غسيل العربية من تحت...........؟

**MBhead** · 27-12-2010 01:28 AM

يا جماعة انا حقولك ليه العربية بتصدا بالتفصيل بس هوا موضوع كيميائي بحت
الحديد او الصاج بيصدي عشان(بتاكسد) بيتحد مع الاوكسجين الرطب و الاوكسجين موجود في الهواء و في المياه و في كل حاجه فطبعا البويه بتبقي طبقة عازله الصاج عن الاكسجين بس اول بتروح الطبقة العازلة بيتحد الحديد مع الاوكسجين و يكون مادة جديد اكسيد الحديد اللي احنا بنقول عليه بارومة او صدا
اما المعالجة في منها نوعين علي حد علمي نوع بوضع مادة عازلة تحت البويه زي ماقال العضو الفاضل heshamzaky او بالمعالجة بالكهربا و تغيير شحنات عنصر الحديد عشان ميتحدش مع الاوكسجين
طبعا معظم العربيات الجديد متعالجة كهربا و العربيات القديمة زي عربيتي متعالجة بمادة عازلة و طبعا العوامل الجوية و الكلام دا بتاثر في خصائص المادة ف بالتالي عربيتي ممكن اقلاي فيها بارومة فبحاول اتفادي الموضوع دا و اهتم بالبويه شويه يعني اعمل بولش و واكس لان الواكس عازل
و العازل دا بيبقي مادة مش بتتحل بالمياه مثل زي الشحم كده عايز مذيب عضوي زي البنزين او الجاز يعني المياه مش حتاثر فيه و الواكس دا شمع فا حيعزل البويه عن الجو
بالتالي لو دهنا الصاج بالشحم عمر البارومة ماتصلوا و طبعا في البيتومين و السالاؤن و حاجات كتير
اما العربية من تحت في ناس بتحط شحم و ناس تانية بتجيب بلاك من بتاع البيوت دا بس بيبقي مختلف شويه بيبيقي زي شرايح كده او ورق كبير بتلزقه و ب البوري(البوري دا بيبقي عند السمكريا بيحرقوا بيه البويه) تعد تسحنه و تشد بايدك كده بطول معاك و يلزق و دا طبعا عمره مايوصل رطوبه و لا اي حاجه(بس دا غالي) و في كمان البويه الديلوكس بتبقي شبه الانتركوت كده لونها اسود مط و شكلها غريب شويه بيرشوا بيها الشاسيه عشان الديلوكس شحيم(كثيف) و بيلزق مش بيطلع بسهوله ....بس العربيات الجديد بتنزل فيها انتركوت من تحت فا كل الكلام دا مش ملهوش لازمه الكلام دي في العربيات القديمه
انا ده كل اللي اعرفه عن البارومه لو انا كاتب حاجة غلط يصححلي
ارجو اكون افدتك

**heshamzaky** · 27-12-2010 03:58 AM

ممكن تشوف اللينك دة كدة http://www.nilemotors.net/Nile/83786-a.html

**azmeralda** · 27-12-2010 05:03 PM

تمام فعلا اخر حاجة وصلتلها ان العربيات الجديدة فى طبقة filler تحت البوية وبعدها طبقة تانيةكمان
اما من اسفل معنديش فكرة

**gassarian** · 27-12-2010 10:18 PM

أنا نفسي أعرف يعني إيه عربية جديدة؟؟؟
يعني من موديلات كام؟؟؟
يعني النوبيرا بتاعتي دي متعالجة و لا أحاسب من البارومة لا تاكلني؟؟

**SkyBird** · 28-12-2010 10:42 PM

المشاركة الأصلية كتبت بواسطة gassarian

أنا نفسي أعرف يعني إيه عربية جديدة؟؟؟
يعني من موديلات كام؟؟؟
يعني النوبيرا بتاعتي دي متعالجة و لا أحاسب من البارومة لا تاكلني؟؟

سؤال ممتاز
و اللانسر 99 قديمة ولا جديدة ؟

**MBhead** · 29-12-2010 12:16 AM

انا الصراحة معنديش فكرة عن العربيات الجديدة و ايه اللي متعالج و ايه اللي مش متعالج
بس انا عربيتي مرسيدس موديل 79 و متعالجة و فيها انتركوت كمان فاظن العربيات الجديدة متعالجة اكيد ممكن حضرتك تسال بردو عشان انا بركب كلاسيك فخبرتي علي ادي في العربيات الجديدة

**heshamzaky** · 29-12-2010 12:20 AM

المشاركة الأصلية كتبت بواسطة gassarian

أنا نفسي أعرف يعني إيه عربية جديدة؟؟؟
يعني من موديلات كام؟؟؟
يعني النوبيرا بتاعتي دي متعالجة و لا أحاسب من البارومة لا تاكلني؟؟

المشاركة الأصلية كتبت بواسطة skybird

سؤال ممتاز
و اللانسر 99 قديمة ولا جديدة ؟

اعتقد بنسبة 99 بالمائة معالجين طبعا ضد الصدأ

**gassarian** · 29-12-2010 09:16 PM

العربيات اللي مش متعالجة...مفيش طريقة نخليها متعالجة أو حاجة نعملها لها تبقى محمية من البارومة زي المعالجة؟؟؟؟؟

**Omar_H** · 30-12-2010 11:31 PM

أنا كنت عايز أسأل يا رجالة هو إيه لازمة غسيل العربية من تحت ؟ يعني هل ليه فوايد ؟ أصل تقريبا عمري ما غسلت العربية من تحت

**azmeralda** · 01-01-2011 04:44 PM

يا خبر:)
المفروض ان وانت ماشى والدنيا شاتية الطين والماء على القل طرطش ومسك فى الصاج من تحت وبمرور الوقت هو ده اللى بيعمل بارومة
يعنى مبتوديهاش المشحمة بعد الشتا؟