الموضوع: السرعه القصوى 160

كل سنه وانتو طيبين
الموضوع باختصار انى كنت فى طريق العين السخنه بالعربيه الابيزا 94 موتور 1400 وكان الطريق كويس جدا الصراحه قولت اجيب اخر العربيه ديه واشوف هتجيب كام سرعه وكام حراره
الحمد لله وصلت ل 160 وكان الار بى ام على 5000 تقريبا بس الغريب ان الحراره كانت على اول شرطه لدرجه انى قولت ان الترموستات بتاعها بايظ بس بعد كده افتكرت ان كان فى يوم حر قوى والمؤشر كان معدى للنص
ما علينا
انا عاوز اعرف ان ال 160 والار بى ام على 5000 تقريبا ده كويس ( اصلى اول مره اجيب ااخر الدواسه بتاعت البنزبن ) للعلم صحيح انا كنت مخلط بنزين 80 على 92 يعنى تقريبا التلت 80 والتلتين 92 وشكرا
ربنا يستر طريقى وطريقكم

الخلاصه ياجماعه فى موضوع الحراره لما تكون ماشى بسرعه
الحل بسيط جدا فى ترموستات بتبقى فى شجره المياه ده بتحافظ على درجه حراره الماتور لما درجه الحراره بتوصل تقريبا ل 80 بتفتح الترموستات علشان الدوره تمشى ولما تكون العربيه ماشيه بسرعه والحراره تقل الترموستات بتقفل علشان تحافظ على درجه حراره الماتور والمشكله عندنا فى مصر ان كل الصنايعيه بيشيله الترموستات علشان الماتور ميسخنش وده غلط والكلام ده عن تجربه شخصيه ولازم تركبه الترموستات وهى تمنها جديده بحوالى 70 جنيه ولو تعرف تجبها استيراد يبقى احسن وخلى بالكو ترموستات المروحه غير ترموستات شجره المياه
م/احمد عشوب