استهلاك البنزين 92 للنوبيرا عالى بدون تكيف داخل القاهرة+لمبة البنزين

**TAMERMAKRAM** · 03-11-2008 03:12 PM

سلام عليكم جميعا الرجاء الافادة
1- بنسبة لاستهلاك البنزين وانا بمون بنزين 92 هو فى الطريق الطويله سفر بيعمل معايا 16 ك كل لتر داخل القاهرة 6.25 ك كل لتر وكل ده بدون تكيف هل هذا طبيعى العربية موديل 2008 شهر فبراير وعامل الان 9500 ك بلاضافة الى ذلك فى بعض الناس سمعت منهم انه بيتم تغير الرشاشات بى رشاشات بى ام دبى او هونداى هل هذا الكلام صحيح ياريت حد يحكى تجربة شخصية خاصة بى النوبيرا.
2-بنسبة لمؤشر الحراة بياخد وقت طويل جداعلشان يتحرك من مكانة من ساعت ما جبت السيارة وغالبا بسيب العربية 3 دقائق وبعدين بامشى وبعد ما امشى بى مسافة 4 كيلو تقريبا يبداء يتحرك العداد
3-لمبة البنزين كانت شغالة لما ستلمت السيارة وفجاء بقيت لم تنور عند انتهاء البنزين حتى وصل انى رحت مونت 60 لتر يعنى كان فيها 2 لتر ولم تنور
ملحوظة انا ركبت فرش لسيارة وفك الكنبة الخلفية هل يكون لده علاقة على العلم انى لما رحت ابو رواش وشكوت من الموضوع ده قالى انه حل المشكل ولازم امون من جديد علشان المبة تضياء وسمعت كلامة وفولت السيارة ولكن لم تعمل تانى
فا ارجو الافادة وجزاكم الله كل خير

**TAMERMAKRAM** · 03-11-2008 06:22 PM

برجاء من الاستاذ الكبير المحترم محمد ممدوح الافادة

**Ahmed Selim** · 03-11-2008 06:33 PM

لحد لما يرد محمد......
أستهلاك البنزين جوه القاهرة بدون تكييف عالى قوى........أنا معايا ميجان بتعمل 160 فى الصفيحة مع التكييف جوة القاهرة ( 8 كم فى الليتر و أحياناً 7.5 كمان....بس بالتكييف )

ونصيحة......انت عربيتك زيرو......متفكرش تغير حاجة فيها مش بتاعتها ووديها التوكيل وخليك معاهم لحد لما المشكلة تتحل

بالنسبة للبمة البنزين.....برضه فى حاجة مش طبيعية....أرجعلهم ومتسيبهمش

**Ahmed Selim** · 03-11-2008 06:40 PM

المشاركة الأصلية كتبت بواسطة kemoelord

اسمع انه بيكون 4 لتر

معتقدش أنه يكون أقل من 8 الى 10 لتر لأن بفرض أن اللتر بيمشيك 10 كم تبقى حسبة 80 الى 100 كم على ما العربية تقف

أنا بتكلم عن العربيات اللى موتورها 1600 وبالتالى سعة التانك بتبقى من 45 الى 60 لتر....والأحتياطى بيبقى نسبة وتناسب مع سعة التانك

**TAMERMAKRAM** · 04-11-2008 11:51 AM

متشكر جدا لكل الاعضاء الى ردو عليا وجزهم الله كل خير

الاستهلاك بتاع الميجان ده الى كنت بحلم بيه خصوصا انا لما اشتريت النوبيرا كنت فاكر انها هتكون مثل باقى الموتير الحقن الاكترونى لانى كان معى قبلها شاهين وكان استهلاكها افضل داخل القاهر مش عارف يمكن علشا كان الموتور بتاعها 1300 وبعدين كا التنك بتعا 45 لتر كنت بى 40 لتر باعمل 370 كم وفى السفر التر كان بيعمل معايا 13 كم وبعدين النوبير التنك بتعها 62 لتر وبمون 55 لتر بيكون عامل معايا 350 كم يعنى فى العشرين لتر 116.66 كم ( الصفيحة )

حتى لو حد لحظة فى الفترة الاخير سائقين التكسى القديم بقو يبدلو السيارت موديلات مش عارف كام القديمة حسب خطة عملها الدولة بسيارت جديد شوفت كام واحد جاب نوبيراوعملها تاكسى وبعدين لقيت من الناس دول كاتبين عليها للبيع ولما سائلتهم ليه بتبيع طبعا شاف معايا سيارتى قالى يبيه مش عارفين ناكل منها عيش علشان البنزين فهل موديل 2008 الى فيه الموضوع ده لانى لما كنت بشترى محدش اشتكى خالص من البنزين وبعد كده لقتها شكوة عامة ولو شغلت التكيف بلاقى الموشر والله العظيم بينزل امام عينى بى يعنى كنها بتشرب بنزين فل لسيارة ممكن تكون مش مظبوطة على السرعات المنخفظة مثلا ومظبوطة على السرعات العاليا .
اسف للاطالة وارجو الافادة لكل الاعضاء

سبحانة الله وبحمد سبحان الله العظيم

**Ahmed Selim** · 04-11-2008 12:15 PM

المشاركة الأصلية كتبت بواسطة lakany

المقياس الحقيقى لاستهلاك العربيه هو فى السفر و الاستهلاك داخل المدينه لا يصلح معاه مقياس القاهره لان القاهره ذات طبيعه خاصه يعنى ممكن تمشى مسافة 1ك فى ساعه و ممكن تمشيها فى 2 و ده لا يصلح معاه مقياس الاستهلاك اما 16 ك فى السفر ده رقم كويس اما مؤشر الحراره ده طبيعى انا معايا نوبيرا 2008 برضو و فيها نفس الحكايه

+1

بس برضه ما أنا بقارنله بميجان يعنى نفس السعة اللترية وبرضه فى القاهرة....يعنى المفروض الأستهلاك يكون متقارب
بس أنا أستهلاكى أقل مع أنى مشغل التكييف

**mr_kenawy** · 04-11-2008 03:36 PM

عربيتى نوبيرا 2006 بتعمل 8 كيلو لكل لتر جوه البلد , مؤشر الحرارة طبيعى جدا كدة , لمبة البنزين بتنور متأخر اصبر عليها , و على فكرة التنك بياخد اكتر من 62 لتر يعنى حوالى 64 لتر , انا مرة مونت 63 لتر.

-

-

الموضوع: استهلاك البنزين 92 للنوبيرا عالى بدون تكيف داخل القاهرة+لمبة البنزين

LinkBack

أدوات الموضوع

عرض

-

-

-

المواضيع المتشابهه

استهلاك البنزين عالى

استهلاك عالى جدا فى البنزين

استهلاك البنزين عالى

استهلاك عالى فى البنزين

استهلاك البنزين عالى جدا

الكلمات الدلالية لهذا الموضوع

المفضلات

المفضلات

ضوابط المشاركة