رابطة مالكي وعشاق التمبرا (الجزء الثالث)

**ahmdeka** · 13-12-2010 11:54 AM

المشاركة الأصلية كتبت بواسطة mikology

مساء الفل يا جماعه
يا جماعه انا غيرت طلمبه الباور و جبتها من اللى اسمه الباز ده
وغيرتها لسببين
اولا الصوت : كنت بسمع صوت زنه خفيفه
ثانيا: وانا ماشى الاقى الدركسيون حجر شويه و بقى يلف على مراحل - اكنت فى ترس مش معشق فى ترس فاهمين ؟؟
___________
دلوقتى الصوت راح خالص و ميه ميه - النهارده وانا مروح بقى - الاقى الدركسيون بردو بيتقل و يحجر و نفس اللى كان بيحصل فى الاول بالظبط

يا جماعه ده عيب ايه - مع العلم ان الطلمبه شغاله كويس و بتقلب تمام ومفيش زن - ومازل العيب قائم - من ايه ده يا رجاله - حدش عنده علم ؟؟

ومش عاوز افك و اروح ارجعها والاقى العيب تانى - ومأخدتش من الليله دى غير العطله و تضيع الوقت و الفك و التركيب

صباح الفل يا مايكل
ان شاء الله الموضوع سهل كل اللى هنعمله هنخلى الميكانيكى يفك خرطوم الضغط وبعدين ننفخه بالهواء كويس ونغير الزيت وبعدين نركب الخرطوم تانى
او لو الخرطوم فيه سدد يبقى يتغير
انما الطلمبه تمام ياباشا

**mikology** · 13-12-2010 12:02 PM

صباح الفل يا ابو حميد
طيب تمام - فين خرطوم الضغط ده بقى عشان اوريهوله - اصل الميكانيكى بتاعى ...... تقيله - لازم ابوس ايديه عشان يشتغل
للمعلوميه انا لما غيرت الطلمبه غيرت الزيت
ومش هنتقابل النهارده ولا ايه ؟

**ZALABANY** · 13-12-2010 12:14 PM

عندي حاجه غريبه يا شباب احيانا العربية الاقيها بتنتش على الغيار التاني والتالت لما تكون بارده الصبح اقصد هنا بارده يعني بعد اول شرطه يعني المفروض تبقى مظبوطه حد عنده تفسير انا شكلي هاكيب مشط واجربه عشان القنابل اللي احيانا بتضرب

**ahmdeka** · 13-12-2010 12:34 PM

خرطوم الباور من علبة الدريكسيون الى الطلمبه

o.k فى نفس المكان بس حاول تبدر شويه

**mikology** · 13-12-2010 02:30 PM

يا جماعه الراجل ده محتاج مساعده فى عربيته التمبرا
http://www.nilemotors.net/Nile/190022-91.html

**adelco** · 13-12-2010 02:30 PM

السلام عليكم
ازيكم يا تمبراويه
كلكم واحشنى جدا
مبروك الجزء الثالث وعقبال ال100
اولا احب ابارك لخالد على العربيه الجديده رغم تاخرى فى ذلك بس ملحوقه ربنا يبارك لك فيها ويكفيك شرها
ثانيا احب اعاتب جاليليو واقوله ما حدش بيسيب بيته عشان اخوة زعله
وكمان اعاتب حسنى واقوله ما تتقلش على جاليليو عشان انت محترم وهو محترم بس هو ما بيحبش الهزار هزر معايا انا يا حسنى وما تزعلش جاليليو وما تهزرش مع جاليليو لحسن اجيلك المنصورة
وكمان زاجو نفسى يمسك نفسه شويه واعصابه ما تفلتش منه عشان كده مش كويس ده كده رجليه هتوجعه من الوقف يا اخى المنتدى بيبقى ما لوش طعم من غيرك ما تحرمناش منك
وزلبانى عامل ايه واحشنى جدا وكمان احمد وشوماخر وياسر اللى ما شاء الله مستواة ارتفع بشكل ملحوظ ومايكل اللى الكتكوته مزعلاة وان شاء الله كله يبقى تمام ويبقى الباور زى الفل واخى كوهانا يارب تكون العربيه ماشيه معاك تمام والدكتور حبيب قلبى ربنا يوفقك فى المشروع اللى انت فيه ويتمهولك على خير واسامه اللى سابنا ومش هنسيبه واحشنى يا راجل وعاطف اللى مهندسنا كلنا ومحمد ومحمود وطبعا مش هنسى شيخ المصورين هشام بيه حبيب الكل
وسامحونى لو فى اسماء سقطت منى
المهم انا عاوز طلبين عشان تبقى المشاركه ليها لازمه
الاول حد فكر انه يحط للعربيه فرش جلد فى دواسه العربيه والشنطه لو سمحتوا لو حد عمل كده يدينا فكرة عن التكاليف ومين عمل ايه ومنين وبكام
الطلب التانى عاوز اشترى اكصدام امامى بالفوجات شوفلى يا هشام الموضوع ده ورد عليا الله يخليك
واخيرا هل فى استعدادات معينه الواحد يبتدى يعملها لما الشتا يدخل ولا لا ولو فى ايه هي الاستعدادات دى طبعا الكلام ده على العربيه احسن حد يقولى اشترى بطاطين ولا حاجه
وكل عام وانتم بخير بمناسبه العام الهجرى

**mikology** · 13-12-2010 03:43 PM

نفس الموضوع بردو هنا

**ZALABANY** · 13-12-2010 03:55 PM

المشاركة الأصلية كتبت بواسطة adelco

السلام عليكم
ازيكم يا تمبراويه
كلكم واحشنى جدا
مبروك الجزء الثالث وعقبال ال100
اولا احب ابارك لخالد على العربيه الجديده رغم تاخرى فى ذلك بس ملحوقه ربنا يبارك لك فيها ويكفيك شرها
ثانيا احب اعاتب جاليليو واقوله ما حدش بيسيب بيته عشان اخوة زعله
وكمان اعاتب حسنى واقوله ما تتقلش على جاليليو عشان انت محترم وهو محترم بس هو ما بيحبش الهزار هزر معايا انا يا حسنى وما تزعلش جاليليو وما تهزرش مع جاليليو لحسن اجيلك المنصورة
وكمان زاجو نفسى يمسك نفسه شويه واعصابه ما تفلتش منه عشان كده مش كويس ده كده رجليه هتوجعه من الوقف يا اخى المنتدى بيبقى ما لوش طعم من غيرك ما تحرمناش منك
وزلبانى عامل ايه واحشنى جدا وكمان احمد وشوماخر وياسر اللى ما شاء الله مستواة ارتفع بشكل ملحوظ ومايكل اللى الكتكوته مزعلاة وان شاء الله كله يبقى تمام ويبقى الباور زى الفل واخى كوهانا يارب تكون العربيه ماشيه معاك تمام والدكتور حبيب قلبى ربنا يوفقك فى المشروع اللى انت فيه ويتمهولك على خير واسامه اللى سابنا ومش هنسيبه واحشنى يا راجل وعاطف اللى مهندسنا كلنا ومحمد ومحمود وطبعا مش هنسى شيخ المصورين هشام بيه حبيب الكل
وسامحونى لو فى اسماء سقطت منى
المهم انا عاوز طلبين عشان تبقى المشاركه ليها لازمه
الاول حد فكر انه يحط للعربيه فرش جلد فى دواسه العربيه والشنطه لو سمحتوا لو حد عمل كده يدينا فكرة عن التكاليف ومين عمل ايه ومنين وبكام
الطلب التانى عاوز اشترى اكصدام امامى بالفوجات شوفلى يا هشام الموضوع ده ورد عليا الله يخليك
واخيرا هل فى استعدادات معينه الواحد يبتدى يعملها لما الشتا يدخل ولا لا ولو فى ايه هي الاستعدادات دى طبعا الكلام ده على العربيه احسن حد يقولى اشترى بطاطين ولا حاجه
وكل عام وانتم بخير بمناسبه العام الهجرى

عادل باشا ازيك يارب تكون بخيروصحة
بالنسبه لفرش الجلد انا كنت سألت عليه من فتره عند واحد بتاع كماليات في المعادي ورا مستشفي المعادي العسكري اسمه فرح كان شكله حلو جدا وعاجبنب وعملي جدا في التنظيف كان عنده موعين واحد ب 215 العربية كلها وواحد ب 250 مش فاكر من ضمنهم الشنطه ولا لا وواحد صاحبي عمله عند سروجي ب 100 بس اختار نوع نضيف اهم حاجه وعشان برده ما تبقاش شبه التاكس
بالنسبه للإكصدام الشباب كانوا بيقولو تمنه استيراد بالفوجات 450 بس خلي بالك من حاجه لازم يكون بلو العربية ودي مش مضمونه والا هاتتكلف رش كمان مش اقل من 150 عشان كده انا شكلي هافتح في الإكصدام اللي عندي واشتري الفوجات ب 200 والسلام ختام

**eng_tefa** · 13-12-2010 04:07 PM

المشاركة الأصلية كتبت بواسطة adelco

السلام عليكم
ازيكم يا تمبراويه
كلكم واحشنى جدا
مبروك الجزء الثالث وعقبال ال100
اولا احب ابارك لخالد على العربيه الجديده رغم تاخرى فى ذلك بس ملحوقه ربنا يبارك لك فيها ويكفيك شرها
ثانيا احب اعاتب جاليليو واقوله ما حدش بيسيب بيته عشان اخوة زعله
وكمان اعاتب حسنى واقوله ما تتقلش على جاليليو عشان انت محترم وهو محترم بس هو ما بيحبش الهزار هزر معايا انا يا حسنى وما تزعلش جاليليو وما تهزرش مع جاليليو لحسن اجيلك المنصورة
وكمان زاجو نفسى يمسك نفسه شويه واعصابه ما تفلتش منه عشان كده مش كويس ده كده رجليه هتوجعه من الوقف يا اخى المنتدى بيبقى ما لوش طعم من غيرك ما تحرمناش منك
وزلبانى عامل ايه واحشنى جدا وكمان احمد وشوماخر وياسر اللى ما شاء الله مستواة ارتفع بشكل ملحوظ ومايكل اللى الكتكوته مزعلاة وان شاء الله كله يبقى تمام ويبقى الباور زى الفل واخى كوهانا يارب تكون العربيه ماشيه معاك تمام والدكتور حبيب قلبى ربنا يوفقك فى المشروع اللى انت فيه ويتمهولك على خير واسامه اللى سابنا ومش هنسيبه واحشنى يا راجل وعاطف اللى مهندسنا كلنا ومحمد ومحمود وطبعا مش هنسى شيخ المصورين هشام بيه حبيب الكل
وسامحونى لو فى اسماء سقطت منى
المهم انا عاوز طلبين عشان تبقى المشاركه ليها لازمه
الاول حد فكر انه يحط للعربيه فرش جلد فى دواسه العربيه والشنطه لو سمحتوا لو حد عمل كده يدينا فكرة عن التكاليف ومين عمل ايه ومنين وبكام
الطلب التانى عاوز اشترى اكصدام امامى بالفوجات شوفلى يا هشام الموضوع ده ورد عليا الله يخليك
واخيرا هل فى استعدادات معينه الواحد يبتدى يعملها لما الشتا يدخل ولا لا ولو فى ايه هي الاستعدادات دى طبعا الكلام ده على العربيه احسن حد يقولى اشترى بطاطين ولا حاجه
وكل عام وانتم بخير بمناسبه العام الهجرى

اهلا وسهلا يا استاذ عادل واحشنا والله
والاكصدام بالفوجات كونت شايفه عند كذا محل ب 400
اللون بتاعه غالبا اسود