واحد من جوه التوكبل كلاكيت تانى مره

**enghany** · 10-04-2012 03:05 AM

المشاركة الأصلية كتبت بواسطة se_coralsea

بعد أذن المهندس / هاني طبعا

ياريت الأخوة الكرام يعملوا كوبي و بيست للنموذج ده و يملوا البيانات اللي فيه علشان يبقي سهل تشخيص العطل فين

[frame="3 80"]

نموذج الأعطال

1- موديل السيارة :
2- سنة الصنع :
3- الفئة :
4- ناقل الحركة (مانيوال / اوتوماتيك) :
5- الكيلومترات المقطوعة :
6- تاريخ أخر صيانة و نوعها :
7- وصف المشكلة أو العطل :
8- تشخيص العطل (بواسطة الأعضاء) :
9- قطع الغيار المطلوبة و أسعارها :
10- الفترة الزمنية من بدء عرض المشكلة حتي الانتهاء منها :
11- تقييم صاحب الموضوع للسيارة بعد الأصلاح :

[/frame]

يا رب تكون بخير يا بشمهندس سمير و شكراا لمساعده حضرتك الفعاله جدا

**amgomaa** · 10-04-2012 03:17 AM

السلام عليكم
كان ليا سوال عن فرامل عربيه النترا اتوماتيك 2012 دلوقت وانا ماشى وادوس فرامل الفرامل تمام مفيش اى صوت لكن لما اقف فى اشاره والعربيهعلى d وارفع رجلى عن الدواسه اسمع صوت تكتكه من العجل الامامى وكمان وانا برجع للوراء بالعربيه نفس الصوت تكتكه هو ده عادى فى الاتوماتيك ؟؟؟

**enghany** · 10-04-2012 08:10 PM

المشاركة الأصلية كتبت بواسطة amgomaa

السلام عليكم
كان ليا سوال عن فرامل عربيه النترا اتوماتيك 2012 دلوقت وانا ماشى وادوس فرامل الفرامل تمام مفيش اى صوت لكن لما اقف فى اشاره والعربيهعلى d وارفع رجلى عن الدواسه اسمع صوت تكتكه من العجل الامامى وكمان وانا برجع للوراء بالعربيه نفس الصوت تكتكه هو ده عادى فى الاتوماتيك ؟؟؟

الصوت طبيعي جدا لاي عربيه اوتوماتيك و يظهر اكتر في بدايه الحركه كله تمام

**mazeen** · 10-04-2012 08:27 PM

السلام عليكم يا بشمهندس دى أول مشاركه ليا مع حضرتك
انا ليا استفسار أنا معايا نيو اكسنت 2010 اوتوماتيك ماشيه 33000 كم وملاحظ ان استهلاك البنزين عالى متوسط 250 كم لكل 30 لتر وفى صيانه ال30000 قلتلهم عليها كشفوا على الجهاز وقالولى كله تمام وكشفت بره عند ميكايكى كويس كشف بالجهاز وقال الرشاشات بتقرا 3.2 وكله تمام ايه رأى سيادتك ؟؟؟؟؟

**enghany** · 10-04-2012 10:29 PM

المشاركة الأصلية كتبت بواسطة mazeen

السلام عليكم يا بشمهندس دى أول مشاركه ليا مع حضرتك
انا ليا استفسار أنا معايا نيو اكسنت 2010 اوتوماتيك ماشيه 33000 كم وملاحظ ان استهلاك البنزين عالى متوسط 250 كم لكل 30 لتر وفى صيانه ال30000 قلتلهم عليها كشفوا على الجهاز وقالولى كله تمام وكشفت بره عند ميكايكى كويس كشف بالجهاز وقال الرشاشات بتقرا 3.2 وكله تمام ايه رأى سيادتك ؟؟؟؟؟

باشل هو الاستهلاك ده مع التكييف؟

**mazeen** · 11-04-2012 12:59 AM

المشاركة الأصلية كتبت بواسطة enghany

باشل هو الاستهلاك ده مع التكييف؟

لأ من غير تكييف ولكن جوه القاهره

**MMohamed2** · 11-04-2012 01:48 AM

لو سمحت يا بشمهندس عربيتى النترا 2004 اوتوماتيك ماشية تقريبا 110 ألف كيلو لسه شاريها قريب العربيه فيها هزه جامده الهزه ده بتزيد والعربية واقفة وخصوصاً لما يكون الفتيس على d وبتقل او شبه بتروح لما امشى لما رحت للميكانيكى الاولانى قالى ان الفتيس متكسر من قدام وصاحب العربيه عامله ورد سانده على قاعدة الماكنه وحله تسيبه كده او تغير فتيس ولما رحت لحد تانى قالى ممكن تغير الفارغ بس أرخص وتحط قلب الفتيس فيه فايه الحل وشكرا مقدما

**bo2loz898** · 11-04-2012 03:28 AM

ساعات بحس ان نقلات الفتيس خشنة و ساعات لزم اشيل رجلي من علي الدبرياج و اعيد النقلة تاني و ساعات لما ادوس فرامل عشان العربية تقف و اموور العربية الاقي الاربي ام بتاع العربية بيعلي لوحده و انا رجلي علي الفرامل و ينزل لما العربية تقف
العربية : النترا 2005 مانيوال عاملة 62000 كم تم تغير ماستر الدبرياج عند 58000 و زيت الفتيس عشان كنت ناسيه

**mido6995575** · 11-04-2012 02:44 PM

السلام عليكم يا بشمهندس انا عربيتي نيو اكسنت 2006 وماشية 60000 الف
فيها كام حاجة عايز اسالك عليها بعد اذنك
1- الدريكسيون باور بيقفل مني كل فترة ودة بعد مغيرت كنترول وظبط شاسية عند سمير علي وظبط زوايا عند بريدجستون يعني عملت كل حاجة مش فاضل غير اغير الباور زيت بدل الباور الي عندي الكهربا
2- دايما مش مرتاح لصوت عفشة العربية في المطبات او الحفر الي في شوارعنا باسمع صوت زي التخبيط وبكشف علي العفشة عند بريدجستون وانا بظبط زوايا اخر مرة قالي مفهاش حاجة بس ممكن تغير الشمعدان عشان هو الي فية مشكلة بس دة مش دلوقتي خالص والعلبة سليمة
3- الموبينا عندي للمرة الثانية الي اغير واحدة تلو الاخري ومش هي نفس الموبينا بتبقي دايما واحدة مختلفة والميكانيكي قالي ده عمرها الافتراضي مش اكتر
وخايف تكون مشكلة في الكهرباء

4- اخر حاجة بشكرك جدا علي مساعدتك للناس وباحتسبك عند الله من جنود الله في الارض الذين يعينون الناس علي قضاء حوائج الناس ورجاء اخير من حضرتك ان امكن ان يبقي بينا اتصال تليفوني اكون شاكر لحضرتك
اسف للاطالة

**enghany** · 11-04-2012 04:04 PM

المشاركة الأصلية كتبت بواسطة mazeen

لأ من غير تكييف ولكن جوه القاهره

بص حضترتك
اولا اتاكد من البوجيهات و طول سن البوجيه بيبقا 0.9 mm
اتاكد من الفلاتر كلها
لحساب طريقه استهلاك الوقود
-تفويل السياره لحد الزور
-السير بسرعه ثابته 90 كم/س لمسافه 20كم
-كل ده بدون حمل في السياره او تكييف
-بعد ماتشي ال 20كم ادخل فول العربيه تاني لحد الزور و قوللي هتاخد كام لتر