تجربة استهلاك البنزين

**ibiza50** · 22-09-2010 10:57 AM

اصدقائى الايبيزاوية

السلام عليكم و رحمة الله و بركاته

حبيت اعمل تجربة علشان اقيس استهلاك البنزين فى عربيتى خصوصا بعد حوالى 12 سنة من الشغل الشاق و هو عمر العربيه
عربيتى ابيزا 98 موتورها 1000cc فيها تكييف و باور و ماشى بيها اكتر من 200 الف كيلو وعملت التجربة دى داخل البلد و ان شاء الله هكرر التجربة دى فى السفر و ابلغكم بالنتيجه
المسافة المقطوعه فى التجربة 406 كيلو متر
البنزين المستهلك خلال المسافة 35.4 لتر بنزين
البنزين المستخدم 92
ظروف القيادة اثناء فترة التجربه هى ظروفى العاديه و هى انى بروح الشغل فى الصباح من م الجديده الى المهندسين فى حوالى نصف ساعة تقريباً و فى العوده حوالى ساعة و نصف و كلها واقفه سواء شارع البطل احمد عبد العزيز او كوبرى اكتوبر او حتى صلاح سالم
و كلها على الاول تقريباً و الجزى الاخير من اكتوبر ممكن اجيب الثالث مره
النتيجه ان الاستهلاك العربيه تقريباً 8.77 لتر لكل 101.5كيلو فى زحمة شديده و مع تشغبل التكييف

احب اضيف ان استهلاك السياره المدون فى الكتالوج الخاص بها ان الاستهلاك داخل المدينة 7.8 لتر لكل 100 كيلو (بدون باور او تكييف) وملاحظه ان البنزين المستخدم فى قياسات المصنع هو 98 او 95 ومكتوب على غطاء تنك البنزين نوع البنزين ده
و خارج المدينه 5 لتر لكل 100 كيلو

ارجو انى اكون قدرت افيدكو بتجربتى

مع تحياتى محمد مصطفى

**soficom** · 22-09-2010 03:00 PM

مش هقول غير ماشاء الله على عربيتك وتفضل كده طول عمرها عشان هوار البنزين والاستهلاك ده بيخلى الواحد هيطلع من هدومه وشكرا على الاحصاء الجميل والفريد والدقيق

**Ahmad** · 22-09-2010 03:03 PM

شكرا لمشاركتك,

بالنسبة لي الاستهلاك قريب من استهلاك عربيتك.
عربيتي بتعمل حوالي 240- 270 كم/الصفيحة(20 لتر).
يعني حوالي 8 لتر / 100 كم في المتوسط.
بنزين 92 ,تكييف, داخل المدينة.

معنديش قراءة جديدة لاستهلاك البنزين علي طريق سفر.
اخر مرة من حوالي سنتين عملت 300-320 كم/الصفيحة في السفر يعني حوالي 6.5 لتر / 100 كم في المتوسط.

الموتور 1000 سي سي. عامل حاليا 145,000 كم.

أحمد

**ibiza50** · 23-09-2010 11:10 AM

اشكركم على ردكم و حاجه جميلة ان كل واحد يكتب عن تجربته مع عربيته

**windofchange** · 24-09-2010 03:04 PM

حاليا الصفيحة تقريبا عاملة 158 كيلومتر وسط البلد موتور 1.6 انجيكشن بس لسه مغيرتش بوجيهات والشكمان لسه مركبش والإنجكشن والبوابة عايزة تتنظف وربنا معانا موضوع جامد يا محمد باشا

**ehab_mansour** · 25-09-2010 09:09 AM

المشاركة الأصلية كتبت بواسطة windsofchange

حاليا الصفيحة تقريبا عاملة 158 كيلومتر وسط البلد موتور 1.6 انجيكشن بس لسه مغيرتش بوجيهات والشكمان لسه مركبش والإنجكشن والبوابة عايزة تتنظف وربنا معانا موضوع جامد يا محمد باشا

كتييييييييييييير جدا يا ايهاب علي ال 1600 مهما كانت اعمل السيرفس المطلوب وظبط الدنيا لأنها كده خراب بيوت

**ehab_mansour** · 25-09-2010 09:18 AM

جزاك الله خيرا علي نقل التجربة اخي محمد مصطفي
علي العموم انا معايا نفس السيارة ولكن بدون تكييف او باور
وللأسف لم أستطع عمل تفويلة كاملة داخل المدينة او خارجها ولكن علي العموم انا متوسط استهلاك السيارة عندي من وقت ما جبتها وحتي الأن هو تقريبا من 315 الي 320 كيلومتر في الصفيحة (بفضل الله )لأني حتي الأن عملت بيها تقريبا 84800 كيلومتر وصرفت فيهم بنزين ب 9694 جنيه تقريبا كلهم بنزين 92 بسيط جدا جدا لما كنت أستخدم 90 لظروف عدم توافر ال 92 ولما تحسبهم تلاقي اللتر بيعمل 16.1 كيلو متر تقريبا وده لأني عامل اكسيل شيت خاص بالسيارة من وقت شرائها بسجل فيه كل شيء يخصها ليكون مرجع لي في اي وقت ولأني أيضا أستخدم سيارتي كثيرا للسفر للشغل والحمد لله علي النعمه وربنا يبارك لي فيها ويرزقنا من فضله
والله المستعان

**SYD** · 16-04-2011 05:59 PM

المشاركة الأصلية كتبت بواسطة ehab_mansour

جزاك الله خيرا علي نقل التجربة اخي محمد مصطفي
علي العموم انا معايا نفس السيارة ولكن بدون تكييف او باور
وللأسف لم أستطع عمل تفويلة كاملة داخل المدينة او خارجها ولكن علي العموم انا متوسط استهلاك السيارة عندي من وقت ما جبتها وحتي الأن هو تقريبا من 315 الي 320 كيلومتر في الصفيحة (بفضل الله )لأني حتي الأن عملت بيها تقريبا 84800 كيلومتر وصرفت فيهم بنزين ب 9694 جنيه تقريبا كلهم بنزين 92 بسيط جدا جدا لما كنت أستخدم 90 لظروف عدم توافر ال 92 ولما تحسبهم تلاقي اللتر بيعمل 16.1 كيلو متر تقريبا وده لأني عامل اكسيل شيت خاص بالسيارة من وقت شرائها بسجل فيه كل شيء يخصها ليكون مرجع لي في اي وقت ولأني أيضا أستخدم سيارتي كثيرا للسفر للشغل والحمد لله علي النعمه وربنا يبارك لي فيها ويرزقنا من فضله
والله المستعان

والله ياباشا انت موضوعاتك بتعجبني جداو حابب اتعرف عليك وخصوصا انك تقريبا جاري، صحيح انا ساكن في الهرم بس انا كنت ساكن في منشية التحرير
انا معايا ابيزا 99 وبالنسبة للاستهلاك فهي عملت معايا حوالي 8.3 كم لكل لتر بنزين بمعني 250 كم ب 30 لتر 92 في ظروف قاسية جدا داخل المدينة المزدحمة جدا في شارع فيصل الجميل واشارة جنينة الأورمان الرائعة وشارع التحرير المذهل وشارع مراد المرعب.

**ehab_mansour** · 19-04-2011 07:40 PM

المشاركة الأصلية كتبت بواسطة syd

والله ياباشا انت موضوعاتك بتعجبني جداو حابب اتعرف عليك وخصوصا انك تقريبا جاري، صحيح انا ساكن في الهرم بس انا كنت ساكن في منشية التحرير
انا معايا ابيزا 99 وبالنسبة للاستهلاك فهي عملت معايا حوالي 8.3 كم لكل لتر بنزين بمعني 250 كم ب 30 لتر 92 في ظروف قاسية جدا داخل المدينة المزدحمة جدا في شارع فيصل الجميل واشارة جنينة الأورمان الرائعة وشارع التحرير المذهل وشارع مراد المرعب.

جزاك الله خيرا وانا في الخدمه اي وقت

الموضوع: تجربة استهلاك البنزين

LinkBack

أدوات الموضوع

عرض

-

-

-

-

المواضيع المتشابهه

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة