مين قال ان السرعه القصوى للساجا 175 ؟؟؟ ادخل وشوف

**vsaga** · 26-09-2010 01:07 PM

للاسف على ما اللى جمبى صحى وصور زى مانتوا شايفين فى الصورة كنت هديت شوية فجت على ال 180 لكن انا كنت على طريق العالمين يارجالة بالساجا مانيوال مقفل العداد 200
كنت الفجر والشمس لسة بتشقشق والطريق لوز لوز مفيش ردار وراجع من مرسى مطروح خدت من مرسى مطروح لمارينا طريق 185 كيلو فى ساعه ده كنت على 160 عشان كنت لسة مقلق من الضلمة شوية لكن اول ما وصلت على طريق العاملين كانت الشمس شقشقت خدت من العالمين من ادام مارينا لحد الصحراوى فى ساعه الا عشر دقايق
موتور الساجا بيزعق اوى لحد اما بيوصل ل 175 لكن بعد اما بتعدى السرعة دى بتلاقى صوت الموتور اختفى تمام لحد ال 200 ومفيش غير صوت هوا
طبعا انا كنت ساعتها قافل الازاز ومن غير تكيف اكيد لان الجو كان حلو
العربية على ال 200 ثابته يعنى لا بتجى منك يمين ولا شمال ولا بتعوم بس طبعا خفيفة بس كنت ايدى ثابته على الدريكسون وهى ثابته فى الحارة اللى ماشى فيها
فى النهاية احب اقول تحيا الاخوة الماليزين على الابداع اللى وصلوا ليه وقدموا لينا عربيات بالشكل ده وتحية خاصة للساجا وتحيا لكل الناس على المنتدى

**Tayer** · 26-09-2010 01:20 PM

أمال الجين تعمل أيه لما الساجا عملت كده
نفسى أجيب التوب سبيد بس مش لاقى طريق يساعدنى

**vsaga** · 26-09-2010 01:23 PM

اسف نسيت احط الصورة

**YoussefMostafa** · 26-09-2010 01:53 PM

بسم الله ماشاء الله اداء هايل علي 1300 سي سي

بس ملاحظتي علي الفتيس المانيوال

انه بيجيب 90 علي 3000 لفة وده كتير اوي

عموما هي عربية حلوة وربنا يباركلك فيها

**vsaga** · 26-09-2010 02:00 PM

ياريس عندك طريق العالمين جيب عليه لحد 300 لو عايز طريق زى المسطرة

**vsaga** · 26-09-2010 02:01 PM

ربنا يبارك فيك بس اسف انا مش فاهم يعنى ايه بيجيب 90 على 3000 لفة؟

**MoMohsen** · 26-09-2010 02:16 PM

بس انا ملاحظ ان الار بى ام على 6 ودة و سرعتك 180 كم يعنى لو انت كنت ماشى على 200 هتلاقيه وصل لـ7 ودة مش كويس على موتور عربيتك انك تمشى مسافه طويله على ار بى ام عالى كدة.
وعلى فكرة طالما عربيتك مانيول انت ممكن تقفل العداد لكن لو اتوماتيك اعتقد اخرها 175-180 كم

**sayed911** · 26-09-2010 02:19 PM

والله عداداتها شكلها حكاية جدا ولكن سؤال بقى مستفز شوية ههه اخبار البنزين ايه بعد السرعة اللي كنت ماشي عليها دي يعني اخدت كام لتر وكفوك قد ايه يا اخي وآسف جدا على الإزعاج :d

**vsaga** · 26-09-2010 02:24 PM

يعنى على 200 برضه مكنش وصل اوى لسبعه بس انا طبعا مش ماشى طول الطريق على السرعه دى دى كانت بتجى معايا كده ثوانى وبعد كده بنزل امشى عادى مابين 140 و 160 وربنا يسترها علينا

**Dr.Islam** · 26-09-2010 02:25 PM

ما شاء الله, ربنا يستر طريقك.
هو قصدو العربية بتجيب السرعة 90 و الrpm على 3

الموضوع: مين قال ان السرعه القصوى للساجا 175 ؟؟؟ ادخل وشوف

LinkBack

أدوات الموضوع

عرض

-

-

-

-

-

المواضيع المتشابهه

السرعه القصوى كام ؟

السرعه القصوى 160

السرعه القصوى للكليو

السرعه القصوى للبومة

السرعه القصوى للصني

الكلمات الدلالية لهذا الموضوع

المفضلات

المفضلات

ضوابط المشاركة