الموضوع: استفسارات عن الإبيزا عايزة اشتريها

المشاركة الأصلية كتبت بواسطة fadynabil

علي الرغم من عشقي للإبيزا ٫٫٫ لو هنقارن الإبيزا ١٫٤ بالإيفو ١٫٤ .. يبقي الإيفو تكسب بدون منازع

أنا شفت ال٢ ع الطبيعه بصراحة البونتو تحفه بمعني الكلمه design وهمي وخامات ملهاش حل ومتور متقارب إلي حد كبير ( معقول )

كفايه الأنتريور بتاع البونتو أحلي من الإبيزا بمراحل ،، الأنتريور بتاع الإبيزا فقير جداً جداً ،، لو هنقارنهم ببعض

أما الشكل الخاجي أنا شايف إن كل واحده فيهم ليها شخصيه مختلفه بس ال ٢ جامدين جداً ،، والإبيزا بتتميز بشراسه شويه في المقدمة الهجوميه بعكس البونتو

٫٫ نيجي بقي للأساس وهو مكونات العربيه .. من رأيي أن الـ٢ شركات عريقه يعني مكونات الإبيزا كلها vw ،، والبونتو مش محتاج أتكلم برده عليها وال٢ تقفيل ممتاز

وأنا عن نفس لو هختار بينهم هختار البوتو إيفو .. عل الرغم من إني بعشق الإبيزا بس بصراحة أنا شايف إن البونتو مميزاتها أكتر من الإبيزا وسعرها أفضل كمان

ولو المقارنة بين البونتو ايفو الفئة الاخيرة اللى فيها كل الكماليات واوتوماتيك وسعرها 106,000الف جنيه والابيزا 1600سى سى ب 120 الف جنيه يبقى ايه افضل

المشاركة الأصلية كتبت بواسطة onz

لو ها تشتري ابيزا ماتفكريش في ابيزا 1.4 الايفو احسن منها ( كنت هاشتري الابيزا الاول )
من الاخر
ها تشتري ابيزا يبقي اعلي فئة 1600cc
هاتشتري ايفو (مواتير مش للشد و الخرز و الجري ) بس تستحمل جااااااااامد ( مش حاجة جديدة علي فيات )
كنت النهارده ( انا + اربعة في العربية + التكيف ) ما شاء الله العربية تسارعها كويس بالنسبة للفئة بتاعتها
و كمان حاجة مهمة اوووووي ( مش هاتحك معاك في المطبات خااااااااااااالص )

شكرا لحضرتك

المشاركة الأصلية كتبت بواسطة john_samy_1

ده ال1.6 ال1.4 بتنزل من غير كاسيت ومكان 4 سماعات فقط


حسب حضرتك عايزة إيه من العربية.
اللي الibiza هتديه لحضرتك مكونات الماني, تكنولوجيا عالية في الثبات وناقل الحركة, نعومة في الأداء, محرك وتسارع اقوي بكتيييير, توكيل محترم.
اللي الevo هتديه لحضرتك سعر ارخص, كماليات أكتر ( جنط و blue and me و مسحات تخذين في الفرش فقط علي ماعتقد )

الباقي تقريبا العربيتين متميزين فيه يعني اعتمادية وتقفيل وراحة وحجم وتوفير بنزين واحد.

يصراحة الاتنين احلى من بعض والفيصل لما نشوف الاتنين فى معرض ورأى الاغلبية ساعتها ها يخلينا نقرر ايفو ولا ابيزا 1600 ...لكن متشكرة جدا على اهتمام حضرتك وكل الاخوة اللى ساعدونى فى تكوين فكرتى واخذ القرار

وكل عام وانتم جميعا بخير

المشاركة الأصلية كتبت بواسطة sherlock

سوء استخدام بمعنى عدم الالتزام بمواعيد الصيانه للعربيه او انك تعمل صيانه العربيه بره التوكيل , تركيب اى كماليات برضه بره التوكيل و اى ميكانيكى يلعب فى الكهربا او الموتور , دا سوء استخدام .

ذراعين ورا الدركسيون ؟ لأ مفيش .. تقصد عتلات التسقيط ؟ لأ برضه .

هو جون فين

الف شكر يا باشا
طيب انا ظروفى انى بعيد عن القاهره
يعنى علشان انزل اعمل صيانه هاخدلى بتاع 7 ساعات مشوار
كده اصرف نظر عن العربيه ولا العربيه تستاهل وخصصوصا انها عاجبانى كمان
وهل الشوارع التكسره مش هتعب العربيه؟؟؟؟؟؟

المشاركة الأصلية كتبت بواسطة john_samy_1

بالنسبة للibiza فـهي الصراحة عربية تحفة والتوكيل اجازته الحد فانتا ممكن تيجي الجمعة. بس موضوع المشوار ده حاجة حضرتك اللي تقدرها. يعني إنت تستحمل إنك كل 10,000 كيلو تضرب مشوار 7 ساعات ( تقريبا 800 كيلو صح؟ ) ده حاجة ترجعلك وترجع لظروفك. وأنا سامع من كل اللي معاه ibiza من 2000 وإنت طالع إنهم مش بيعملوا في العربية حاجة غير الصيانة الدورية.
العفشه بتاعت الibiza عن تجربة اسد في كل أنواع الطرق وعربية جامدة حتى في الطرق المكسرة. هي ديتها كل 10,000 تربيط عفشه وخلاص. هي عربية اعتمادية جدا وكل مكوانتها الماني. بس هي العفشه بتاعتها رياضية عشان الثبات على السرعات العالية فـهتكون ناشفه مش مريحة في المطبات. فـلو حضرتك اغلب الوقت سفر أو طرق ممهدة الibiza عربية هتكون حلوة جدا. بس في الطرق المكسرة هتحتاج عربية عافشتها انعم وتاخد وتدي مع تكسير الشارع وتكون اريح. Ibiza عربية أكتر منها رياضية عن إنها تكون عربية عائلية.

انا معجب جدا باسلوب حضرتك فى الكلام و خاصتا الحياديه الشديده فى كلامك :)
عربية حضرتك تحففه ما شاء الله ربنا يباركلك فيها :) اجبرتنى احترمها و احبها برغم حبى و عشقى لفيات :)