رابطة مستخدمي الLinux (ال Ubuntu و Open Suse و أخواتهم )

**ahrambc** · 24-09-2012 10:27 AM

لأختيار توزيعه حسب اجابتك , ادخل الموقع التالى

الموقع

**romieh** · 24-09-2012 11:20 AM

طيب انا دلوقتى طول حياتى بستخدم الويندوز وفعلا نفسى اجرب اللينكس بس مش فاهم حاجات

هو انا لما اجى انزل اللينكس بعمل Setup لل Linux وحده وبعدين انزل التوزيعه عليه ولا انا بنزل اللينكس والتوزيعه مع بعض وبعملهم Setup مع بعض

ايه احسن توزيعه موجودة دلوقتى؟ وياريت لينك للتحميل (انا لقيت لينك لتحميل ال Ubuntu هنا فى الموضوع)

هل هحتاج انى افرمت الهارد كله وامسح الداتا اللى عليه علشان انزل اللينكس ولا هفرمت البارتيشن اللى هينزل عليه بس؟، وهل هيقرا باقى البرتشنات بالداتا اللى عليها؟ (جميع البارتشنات بنظام NTFS)

لو حبيت اغير من التوزيعه هل هغير النسخة كلها بتاعة اللينكس ام هغير التوزيعه بس؟

انا هنزل الاول اللينكس على Virtual Box علشان اجربه وانا لسه بستخدم الويندوز علشان لو فيه حاجة مش فاهمها، هل هحتاج أى اعدادات خاصة وانا بنزل النسخة ولا انزلها عادى

معلش اسألتى كتير بس انا فعلا لا أفقه شئ فى اللينكس وسمعت عنه كتير ونفسى أجربه

**naser_56** · 24-09-2012 11:50 AM

ahrambc بصراحه اثريت الموضوع جدا الف شكر لتفاعلك

**samo9992003** · 24-09-2012 03:36 PM

طب انا دلوقت نزلت ubuntu 12.04 LTS بس انزل ازاى تعريفات الجهاز لانى مش لاقيها فى اى حته ولا حتى السايت بتاع الماذر

**yoko** · 24-09-2012 05:20 PM

كل حاجة متعرفة يا باشا

**ahrambc** · 24-09-2012 08:13 PM

المشاركة الأصلية كتبت بواسطة romieh

هل هحتاج انى افرمت الهارد كله وامسح الداتا اللى عليه علشان انزل اللينكس ولا هفرمت البارتيشن اللى هينزل عليه بس؟، وهل هيقرا باقى البرتشنات بالداتا اللى عليها؟ (جميع البارتشنات بنظام NTFS)

لو حبيت اغير من التوزيعه هل هغير النسخة كلها بتاعة اللينكس ام هغير التوزيعه بس؟

انا هنزل الاول اللينكس على Virtual Box علشان اجربه وانا لسه بستخدم الويندوز علشان لو فيه حاجة مش فاهمها، هل هحتاج أى اعدادات خاصة وانا بنزل النسخة ولا انزلها عادى

معلش اسألتى كتير بس انا فعلا لا أفقه شئ فى اللينكس وسمعت عنه كتير ونفسى أجربه

بعد أن حصلنا على اسطوانة النظام يمكننا تجربتها

نضع الأسطوانه فى DVD أو CD و نعمل رستارت للجهاز بحيث يفتح من الأسطوانه ( لو مش عارف ازاى قولى و انا اوضح ) و غالبا ده بيكون اختيار رئيسى فى معظم الأجهزة .

عندما تفتح الأسطوانه سيكون عندك اختيارين .... اما تنزيل اللينكس ... أو تجربته بدون عمل أى تغيير فى الجهاز .

اقترح عليك تجربته اولا لكى تتأكد من أن كل مكونات الأجهزة تعمل بشكل طبيعى و متعرفه بشكل آلى و هذا ما يحدث فى معظم الحالات ... بعض كروت الشاشه من نوع نيفيديا الحديثه جدا قد تحتاج لتعريف اضافى و كل حالة سوف نناقشها على حده لأنها حالات خاصة و ليست حالات عامه .

فأنت لا تحتاج لتعريفات فى معظم الحالات لا للوايرلس و لا لكروت الشاشه و لا حتى للبلوتوث أو usb الخاصة بالأنترنت ... كله يعمل بشكل اتوماتيكى فى ٩٥ ٪ من الحالات .

بالنسبه لأنزال الينكس أمامك عدة اختيارات ... اما انزال اللينكس وحده أو انزالة بجانب الويندوز .

و بالتالى بالنسبة لتقسيم الهارد .. امامك عدة اختيارات : لو احتفظت بالنظامين فستخصص مساحة فقط 20جيجا أو 15 جيجا للينكس و سيتم تقسيمهم بنظام اسمه ext4 .

سيستطيع اللينكس أن يقرأ و يتعامل مع ملفات الويندوز بكل سلاسه و يسر و لكن الويندوز لن يقرأ ملفات اللينكس . و لذلك لن تحتاج لأن تغير أيا من البارتشنز الأخرى التى بنظام NTFS .

لو عندك أى استفسار آخر فى هذه النقطه أكون سعيدا بمحاولة الرد عليه .

ليس هناك أى داع لأنزال Virtual box لتجربته لأنك يمكنك تجربته من خلال الأسطوانه بدون احداث أى تغيير , لكننا سنحتاج لهذا البرنامج اذا كان اللينكس هو النظام الوحيد على الجهاز لتشغيل بعض البرامج أو الألعاب التى ليس لها بديل مفتوح المصدر

تحت أمر حضرتك فى أى استفسارات

**ahrambc** · 24-09-2012 08:16 PM

المشاركة الأصلية كتبت بواسطة naser_56

ahrambc بصراحه اثريت الموضوع جدا الف شكر لتفاعلك

اشكرك جدا على المجامله

فى الحقيقه أنا أعتبر هذا العمل من قبيل " العلم الذى ينتفع به " و من قبيل " خيركم من تعلم العلم و علمه " و لقد ساعدنى اناس كثيرين فى تعلم القليل الذى أعلمه و هذا واجبى أن أنقل العلم .

اللينكس آمن و مستقر و شرعى أيضا فلا سرقة للنسخ و لا كراكات ولا فيروسات

بالأضافه الى أنه محمى من الأختراق لحد كبير و تجسس الحكومات و الشركات لحد معقول .

**ahrambc** · 24-09-2012 08:21 PM

المشاركة الأصلية كتبت بواسطة yoko

كل حاجة متعرفة يا باشا

تمام

معظم مكونات الكمبيوتر لا تحتاج لتعريفات الا فى بعض الحالات الخاصه .

جميع اجهزة HP و Dell و ِToshiba و Acer لم تقابلى فيها اى حالات خاصه .

حالة واحده فقط كانت لكارت تليفزيون( كارت خاص جدا ) و لم يكن عندى وقت كاف للبحث عن تعريف له و شغلته عن طريق Virtual Box

ايضا يجب أن نعرف أن مايكروسوفت تحارب لينكس بشده حتى أنها تشترط على شركات المعدات عدم كتابة تعريفات للينكس حتى تعطيهم المواصفات الفنيه لكتابة درايفات الويندوز .

ايضا تشترك ويندوز مع نوكيا فى هذا الموضوع و لذلك فقد قررت مقاطعة منتجات نوكيا ايضا و اللجوء لأنظمة الأندرويد ( و الذى يعتبر من منتجات لينكس )

**naser_56** · 25-09-2012 02:29 AM

طيب ايه افضل توزيعه بواجهه جميله لجهاز سوني vaio z والبرسوسور core i7 والرامات 8 وتتوقع ممكن اقابل مشاكل بخصوص الهارد حيث ان الهارد ssd طبعا هما هاردين ssd بسعه 256 وشغالين بمصفوفه raid 0 حيث ان اي بيانات بتتقسم علي الهاردين علشان اسرع بالضعف عند تركيب هاردين بمصفوفه رايد 0 وطبعا انا بركبها بجانب الويندوز وهل ٥٠ جيجا كافيه لابونتو مثلا

معلهش اسئلتي كتير ولك جزيل الشكر علي ردودك وسعه صدرك