الحقوني يا رجالة انا اتجمد خلاص !

**Deshahcoka** · 13-12-2010 09:20 AM

السلام عليكم يا احلى رجالة في الدنيا !

طبعاً كلكم سمعتوا عن عاصفة اسكندريا امبارح و اكيد عرفتوا حصل ايه ! بقا انا في حاجة أثرت عليا و مش عارف اعمل ايه و بجد عاوز حد يساعدني !

دلوقتي الشقة عندي الدور الاخير ! فامبارح صحيت القي السقف من عند اللمبة بينقط ميه! انا اتخضيت و قمت نطيت من على السرير افصل سكاكين الكهرباء ! رجعت القي السقف كله الابيض مبلول كدة كانك دلقت عليه ميه و الحيطان بتنزل ميه خطوط كدة و انا قايم مخدش بالي ان سجاد الاوضة كلها ميه بس كانت رجلي بتاكلني و انا ماشي و انا مستغرب ليه !

المهم بعد ما اتخضيت و اتوهمت قلت السقف هيعق خلاص ! النهاردة المياة بتاعت السقف زي ما هيا لكن انا شلت السجاجيد المبلولة و اخد سجاجيد من اوضة تانية و حطيتها و الميه اتنشفت لكن الحيطة و السقف لسه راشحين ! ديه حاجة ! لما سألت بيقلك اصلوا السقف بيجمع ميه و عاوز يتستك باسمنت ! و ممكن ترشه بلك احسن يعني ! بيني و بنكم انا قعد ادورها في دماغي مقتنعتش اوي فحبيت اسألكم و اعرف ايه رايكم :)

المشكلة العظمي هيا اني مع اني فارش سجاد و قافل الشبابيك كلها حاسس ان الشقة حرارتها 2 او ممكن تكون وصلت لتحت الصفر ! يعني انا لدرجة النهاردة و انا بقول كنت بموت بجد ! حسيت بسكاكين في جسمي من كل حتة و حاجة مستفزة بجد الصقعة ديه ! المهم قلت اكيد الدنيا تحت اتجمدت لو الشقة بالمنظر ده ! رحت لبست بتاع 3 سويترات و تحيتهم 2 تيشريت و كل حاجة مكنش فاضل غير البطانية ! اول ما نزلت الشارع و بصدمة ان الجو حر ! قلت يمكن الحتة بتاعتنا مفيش هوا ! ركبت العربية و اسخن المكنة القي العربية بتقول حرارة الجو الي بره 18 ! قلت اكيد العربية هيست ! لكن انا اتحريت جامد و اطريت اركن و اقلع !

دلوقتي ايه سبب سقوعية الشقة الفظيعة ديه و ايه حلها ؟ مع انوا في سجاجيد و ستارة خفيفة على الشباك و مقفل الازرار ! و باب الاوضة كمان و انا نايم !

رجالة بجد انا مش قادر استحمل و مش عارف ايه الحل ! :(

**yahiahelaly** · 13-12-2010 09:32 AM

بالنسبة لموضوع المية متسكتش عليه تماما والنهادرة قبل بكرة تعملة
بالنسبة لموضوع ان الشقه بتبقى اسقع من برة ف دة عادي لالنها بتبقى باللبدي كدة شاربة السوقعية كلها طول اليوم زي ايام الحر الشقة بتبقى حر عن برة دة غير انا اكيد المياة المتكثفة عندك عليها عامل

**nonetta** · 13-12-2010 09:33 AM

دي مشكلة الدور الاخير دايما
انا ساكنة في المقطم في الهضبة العليا والعمارات بتاعتنا على جزء مرتفع من الارض واخر دور وادامي خلا
بابقى متكتكة في الشقة وملبسة الولاد عشروميبت حاجة
انزل تحت الاقي الجو معقول
مع الفارق بين عندنا ان المطر قليل و عندكم في اليكس مطر وسيول ونوات كان بيحصل كدة عندي لما الدنيا بتمطر والشيش بتاع الشباك باش ولا بقى راضي يفتح ولا يقفل وبعدين غيرته بعد كدة
فعلا
السطح فوقك يتبطن طبقة بلاك اسود من الجوانب بتعمل طبقة عازلة من الميه وتجددها كل فترة
ولو اتعملت ماسورة لصرف المية بطول العمارة يبقى كويس علشان تصرف المطر اول باول

**Deshahcoka** · 13-12-2010 09:52 AM

مهوا في صرف و المزراب شغال الله ينور ده الي غايظني ! طلعيت بصيت في الرياح امبارح كنت حطير من على السطح لقيت حبة ميه متجمعة بس !

يعني يتعمل اسمنت و يتسوا و بميل و بعدين بلك ؟ و ده يمنع الفيضان الي الشقة فيه ده ؟

يعني السقوعية ملهاش حل ؟ مهوا حتى لو طبيعي بس اكيد في حل يعني ! انا مش عارف اقعد في الاوضة ده انا لابس جكت فوق الهدوم و لسه سقعان و الاوضة ساقعة من الصبح و مش عاوزة تبرد :( اشغل دفايات يعني ؟

**nonetta** · 13-12-2010 10:00 AM

المشاركة الأصلية كتبت بواسطة computerking

مهوا في صرف و المزراب شغال الله ينور ده الي غايظني ! طلعيت بصيت في الرياح امبارح كنت حطير من على السطح لقيت حبة ميه متجمعة بس !

يعني يتعمل اسمنت و يتسوا و بميل و بعدين بلك ؟ و ده يمنع الفيضان الي الشقة فيه ده ؟

يعني السقوعية ملهاش حل ؟ مهوا حتى لو طبيعي بس اكيد في حل يعني ! انا مش عارف اقعد في الاوضة ده انا لابس جكت فوق الهدوم و لسه سقعان و الاوضة ساقعة من الصبح و مش عاوزة تبرد :( اشغل دفايات يعني ؟

ايوة بالضبط البلاك هوة الحل
بس البرودة دي مالهاش حل لان الحيطان شاربة سقوعية مفيش غير انك تشغل الدفاية تدفي المكان شوية وتطفيها بس ما تسيبهاش كتير علشان مؤذية ولازم تكون متأكد انك مش هتخرج من البيت
يعني مش شرط انك تدفى خالص لان حتى لو انت خارج من اوضة لاوضة واحدة سخنة والتانسة ساقعة كانك خرجت الشارع ونفس الضرر
وربنا يهونها عليكو
اول ما موضوع المطر دة يخلص عجل بموضوع البلاك د بةسرعة

**kamalsalem** · 13-12-2010 10:02 AM

بص يا باشا الموضوع ده كان عند حد قريبنا والحمد لله حليناه

الفكرة كلها في العزل... السقف يتعمل بيتومين أو pvc بييجي كده رولات ويتفرد على السطح ويتلف على الجناب ويتصب عليه بلاك أو مش عارف المادة اللاصقة ايه... وبعدها تصب اسمنت عادي ويتعمل بميل ناحية الشارع وكذا مزراب... كده حلينا مشكلة الرشح

عايز الشقة متبقاش برد كلم كيماويات البناء الحديث وقولهم عايز عزل حراري داخلي... برده شيتات كده بتتلزق دي ورق الحيطة وبيتدهن عليها... طبعاً الفكرة انه في الصيف الشيتات دي هتحبس الحر برة مش جوة... ولو عندك تكييف هتلاقيه بيسقع أكتر وبيفصل أسرع وده بيطول عمره طبعاً

**mbx4e** · 13-12-2010 11:37 AM

المشاركة الأصلية كتبت بواسطة kamalsalem

بص يا باشا الموضوع ده كان عند حد قريبنا والحمد لله حليناه

الفكرة كلها في العزل... السقف يتعمل بيتومين أو pvc بييجي كده رولات ويتفرد على السطح ويتلف على الجناب ويتصب عليه بلاك أو مش عارف المادة اللاصقة ايه... وبعدها تصب اسمنت عادي ويتعمل بميل ناحية الشارع وكذا مزراب... كده حلينا مشكلة الرشح

عايز الشقة متبقاش برد كلم كيماويات البناء الحديث وقولهم عايز عزل حراري داخلي... برده شيتات كده بتتلزق دي ورق الحيطة وبيتدهن عليها... طبعاً الفكرة انه في الصيف الشيتات دي هتحبس الحر برة مش جوة... ولو عندك تكييف هتلاقيه بيسقع أكتر وبيفصل أسرع وده بيطول عمره طبعاً

الكلام دا من الاخر وميه ميه
اعزل وماتسترخش في العزل والخامات وزبط الصنايعيه ( بس تكون ناس صنايعيه على حق ) عشان تنسي الاشتغالات دي اسال كمان في عزل بيقولو عليه بتاع حمامات السباحة
وممكن تبلط سيراميك بلاطه كبير بس فرز تاني عشان يبقى رخيص ويكون بميل طبعا هاتنسي البرد في الشتا والحراره في الصيف

**Deshahcoka** · 13-12-2010 04:36 PM

باشا مهوا المشكلة انوا انا لسه طالع من عمرة الشقة من جوة عشان كدة مش عارف ايه بقا نظاط العاز الي هيعوز دهان تاني :(

انا السقف مش عارف ايه طبقت البيوتومين ديه ! يعني انا كنت ناوي اسمنت و بلك و خلاص على كدة !

يعني معلش هتعبكم فهموني زيادة انا ممكن اخلى الاوضة متبقاش ساقعة ازازي ؟ اجيب سجاجيد للحيطان يعني ؟! ههههه

**nonetta** · 13-12-2010 04:41 PM

المشاركة الأصلية كتبت بواسطة computerking

باشا مهوا المشكلة انوا انا لسه طالع من عمرة الشقة من جوة عشان كدة مش عارف ايه بقا نظاط العاز الي هيعوز دهان تاني :(

انا السقف مش عارف ايه طبقت البيوتومين ديه ! يعني انا كنت ناوي اسمنت و بلك و خلاص على كدة !

يعني معلش هتعبكم فهموني زيادة انا ممكن اخلى الاوضة متبقاش ساقعة ازازي ؟ اجيب سجاجيد للحيطان يعني ؟! ههههه

ماهو تقريبا البوتومين هوة البلاك الاسود اللي بيبطنوا بيه الارضية قبل ما يعملوا السيراميك
اما حكاية الاوضة ما تبقاش ساقعة دي موضوع تجليد الحيطان دة اكيد هيبقى مكلف جدا
لازم الارضية كلها تبقى متغطية سجاد او موكيت
الستاير تكون تقيلة
في شرايط اسفنج لاصقة بتتباع علشان تقفل كل فتحات دلف الشبابيك
اما سقوعية الحيطان دي مالهاش حل

**Deshahcoka** · 13-12-2010 04:53 PM

المشاركة الأصلية كتبت بواسطة nonetta

ماهو تقريبا البوتومين هوة البلاك الاسود اللي بيبطنوا بيه الارضية قبل ما يعملوا السيراميك
اما حكاية الاوضة ما تبقاش ساقعة دي موضوع تجليد الحيطان دة اكيد هيبقى مكلف جدا
لازم الارضية كلها تبقى متغطية سجاد او موكيت
الستاير تكون تقيلة
في شرايط اسفنج لاصقة بتتباع علشان تقفل كل فتحات دلف الشبابيك
اما سقوعية الحيطان دي مالهاش حل

فل يبقى كدة مشكلة السقف اتحلت بالبلاك و الاسمنت و ميل و مزاريب و الدنيا تبقى فله من فوق !

الارض 90 % منها متغطي بسجاد و هيا سراميك اصلاً

الستاير مش تقيلة اوي و اصلاً مكنش في ستيار ! ملاية و مسمارين ديه بقت الستارة :) بس هشتري ستاير ان شاء الله !

ايوة عليك نور بالنسبة لشرايط الاسفنج ديه قصدك بنزلقها على عتب الشباك عشان بيجيب من تحت الحلق الي تحت ميه ؟ و يعزل الهواء و كدة و ايه ؟

مهوا لو الواحد قعد يلزق لوح كروتن على الحيطة على اساس انها شكل اعتقد انها ممكن تعزل شوية حرارة ؟

في حل واحد لسه قايلهولي بالنص ! يا عم و انتا تاعب دماغك ليه ! هات تاكيف و ركبه و اديه يا معلم طول ما انتا نايم يظبط الحرارة على حرارة حلوة تكيفك و تبقى مبسوط اخر انبساط ! زي العربية يعني لما الواحد يقفل الشبابيك و يظبط التاكيف على 20 ولا 22 و تحس كانوا جو خريف حلو قوي :)

ايه الكلام ؟ انا شايف انوا ممكن موضوع العزل ده بتاع الرولات الي قلتوه ممكن يكون غالي ! اما السقف غالي مش غالي هيتعمل بس اعتقد دول شكرتين اسمنت و علبة بلك يعني مش غالين ولا انا متهيئلي ؟