مقارنة مع شوية أسئلة بين التيدا السيدان فئة قليلة والصنى الهاى لآين

**SonaSteel** · 22-07-2011 02:51 PM

كلام طيب جدا جدا ماشاء الله
جزاك الله خيرا يا maxaya بيك وربنا يجعله في ميزان حسناتك
وارشحلك اوتو ايجيبت... لانهم ناس محترمة ربيسلموك في ميعادك وبيسلموك بما يرضي الله وخدمة البيع وما بعد البيع مشوفتهاش في مكان تاني سواء عربيات اوغيرها ماشاء الله
وربنا يتملك بكل خير ان شاء الله

**Abdm** · 22-07-2011 07:08 PM

المشاركة الأصلية كتبت بواسطة maxayma

العفو يا باشا دا انتوا اهل الخبرة برده انا كنت ناوى احجز من السبع لان كان كمان اللون اللى عاوزوا موجود بس الراجل مش راضى ينزل جنيه و احد من 115 الف مع انى ناوى ادفع كاش بس قالى فى خصم كوبونات صيانة بالف جنيه (كانه خصم الف)
شكلى كده من اشوف اوتو ايجيت و ياريت يكون فى حصم و يكون فى اللون اللى انا عاوزه

و لو حجزت عندهم مثلا علشان اللون ان شاء الله استلم كمان اد ايه

أنا سئلتهم قبل كدة وقلولى 15 يوم بعد الحجز علشان هيجبوها من المصنع دة بالنسبة للنيسان وممكن يبقى أقل لو حضرتك قرصت عليهم شوية وربنا يوفقك ويكرمك ويسترها معاك

أنا بالنسبالى شايف التيدا الفئة القليلة مفتقدة حاجات كتيرة ومهمة جدا موجودة فى الفئة العالية .. وبالنظر للصنى الهاى لآين فهى بها كل هذة الفروقات اللى مش موجودة فى التيدا الفئة القليلة .أنا مش عايز أثر على رأى الآعضاء فى حاجة بس يا ريت باقى الآخوة الآعضاء بردة يقولولنا أية رئيهم فى المقارنة بين الصنى الهاى لآين والتيدا الفئة الآقل
والله الموفق والمستعان

**mohaismail** · 22-07-2011 09:39 PM

من وجهة نظرى مينفعش اقارن تيدا بصنى
التيدا اعلى كتيييير جدا من صنى فى كل حاجة

**maxayma** · 24-07-2011 09:30 AM

ايه الاخبار استقريت على ايه يا باشا تيدا ولا صنى

**Abdm** · 24-07-2011 11:39 AM

المشاركة الأصلية كتبت بواسطة maxayma

ايه الاخبار استقريت على ايه يا باشا تيدا ولا صنى

يا maxayma أنا بصراحة ميال أكتر للصنى الهاى لآين لسببين ..أولا : عربية منتشرة وعملية وبنت بلد ومعروفة قوى وكاملة وفيها كل الكماليات اللى مش هتبقى موجودة فى الفئة الآقل من التيدا وكمان فرق السعر مش قليل وكمان محتاج أشوف التيدا كويس قوى من قريب ولو قدرت أركبها وأقعد فيها لآنى مش هعرف أحزم قرارى الا لما أشفها حتى لو ركنه فى الشارع ... تخيل وللآسف جدا أنى بحاول أدور عليها فى الشوارع والطرقات وفى كل حتة مش لآقيها دلوقتى .أنا فاكر أنى شفتها من زمان بس ما كنتش مركز معاها دلوقتى مش لقيها خالص حاجة غريبة .حتى لما رحت أوتو أجيبت المهندسين علشان أتفرج على الصنى ما كنتش التيدا ساعتها موجودة ولا كمان الصنى الهاى لآين .كان الموجود الصنى ال ex فقط أو السوبر صالون ..فبنسبة كبيرة شكلها كدة هترسى على الصنى الهاى لآين للأسباب اللى أنا ذكرتها أنا مستنى بس الآجراءات تخلص وغالبا هيتم الاستلام فى شهر رمضان وحسب التساهيل ... وكل شىء قسمة ونصيب . وكل سنة وأنتم جميعا طيبين وبصحة وسلامة ورمضان كريم . والله الموفق والمستعان
وجزاكم الله خيرا

**mmshalaby** · 24-07-2011 07:23 PM

مع انو انا اما استقريت عن نفسى على الصنى :) بس اذا حتجيب التيدا السيدان اللى ب 115000 فهى موجوده عند اوتو ايجيبت ولو اللون اللى انت عايزه موجود ممكن تستلم تانى يوم. وفى خصم 2000 جنيه وحبعتلك على الخاص رقم محمول مسؤول المبيعات اللى اعرفه

**Ali_Abo_Amr** · 25-07-2011 01:45 PM

انا رأيى تركب العربيتين وانت اللى تقرر
لو انا فى نفس الظروف هاختار التيدا الفئة الاولى اللى هى معايا حاليا
بص انا هاقولك على حاجة ... كان زميلنا هنا فى المنتدى فى احدى المقابلات وكان لسه جايب الصنى ... وطلب منى يجرب التيدا وخليته جربها وشد بيها واكل بيها مطبات وجرب تكييفها ... لما نزل بص و قاللى ربنا يباركلك فيها !!!
فأنا رايى تحاول تجرب الاتنين لأن زى ما اخونا حسين قال ... دى ركوبه ودى ركوبه
ثانيا انا رأيى ماتجيبش تيدا هاى لاين مش مستاهله على الكماليات اللى هى جنوط سبور وتكييف ديجيتال من الآخر ...
وماتنساش الاستخارة وربنا يوفقك ...
ومنتظرين نعرف قرارك ان شاء الله

**Ahmed_Rahem** · 29-07-2011 10:49 PM

السلام عليكم

رأيى ان الصنى فئة اعلى من التيدا لان التيداً اساسها هاتش باك وبتنزل سيدان، انما الصنى سيدان فقط وبالتالى الصنى فئة اعلى. التيدا موديل احدث وففيها بعض الكماليات (الالكترونية) افضل من الصنى، وكمان دولة التصنيع -القفيل- بتفرق.
وسع الصالون الداخلى اكبر فى التيدا بدون خلاف.
الموتور والعفشة والثبات ممكن متحسش بفرق جوهرى بين الاتنين (بقول جوهرى علشان محدش يزعل)
الشكل، دة اذواق فى الاول والاخر

انا جبت الصنى لان شكل التيدا مش عجبنى - مسألة ذوق (وانا جربت سوقتها قبل كدة، ولا اجد عيب فيها) وكمان النقطة التانية فرق السعر وقولت انا اولى بية، طالما الاساسيات وعوامل الامان متوافرة فى الاتنين (انا بقارن مع التيدا الهاى لاين).
انت جرب تقعد فى الاتنين ولو عرفت حد معاة العربيتين تجرب سواقتهم - لو بتروح 6 اكتوبر ممكن اسلفك عربيتى لفة :)، وتصلى استخارة وربنا يوفقكك

والسلام ختام

**Ahmed.TV** · 30-07-2011 01:11 AM

لو فاضى تعالى بكرة السبت او الاحد انا فى مدينة نصر .. واعتقد ان حضرتك معاك رقم تليفونى .. كلمنى وتعالى اقابلك واخلصك من الحيرة دى على الطبيعة .. لان الكلام العملى حيكون افضل ومقنع

والتيدا اليومين دول معقول عليها عروض .. لان الصنى غالية اليومين دول .. واللى حيحجز الصنى بالسعر القديم حيستلم نص شهر 9
واللى عاوز صنى دلوقتى زود 2000 جنيه على تمنها القديم ..
والتيدا بكل فئاتها عليها خصم 4500 جنيه

التيدا اقدر اعملك مقارنة على الطبيعة واوريك الفرق على الطبيعة عشان تصدق سنتى سنتى وملى ملى بينها وبين الصنى

والتيدا قطع غيارها بره التوكيل بقة زى الرز وزى الصنى بالظبط .. قطع غيار زيرو وكمان استيراد

تقفيل التيدا افضل بمراحل من الصنى

ماتور التيدا اغضل واحدث واقوى من الصنى

استهلاك التيدا افضل من الصنى

مشاكل التيدا اقل بكتير من الصنى .. واعتقد انك قعدت واتفرجت فى القسم وشوفت مقارنة بمشاكل الصنى .. معلش بقا لازم اتكلم .. طالما دخلنا فى مقارنة بين الاتنين

خامات وتقفيل التيدا افضل من الصنى بمراحل

العزل اللى الكابينة فى التيدا ومتسمعش الدوشة بره ولا صوت الماتور افضل من الصنى بمراحل

صوت الماتور فى التيدا افضل من الصنى

العزل اللى مرشوش تحت العربية فى التيدا اكبر واوسع .. يعنى مرشوش عزل فى اماكن كتير من تحت العربية عكس الصنى .. فى بعض الاجزاء .. مش زى التيدا .. وده شوفته بعينى وورهونى المهندس فى السبع

الباور فى التيدا افضل بمراحل فى الصنى .. باور كهرباء وبيتقل على سرعات ..بعد ال120 .. ومفيش مشكلة فى ولا بيعمل مشاكل ولا الكلام بتاع الاشاعات ده ..

تسارع وعزم التيدا اقوى من الصنى

فرق اول فئة فى التيدا عن الصنى السوبر صالون .. الابانوس والجنوط والمخادع اللى قدام وورا .. وطبعا الابانوس فى الصنى شكله بشهادة الناس مش قد كدا .. والجنوط امرها سهل .. ممكن تجيبها من بره .. والمخادع بردوا امرها سهل

هاااااااااااااااااااا نقول كمان ولا كفاية

انا مكنتش عايز اعمل مقارنة عشان مزعلش ملاك الصنى منى

وبعدين على الطبيعة لو جيت كمان حعملك مقارنة اكبر من دى عملى .. وافرجك الفرق يستاهل ولالا