صوت ونة في فيتيس الماروتي

**beckeryahia** · 21-06-2011 03:27 AM

عندي صوت ونه في فيتيس الماروتي 2005 بيروح علي السرعات العالية وبيظهر جامد علي التالت علي سرعة 50 , روحت للميكانيكس قالي الفتيس ممتاز ومافيهوش حاجة وان الماروتي صوتها كده , حد يقد يفيدني في المعلومه دي؟؟

**love7amada** · 21-06-2011 06:29 AM

عامله كام كيلو
لو اكتر من عشرين الف و مغيرتش زيت الفتيس غيره و الدنيا هتحلو معاك جدا جدا

**sab3aawy** · 21-06-2011 03:07 PM

غير زيت الفتيس، حط لها زيت 90 او زيت متعدد الدرجات ، بتاخد 2 كيلو ولو انت غاوى تعمل حاجات بايدك الموضوع سهل جدا، هتحتاج مفتاح مربع تفك بيه طبة الزيت(اسمه فى السوق مفتاح طبة بيجو مقاس 10) وتنزل الزيت القديم وبعدين تربطها وتحط الزيت الجديد من أعلى الفتيس من عند مقاس الزيت ذو الغطاء البلاستك الأسود، تحط 2 كيلو وتقيس الزيت وبعدين تقفل

**beckeryahia** · 21-06-2011 04:43 PM

كنت غيرت زيت الفيتيس عند الميكانيكي بس ماعرفش حط اي نوع ولا عمل اية , المهم العربية اتحسنت بومين يالضبط ورجعت تاني ,, بس سؤالي المهم هو كل الماروتي كده بيعمل ونة لما زيت الفيتيس يحتاج يتغير؟؟

**micromoud** · 21-06-2011 05:22 PM

حد يغرف بنزينه اغير فيها زيت الفتيس ياشباب.؟

**dr.hazem** · 21-06-2011 08:40 PM

المشاركة الأصلية كتبت بواسطة micromoud

حد يغرف بنزينه اغير فيها زيت الفتيس ياشباب.؟

انا غيرته في بنزينة كالتكس جنبي في جسر السويس فيها صنايعي شاطر ومحترم ومؤدب
اعتقد بعيد عنك؟؟

تحياتي

**maged** · 21-06-2011 11:36 PM

انا كنت عامل موضوع عن صوت ونه فى الفتيس عند الغيار الثانى اعتقد الماروتى كله بيعمل كده بعد 50000كم

**love7amada** · 22-06-2011 12:56 AM

انا اشتريته من بنزينه موبيل و غيرته عند محل زيوت و شحوم ف فيصل

**sab3aawy** · 22-06-2011 10:25 AM

اذا غيرت زيت الفتيس ولسة بيعمل ونة هقول لك على حاجة بسيطة جدا تعملها عادة بتحسن الموضوع جدا

ضيف على زيت الفتيس نص علبة زيت شمبر(حوالى 100-150 مللى) ، فيه منه انواع مستوردة وفيه منه مصرى (رايبدو- انتاج شركة أدكو) وبيتباع عند بتوع قطع الغيار، من عشرة لخمستاشر جنيه العلبة، هتحتاج تحط نصها فقط ، غالبا هيضيع صوت الونة

لو مراحتش(بس اديها كام يوم تجربة الأول) قدامك الحل التالت ، ريسورس للفتيس، ودى عبارة عن اضافة بتتحط للزيت تقوم بترميم الأجزاء المتآكلة من الموتور او الفتيس، فيه منه نوع معمول مخصوص للفتيس المانيوال(متجيبش بتاعت الموتور ولا بتاعت الفتيس الاوتو) ، هتلاقيه بيتباع عند كارفور وفى التوفيقية ، فى كارفور النوع المخصص للفتيس كان ب 45 جنيه، هتحتاج علبتين لأنه بيتضاف بمعدل علبة لكل لتر زيت

الموضوع: صوت ونة في فيتيس الماروتي

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة فى فيتيس c-180

زيت فيتيس للالنترا

زيت فيتيس c4

زيت فيتيس الفيكترا

فيتيس العربية

الكلمات الدلالية لهذا الموضوع

المفضلات

المفضلات

ضوابط المشاركة