رابطة مالكي وعشاق التمبرا (الجزء الثالث)

**heshamzaky** · 12-12-2010 08:34 PM

المشاركة الأصلية كتبت بواسطة eng_tefa

اصلى يا استاذ هشام انا فعلا الجزء دا عاجبنى جدا فى الانشيا
واللى عاجبنى اكتر الجزء بتاع العدادات
لو نفع يركب هيبقى هاااااايل

تيفا باشا أزيك أنا كنت بتكلم مع احمد لانشيا على فكرة احمد بيفهم كويس جدا جدا فى العربيات بجد و الله و خبرة ممتازة و كلمتة و هو كمان كلمنى النهاردة بص التابلوة مش حا يركب و أحمد قالى مش حا يركب أنا ممكن أشوفلك صور أوريلك التابلوة راكب ازاى لعلمك الحمد لله التمبرا عربية مصفحة من الداخل بجد مش هزار بس التابلوة مش حا يركب أنا كنت بتكلم عن الجزء الى فية لوحة التكيف و الطفاية و الدرج دول ممكن يركبو و حا نجرب بس قول يا مسهل

**kohana** · 12-12-2010 08:34 PM

طيب الحمد لله
وابقى سلم لى عليهم كلهم

**heshamzaky** · 12-12-2010 08:36 PM

المشاركة الأصلية كتبت بواسطة juventus

بمناسبة الحديث عن السبويلر دي صورة الاسبويلر اللي بيركب على التمبرا بس مش عارف ممكن يتجاب منين

دة واطى جدا يا احمد مش حا يبقى حلو الى فى صورة التوقيع بتاعك احلى بكتير

**ahmed79** · 12-12-2010 08:38 PM

السلام عليكم ورحمه الله وبركاته
اخوكم احمد كان ليه سوال
انا عندى قربه المساحات الخرطوم بتعها بايظ عايز اغيره اجيبو من عند مين
وعندى فربه الميه فيها خرم من فوق مع الضغط بتخرج ميه هل ينفع تتلحم ولا القربه بتتغير ولو اتغيرت سعرها كام

**kohana** · 12-12-2010 08:52 PM

القربة ممكن تتلحم باللز ق اللى هو فى أنبوبتين وبيتخلطوا على بعض جرب كده وإن شاء الله ينفع

**ZALABANY** · 12-12-2010 08:55 PM

المشاركة الأصلية كتبت بواسطة ahmed79

السلام عليكم ورحمه الله وبركاته
اخوكم احمد كان ليه سوال
انا عندى قربه المساحات الخرطوم بتعها بايظ عايز اغيره اجيبو من عند مين
وعندى فربه الميه فيها خرم من فوق مع الضغط بتخرج ميه هل ينفع تتلحم ولا القربه بتتغير ولو اتغيرت سعرها كام

أهلا بيك على الرابطه يا باشا
بالنسبه للخرطوم في كذا محل بتاع خراطيم في التوفيقية خد حته معاك اكيد هاتلاقيه عندهم
بالنسبه للقربه ممكن تلحمها بإيبوكسي بس ده هايبقى حل مؤقت لأنها هاتفك تاني لأن الضغط فيها شديد جدا عامة هي موجوده جديده الأصلي ب 250 جنيه عند محمد يوسف واوعي تجيب غير الأصلي او تجيبها من العزبة بس الشباب ممكن يفيدونا في سعرها استيراد وبلاش الوكاله عشان بيبيعوها غاليه جدا ب 200 جنيه

**heshamzaky** · 12-12-2010 08:56 PM

و دة شكل الاسبويلير يصورة اوضح

**eng_tefa** · 12-12-2010 09:00 PM

المشاركة الأصلية كتبت بواسطة heshamzaky

تيفا باشا أزيك أنا كنت بتكلم مع احمد لانشيا على فكرة احمد بيفهم كويس جدا جدا فى العربيات بجد و الله و خبرة ممتازة و كلمتة و هو كمان كلمنى النهاردة بص التابلوة مش حا يركب و أحمد قالى مش حا يركب أنا ممكن أشوفلك صور أوريلك التابلوة راكب ازاى لعلمك الحمد لله التمبرا عربية مصفحة من الداخل بجد مش هزار بس التابلوة مش حا يركب أنا كنت بتكلم عن الجزء الى فية لوحة التكيف و الطفاية و الدرج دول ممكن يركبو و حا نجرب بس قول يا مسهل

تمام مش مشكله التابلوه كله دلوقتى
المهم انكوا تكتبوا كل اللى هتعملوه بالتفصيل وانا مش هوصيك يا ملك الصور هههههههه
وان شاء الله تنفع انا نفسي اركب بتاع الانشيا حتى مش مهم الابنوس كفايه الدرج بتاعه وشكل لوحه التكييف
بالنسبه لموضوع اللاسبويلر انا هتجنن على النوع دا مش لاقى زيه

**heshamzaky** · 12-12-2010 09:00 PM

أهلا بيك و طبعا الاخوة قامو بالواجب و زميلنا أحمد كان لاحم القربة ب اللحام دة بس بيفك القربة فى مصر فى العزبة ب 200 جنية و الافضل تغيرها أنت لو مسافر و القربة ضربت حا تبقى فى مشكلة كبيرة غيرها أفضل و دة صورة القربة بتاعت زميلنا جيوفنتوس و هو ممكن يقولك عيوب اللحام و مميزاتة

**heshamzaky** · 12-12-2010 09:02 PM

تيفا الشكل دة أعتقد أنة فى التوفيقية أنا شوفت حاجات شبة كدة فى المحل الى كنت بقول علية و ادام المحل واحد فارش كدة و بيبيع العاكس بتاع المرايات للفوانيس ههههههههه