معدل استهلاك البنزين والعوامات بتاعة عدادات البنزين ؟

**jant** · 02-03-2009 06:53 PM

اعمل ايه يا جماعه الموضوع ده تانى مره اكتبه السياره فيات تيبو واستهلاكها للبنزين كتير جدا
وعوامات العداد بتاع البنزين مش مظبوط اعمل ايه بس الله يخليكم اصحاب الخبره
احسن انا فلست من كتر افتكاسات الناس
بس انا واثق فى المنتدى ده انه حيفيدنى
اه صحيح كهربة العربيه كمان عايز اظبطها اروح البنزينه يظبتوهالى على الجهاز ب 35 جنيه ولا اشتغالات

**ahmedsrs** · 02-03-2009 08:42 PM

يعنى ايه المشكلة بالضبط فى العوامة ولا الأستهلاك والعربية عندك انجكشن ولا كربيراتير وايه الى غيرته قريب فيها

**jant** · 02-03-2009 09:57 PM

العربيه كاربراتير 1400 سي سي
غيرت فيها زيت ماتور وسيور وفلاتر ونضفت الكاربراتير وفلتر الهواء وبوجيهات
المشكله فى الاتنين الاستهلاك كتير والعوامات مش بتقيس صح

**aYaBooY** · 02-03-2009 10:02 PM

العوامة تروح لواحد كهربائي كويس و يفضل متخصص عدادات
يفك العوامة ينظفها و يشوف هاتشتغل و لا تجيب جديد

استهلاك البنزين لازم تظبط كرباتير كويس و ممكن تغير البيكات

**jant** · 02-03-2009 10:26 PM

شكرا يا باشا ربنا يكرمك بس اظبط كربراتير كويس ازاى ؟
وايه هى البيكات

**Samir Elshahawy** · 02-03-2009 11:48 PM

المشاركة الأصلية كتبت بواسطة jant

شكرا يا باشا ربنا يكرمك بس اظبط كربراتير كويس ازاى ؟
وايه هى البيكات

البيكات في الكربراتير بأختصار هي:
فتحات دقيقة مسؤلة عن مرور البنزين و الهواء بنسب معينة ليتم خلطهما معا قبل دخولهم الي غرفة الأحتراق

و من خلال ضبط البيكات بأدارتها (عدد لفات معينة ) يتم التحكم بهذه النسب

و طبعا الامر يحتاج الي صنايعي متخصص و فاهم

**dr_timo** · 03-03-2009 12:49 AM

بص ياباشا انت بتقول ظبط كاربيراتير فياريت لو كان الظبط دة عند متخصص كاربيراتير عشان بيفهم اكتر من الميكانيكي في الكاربيراتير واللي بيتظبط بيك كدة للبنزسين بيتغير ودة رخبص جدا وفي حاجة تانية ممكن تكون هية السبب وهية انك تكون بتمشي بيها مشاوير صغيرة كتير يعني انا مثلا عربيتي في اللتر عالسريع بتمشي اتناشر كيلو لكن مشاوير صغيرة بقي ها وجمب البيت اللتر يمشي بتاع خمسة ستة كيلو ودة طبيعي فانت لو رحت بتاع كاربيراتير حتي وقولتله استهلاكي عالي هيعمل معاك تجربة حلوة كدة هيديك جركن صغير سعته لتر ويوصله بخرطوم للعربية وتمشي علي طريق سريع وتشوف الجركن اللتر دة خلص اد اية وتشوف مشيت بيه كام كيلو مع خصم كيلو لحبة البنزين اللي بيبقو في الفلتر والكاربيراتير وبردو ظبط الكهربا ودي سهلة اوي عند اي ميكانيكي مش لازم مركز ولا بنزينة يعني

**jant** · 03-03-2009 08:48 PM

تسلموا يا رجاله انا كده ان شاء الله حشوف واحد بتاع كربراتيرات نظيف وانظف عنده الكاربراتير واقوله يظبتلى البيكات
واشوف كهربائى يظبتلى العوامات اللى قارفانى دى كمان
هل كده فى حاجه تانيه ناقصه ؟ علشان اظبط البنزين ؟
كهربة العربيه مثلا ؟ الكتاوت ؟