأنه مش عليه ولا يافطه توحد ربنا
المشكله ان الناس سمت كوبرى المضلات الجديد بأسم كوبر عرابى و هو مش عرابى اصلا.. انا بتكلم عن الكوبرى اللى انت عديت عليه و وصلك لكليه الزراعه ده مش كوبرى عرابى... كوبرى عرابى اللى انت كنت هاتلف من تحته قدام محطه مترو كليه الزراعه بالتحديد
5 - من احمد حلمى بعد المؤسسه العماليه ..ايه اسرع طريقه للوصول شارع شبرا ؟
بص يا سيدى و انت جاى من على الطريق الزراعى هاتمسك اقصى اليمين و ده لما بتوصل للمؤسسه بيخليك تمشى فى التفرع اليمين اجبارى و تعدى صيدناوى و بعدين بتلاقى النيل فى وشك و انت بتدخل شمال... كمل على طول لحد ماتطلع كوبرى المظلات و تعدى الكمين.. هاتخد اول يو ترن و ترجع و تمسك اقصى اليمين و مع اول الابراج اللى قدامك (ابراج اغاخان) تدخل يمين على طول هتبقى فى ميدان الخلفاوى تنزل يمين بقيت فى شارع شبرا فى اتجاه اول شبرا
6 - من شارع شبرا عاوز اطلع للطريق الزراعى .. انا اللى حصل معايا كالتالى و عاوز حضراتكم تعرفونى الغلطه فين
المفروض كنت تعمل عكس اللى انا قلتهولك فوق.. و انت جاى من شارع شبرا فى اشاره الخلفاوى هاتدخل شمال على طول ده يطلعك على الكورنيش و هاتطلع كوبرى المظلات و بعدين عند اول تقاطع عمومى هاتدخل يمين تبقى فى المؤسسه و اول الطريق الزراعى
الطريق الأزرق : طلعت كوبرى شبرا المظلات ونزلت لقيت طلعه كوبرى عرابى فى وشى مطلعتهاش و كملت لقيت نفسى على شمالى محطه مترو الزراعه و يمينى التوحيد و النور و يمين اجبارى بعدهم.. (كان فى شمال جربته على امل انه يكون بيطلع ع الطريق بس طلع زى مركن كده و مقفول .. وقبل اليمين والشمال دول مفيش غير يوتيرن من تحت كوبرى عرابى يرجعك فى اتجاه شبرا) .. دخلت يمين لقتنى فى احمد حلمى بس فى اتجاه عبود و اقرب يو تيرن بعيد جدا .. يبقى الحل ده كده غلط فعلا غلط كنت تلف من تحت كوبرى عرابى و بعد محطه المترو و مدخل كليه الزراعه تلف معاهم يمين هتلاقى الكورنيش فى وشك تاخد شمالك و تكمل زى ماقولتلك فوق
الطريق الأحمر : قولت يبقى اطلع عرابى (مش عليه يافطه واحده )و كملته للأخر نزلت لقتنى فى شارع 15 مايو ( تقريبا اللى بيودى لمسطرد ) فاخدت يوتيرن و رجعت خدت عرابى تانى من هناك و نزلت اول نزله اللى بتودى على الطريق الزراعى لفه طويله كنت تعمل زى ما قلتلك فوق
[mshosh2]http://img155.imageshack.us/img155/8381/35699723.jpg[/mshosh2]
هل الحاله التانيه دى هى اللى المفروض يحصل ولا فى اختصار ؟؟ ولا مفيش طلعه من هنا للطريق اساسا ؟؟
و شكرا مقدما لحضراتكم
اى خدمه
المفضلات