الموضوع: رابطة مستخدمي الLinux (ال Ubuntu و Open Suse و أخواتهم )

المشاركة الأصلية كتبت بواسطة tutankhamoun

برنامج أوبن أوفيس و هو بديل ميكروسوفت أوفيس . و على فكرة له نسخة للويندوز كمان .
و برنامج جيمب gimp و هو بديل للفوتوشوب .

شكرااا توت باشا ... انا نزلت ابتنو علي برتشن بس النت مش عايز يشتغل مش عارف لية مع انة شغال علي الوندوز الشبكة ظاهرة ومتصل بيها بس النت بردوا مش شغال

البرامج اللي حضرتك اشرت اليها دي نزلة مع النظام ولا ادور عليها في جوجل ..؟؟؟

المشاركة الأصلية كتبت بواسطة ahrambc

بخصوص البرامج المكتبيه office فهناك حزمة برامج libre office و هى لا تقل بأى حال عن microsoft office بالنسبة للمستخدم العادى بل تزيد عنها بأمكانية عمل ملفات pdf .

تستطيع حزمة libre office قراءة ملفات الوورد و الباور بوينت و الأكسيل و التعامل معها و الحفظ بصيغتها .

الوورد فى ليبرا اوفيس اسمه رايتر

الأكسيل فى ليبرا اوفيس اسمه كالك

الباور بوينت فى ليبرا اوفيس اسمه امبريس

الأكسيس فى ليبرا اوفيس يسمى بيز

اما بخصوص برامج تعديل الصور فبرنامج gimp يعتبر أشهرها و أقواها و لا يقل عن الفوتو شوب للمستخدم العادى و المتوسط و بداية الأحتراف و يوجد العديد من البرامج الأخرى .

طبعا كل البرامج مفتوحة المصدر و مجانية و شرعيه .

و لأى برامج أخرى , لا تتردد فى طلب البرنامج و سأبحث لك عنه .

شكرااااااااااااا جزيلا يا باشا كلك ذوق .. بس استفسار صغير

انا نزلت ابتنو علي برتشن بس النت مش عايز يشتغل مش عارف لية مع انة شغال علي الوندوز الشبكة ظاهرة ومتصل بيها بس النت بردوا مش شغال

البرامج اللي حضرتك اشرت اليها دي بتشتغل مع اي ليونكس ..؟؟؟ ولا لازم اشوف نسخة متوافقة مع ابتنو

شكرااااا مرة اخري ... وجزاك اللة خيرااا

المشاركة الأصلية كتبت بواسطة ahrambc

لا شكر على واجب

١- بخصوص النت : هل تقصد شبكة الوايرلس أم النت السلكى .. عموما اعطى مزيدا من المعلومات و سأحاول الأجابه .

لو كنت تقصد الوايرلس .... فمن ٍSystem settings ادخل على Additional Drivers و شوف هل هناك درايفرز ينبغى انزالها ( طبعا بتوصيل نت سلكى ).

معاك خطوه بخطوه


٢- بخصوص البرامج التى ذكرتها :جميعها تعمل على أى توزيعه مبنيه على ديبيان مثل ابونتو و كوبنتو و اكس بونتو و ال بونتو و منت و بنجاى و غيرها و بعضها يعمل على أى نظام لينكس ايا كان بشرط اختيار النسخه المناسبه للتحميل .

معظم هذه البرامج تكون جاهزة مع بعض التوزيعات مثل توزيعة Linux Mint و لكن يكون حجم التوزيعه ضخم يزيد عن 1.75 جيجا و معظم المستخدمين يفضلون حجما صغيرا للتوزيعه لا يزيد عن 700 ميجا و يقومون بعد انزالها بتنزيل ما يحتاجون اليه فقط .

بخصوص برامج الأوفيس .... برنامج Libre office يأتى جاهزا مع معظم التوزيعات .

انا مش عارف انزل اي درايفرات بسبب النت الشبكة ظاهرة وعامل كونكت عليها لكن ما فيش نت جربت استخدم كابل من الراوتر للجهاز بردوا ظاهر انة عمل كونكت بس مافيش نت بردو جربت فلاشة موبينيل هو البرنامج اللي بيشتغل معاها علي الوندوز ما طلعش بس من الشبكات لاقتها موجود وحاولت اعمل كونكت معاها بيعمل كونكت ثواني ويفصل تاني ومفيش نت بردو

مش عارف المشكلة فين ؟؟؟ خضرتك بتقول في برامج كتير بتيجي مع منت بس انا جربت منت من ستنين ثلاثة لمدة يوم مرتحتش ليها يمكن ابتنو افضل في شكل الدسك توب الايكونات الظاهرة علي جنب الشاشة ولاقيت كمان ايكونة سوفت وير سنتر وفيها برامج كتير بس منت الدسك توب كان فاضي وحسيت انة عقيم عموما هي لسة عندي علي cd مش عارف دي عملوا ليها اب ديت ولا لسة زي ماهى ؟؟؟ وحضرتك قولت ان ابتنو افضل وانا نزلت النسخة اللي حضرتك حاطت اللينك بتاعها

كمان اتصلت ب t data وسألتهم قالولي مش بيدعموا ليونكس ... انا لما بشغل ويندوز النت بيشتغل عادي ... لما اشغل ابتنو ما فيش نت مع انة شايف الشبكة وكمان كل الشبكات الويرلس وعامل كونكت ... اعمل اية ؟؟؟؟

المشاركة الأصلية كتبت بواسطة ahrambc

نأتى لمشكلة الشبكة

فى الأساس عندما تنزل الأوبنتو هو يطلب منك أن تكون متصلا بالأنترنت من خلال سلك و ذلك لأنه ينزل تعريفات الأجهزة اتناء التثبيت و يبدو أن هذا لم يحدث .

وسائل الأتصال بالأنترنت ثلاثه مبدأئيا : السلكى و الوايرلس و كروت usb

بخصوص usb modem فلا تحتاج الى برنامجها الخاص لكى تعمل و انما تعمل مباشرة .

لدينا حلان مبدأيان :

الحل السهل : هو اعادة تثبيت الأوبنتو مع توصيل سلك شبكة الى الجهاز .

الحل الأصعب : هو حل المشكله من خلال خطوات متتاليه و لكننا بالتأكيد سنتعلم أشياء كثيره فى الطريق .

و أنا أفضل الطريق الصعب ... فما رأيك

انا عملت اعادة تثبيت بس ما (وصلتش سلك )ومفيش فايدة ...