ايه افضل ثرموستات حرارة مناسبة للفيورا

**maka** · 06-05-2011 03:45 PM

ايه افضل ثرموستات حرارة مناسبة للفيورا او للفيات القديم 80 ~ 90 ولا 68 ~ 82

و لا فيه مقاس تانى احسن

**heshamzaky** · 07-05-2011 01:33 AM

80 / 90 دة أفضل مقاس المقاس الى قبلة حا يخلى المروحة شغالى دايما و درجة حرارة الموتور المثلى هى 90 درجة

**maka** · 07-05-2011 01:55 AM

اشكرك استاذ هشام لانى حاليا مركب المقاس ده لكن بتاع الرداتير شككنى فى نفسى و قالى المقاس التانى افضل و لما سالته الافضلية فى ايه قالى هيشغل المروحة وقت اكبر !!!!

**heshamzaky** · 07-05-2011 01:59 AM

و برضو حا يقصف عمر المروحة اسرع ههههههههه و الموتور يفضل يبرد و لو فى الشتاء حا تحس ان العربية مش مظبوطة لانها باردة على طول . بص جرب كدة و جرب كدة و شوف أنهى أصلح و مريحك أكتر

**maka** · 07-05-2011 02:02 AM

فعلا المروحة مش هتفصل تماما او تفصل لمدة بسيطة جدا

انا بس لو اعرف الاستندر اللى العربية كانت بتنزل بيه هستريح ؟؟؟

**heshamzaky** · 07-05-2011 02:09 AM

82 / 90 و لو عاوز تعرف اصل العربية أول ما نزلت العربيات ال 127 كانت بتسخن لان الرادياتير بتاعها كان محطوط بداخلة زى مواسير بلاستيك حلزونية الشكل راكبة داخل الرادياتير فى الخروم بتاع مجارى المياة علشان تقلل دورة المية داخل الرادياتير و تفضل المية ساخنة بس دة مواصفات اوربية فكان لازم تشد البلاستيك الحلزونى دة و تطلعة من الرادياتير و طبعا كان الرادياتير يا أما الومونيوم يا أما كان فيبر و طبعا دى كانت فكرة مش محببة لصنايعية مصر و كلة يقولك غير و ركب رادياتير نحاس مع أن دة جهل لان الرادياتير الالومنيوم الحرارة مش بتفضل ماسكة فية لما تبردة زى الرادياتير النحاس . بص هما كانو بيقولو لك أسهل علشان لو اتخرم يتلحم بالقصدير و السلام

**maka** · 07-05-2011 02:14 AM

اشكرك على المعلومات الجامدة

بس اظن دلوقتى مبقاش فيه ليها رادياتيرات فيبر او المونيوم او ممكن تكون نادرة الوجود

**heshamzaky** · 07-05-2011 02:16 AM

الالومونيوم كان مستورد نوعة أسمة ((( فاليو )))) بس اعتقد ممكن تلاقى الومونيوم حاليا بس حا يبقى صينى مش ايطالى طبعا بس حا تكون العلب فيبر .

**maka** · 07-05-2011 02:20 AM

الصينى متوقعش انه يعمر

انا مرة فكرت ليه منركبش لها رادياتير كبير زى بتاع الانوس خصوصا انه تقريبا بنفس تمن النحاس و هيبقى احسن علشان كفاءة تبريد اعلى

**heshamzaky** · 07-05-2011 02:20 AM

أسأل كدة عند بتوع الرادياتيرات الى فى ميدان ابن الحكم اعتقد أنى شوفت الالومونيوم عندهم قبل كدة . و النحاس فية نوعين واحد كان بتاع المصانع الحربية و الاخر كان بيقولو علية المانى هههههه مش ألمانى طبعا بس بيقولو كدة و السلام و خلى بالك لو وزن الرادياتير تقيل يبقى مش حلو على فكرة و فية ناس بتركب نحاس 3 ماسورة بس شكلة وحش بصراحة

الموضوع: ايه افضل ثرموستات حرارة مناسبة للفيورا

LinkBack

أدوات الموضوع

عرض

ايه افضل ثرموستات حرارة مناسبة للفيورا - انشر الموضوع فى :

-

-

-

-

المواضيع المتشابهه

موتور اونو للفيورا

مساعدين جديدة للفيورا

حرارة الموتور الخارجية (حرارة عالية خارجة من الكبوت).........

مكن أزاز الكهرباء للفيورا 127

ممكن للفيورا 127

الكلمات الدلالية لهذا الموضوع

المفضلات

المفضلات

ضوابط المشاركة